شيرى a11 ممكن اعدل فيها ؟

[Craz110]

السلام عليكم,

أنا اسمي عمر و أول مرة أشارك معاكم في المنتدى

عشان مطولش عليكم أنا عندي عربية شيري (صيني) A11 اللي هيا العريضة
و بما أنها أول عربية أركبها فأنا مرتبط بيها جدا و بحاول أظبط فيها حاجة حاجة بس
ناس كتير بتحبطني و تؤلي أنه مينفعش فيها تظبيط عشان صيني (مع إني مشوفتش منها أي حاجة وحشة)

فباختصار هل رأيكم أني ممكن أظبطها ولا مفيش أمل فيها خالص أبيعها و أشوفلي أي حاجة مستعملة و خلاص

اّسف طولت عليكم
مستني الردود

و شكرا

[S O P H O S]

لو حضرتك جيبها زيرو متبعش حاجة
والتجديد فالعربية من الافضل يكون فأضيق الحدود او بمعني اصح بدون اللعب فاساسيات العربية
واهلا بيك يا باشا ..

[Craz110]

لو حضرتك جيبها زيرو متبعش حاجة
والتجديد فالعربية من الافضل يكون فأضيق الحدود او بمعني اصح بدون اللعب فاساسيات العربية
واهلا بيك يا باشا ..

شكرا على ردك السريع, أنا جايبها زيرو فعلا

كنت بس عايز أعرف بس أضيق الحدود دي تشمل أيه ؟

أنا قيل لي أن العربية واخدة التصميم الخارجي من السيات التوليدو و الميكانيكا من جولف 2
و انا شوفت فعلا قطع فيها زي بتاعة الجولف و الاوكتافيا (مثل جلب المقصات) و لكن الخامات فقط هي الصيني, فما يمنع تعديل العربية

دوشتك معايا

شكرا جدا لاهتمامك

[mahmoud_anwar]

ملكش دعوة بي كلام الناس مدام عجباك خلاص متديش ودنك لحد لي انك لو معاك بي ام برضة هيقوله ليك بص ايف الحتة دي شايف العربيه عاملة ازاي وهكذأ
انتا لو عايز تعدل في العربية ممكن تركبلها جنوط ممكن تحطلها زينون ممكن تركب ديفل ممكن تفيم ممكن ترسم علي العربية او تحط كربون ممكن تصب اسبويلر ليه وتركبة لو كنت تقصد التعديلات دي فامفيهاش مانع
ام كنت تقصد عايز تعدل ماتورها فابصراحه مقدرش افيدك ماتورها يشبه ماتور ايه ممكن يسقط في الشاسيه بتعها
وكمان سيب كل حاجه علي طبيعتها ولو حابب تعدل بيع العربية وعليها ثمن التعديل وجدد

[hugan]

هي الشيري a11في منها زيرو

[Craz110]

هي الشيري a11في منها زيرو

لأ مفيش العربية كانت بتاعة والدتي و أنا أخدها

ملكش دعوة بي كلام الناس مدام عجباك خلاص متديش ودنك لحد لي انك لو معاك بي ام برضة هيقوله ليك بص ايف الحتة دي شايف العربيه عاملة ازاي وهكذأ
انتا لو عايز تعدل في العربية ممكن تركبلها جنوط ممكن تحطلها زينون ممكن تركب ديفل ممكن تفيم ممكن ترسم علي العربية او تحط كربون ممكن تصب اسبويلر ليه وتركبة لو كنت تقصد التعديلات دي فامفيهاش مانع
ام كنت تقصد عايز تعدل ماتورها فابصراحه مقدرش افيدك ماتورها يشبه ماتور ايه ممكن يسقط في الشاسيه بتعها
وكمان سيب كل حاجه علي طبيعتها ولو حابب تعدل بيع العربية وعليها ثمن التعديل وجدد

شكرا حبيبي كنت مستني حد يقولي كده من الصبح