عايز اعرف اجراءات نقل ملكية العربية ؟؟

[rafe3_dent]

اولا كل سنة وانتم طيبين

انا اشتريت عربيتي سويفت 93 من 5 شهور بعقد بيع وسجلته في الشهر العقاري
دلوقتي الرخصة انتهت وعايز اجدد وبالمرة اكتب العربية باسمي

من كام يوم رحت طلعت شهادة المخالفات وهي جاهزة معايا دلوقتي

ايه بقى الاجراءات اللي هعملها والمطلوب بالضبط ؟
انا هرخص سنة واحدة بس ..

عايز حد يشرحلي كده من طأطأ لسلامو عليكو :D

[rafe3_dent]

حد يرد عليا ضروري ياجماعة عشان رايح بكرة الصبح ان شاء الله

[أبو صلاح]

انت معاك عقد بيع نهائي ؟ ولا توكيل؟
مبدئيا لو الرخصة انتهت ومش معاك عقد بيع نهائي يبقى لازم تطلع شهادة بيانات من المرور المسجل فيه السيارة وهتطلع نسختين (واحدة للمرور اللي هتنقل ليه والتانية للشهر العقاري)

كده اصبح معاك عقد بيع نهائي
هتروح المرور وتدخل على شباك النماذج وتجيب نماذج الفحص
وتروح تفحص
وبعدين ترجع على شباك تجديد الرخص ونقل الملكية وتقدم الملف بتاعك كاملا ومعاه نمر العربية
خلي معاك نسخ احتياطي لصور البطاقة والرخصة والتوكيلات وعقد البيع