هل زياده الاسعار على العربيات الموجوده بالفعل استغلال ام لا؟

[devil_storm]

بعد الزياده فى قيمة الدولار قصاد الجنية هل التاجر لو زود الاسعار على السيارات الموجوده عنده بالفعل استغلال؟؟ و لا المفروض يزود الاسعار على الدفعات الجديدة؟؟ علشان نفهم انا حفترض نفس وكيل ( و طبعا حمص دمكو هاهاها ) ... وكيل انهى ماركه يا واد يا ديفيل!!! انهى ماركة ... هيوندااااااى طبعا علشان النصب على الشعب الغلبان اللى زى حالتكوا

رصيد اول المده فى بداية النشاط 1 عربية النترا بتكلفة 10$ الاف ( سعر الصرف 6.15 جنيه = 61.5 )

دفعت مصاريف (نقل و شحن و اعلانات و اهلاكات اصول و مرتبات موظفين و ...) و دفعت جمارك ... اجمالى المصاريف و الجمارك = 62,5 .... كده التكلفة النهائية للسيارة 124 الف

فانا حبيعها بسعر 136 الف ( 12 الف ربح بعد ما طلعت كل مصاريفى... خمسة و خميسه من عنيكوا اللى )

انا هنا لسه مبعتش و الدولار هوب بقى سعره 6.50 جنيه!!!! ... وانا علشان محترم مرفعتش سعر العربية و بعت على 136 الف و طلعت مكسبى ال 12 الف.... و طلعت مصاريفى و الجمارك ال 62.5 الف

دلوقتى انا معايا 61,5 و محتاج ارجع بضاعة رصيد اول المده تانى فى بداية النشاط اللى هو العربية الالنترا بقيمة 10 الاف دولار ... الدولار اللى بشترى بيه زاد!!!! فى عجز 3.5 الف !!! لان سعرها 10$ الاف * 6.50 = 65 الف!!!!

نهاااااار اسود!!!! انا لازم ارجع العربية تانى فى نهايه العملية ( لان دى فلوس مساهمين يودونى فى داهيا ) و لازم اطلع مكسبى ال 12 الف (و انتوا اولعوا بجاز هاهاهاها)... و علشان اعمل كده لازم اغلى قيمة العربية اللى معايا فورا اول لما الدولار يزيد رغم انى شاريها قبل الزيادة... حد فاهم حاجه!!!!

سورى يا جماعه... انا مضطر ازود قيمة العربية عليكم قبل ما ابيع 3.5 الف جنيه و الحق ميزعلش حق و انتوا مترضوليش بالخسارة ...

ثانية واحدة هو انا بتاجر فى انهى ماركه لحسن نسيت من كتر الرغى!!! اه افتكرت انا بتاجر فى هيونداى مش اى ماركة مدام هيونداى يبقى حزود مكسبى و اخليه 15.5 الف بدل 12 الف ( امال انا اخترت اتاجر فى هيونداى ليه من الاول ... مش انتوا الشعب الغلبان و انا قلتلكوا حظبطكوا) فانا قررت ابيع على 143 الف جنيه


الخلاصه انى عايز اقولوا لازم الوكيل يزود السعر على الدفعة الحاليه و ليست الدفعة القادمة والا حيخسر لان راسى المال كل ما الدولار يغلى حيقل و دى حاجة بتحصل كل شويه... يعنى ممكن لو مزودتش قيمة البضاعة بعد كام مره ممكن يلاقى راس المال اللى بيتاجر بيه اختفى.

طبعا قيمة الجمارك كمان حتزيد لانها نسبة على سعر العربية اللى زاد ... و المصاريف حتزيد ( زياده فى المرتبات نتيجة لزيادة الاسعار و زياده الفواتير و ...) و دول انا مش مدخلهم فى المثال لانهم حياثرو فى دورة المشتريات اللى جاية مش اللى خلصت.

يعنى العربية اللى لسه حشتريها حتزيد مصاريفها و جماركها و حتبقى 65 بدل 62.5 و كده حيبقى انا زودت مكسبى الى 13 الف بدل 12 الف ( الف بس مش 3.5 !!! بصتولى فيهم!!! اديهم قالو خخخخخ)

الخلاصة انا حبيع بى 143 و بعد زياده الدولار و تفاصيلها كالتالى:
65 الف سعر العربية من المورد (10 الاف دولار)
65 مصاريف و جمارك
13 الف مكسب (بدل 12 الف مهو مكسبى لازم يزيد زى ما كل حاجة بتزيد)

محدش بقى يوجع دماغى و يقول عليا جشع و نصاب و ..... و اللى مش عاجبوا يروح يسال الحكومة عن الدولار اللى بيزيد او يستنى مشروع النهضه

[kimokaim]

طيب كويس جدا

يعني بزيادة حوالي 7 اﻻف جنيه بزيادة الربح للتوكيل الف جنيه المفروض ماتزدش في الدفعات الموجودة اكثر من 6اﻻف جنيه

مش تزيد 10اﻻف جنيه دفعة واحدة !!!! اربعة اﻻف راحوووووو فين؟؟؟؟!!!

طيب وقت نهضة مبارك وصل الدوﻻر لسبعة ونص او اكثر وماكنش فيه ثورة وبلد حالها واقف من مجاميعو !

[hossam_elwani]

الاتنين والاستغلال فى المقدمه

ارتفع سعر صرف الدولار بالبنوك، اليوم الأحد، ليسجل 649 قرشًا فى سعر بيع البنوك مقارنة بتعاملات يوم الخميس والتى كانت سجلت 645 قرشًا، فى حين رفعت بعض شركات الصرافة السعر ليتراوح بين 650 و655 قرشًا، وفى السوق السوداء وصل السعر إلى 662 قرشًا، وفقًا لمسئول مصرفى، فى تصريحات خاصة لـ"اليوم السابع".

وقال البنك المركزى المصرى اليوم الأحد، إنه يعرض 60 مليون دولار فى خامس عطاء يطرحه للعملة الصعبة، بعد 4 عطاءات بقيمة 300 مليون دولار طرحها الأسبوع الماضى، و75 مليون دولار لكل عطاء، وفقًا لما قاله مسئول بالبنك لـ"اليوم السابع".

[Sehsss]

استغلاااااااااااال

[devil_storm]

طيب كويس جدا

يعني بزيادة حوالي 7 اﻻف جنيه بزيادة الربح للتوكيل الف جنيه المفروض ماتزدش في الدفعات الموجودة اكثر من 6اﻻف جنيه

مش تزيد 10اﻻف جنيه دفعة واحدة !!!! اربعة اﻻف راحوووووو فين؟؟؟؟!!!

طيب وقت نهضة مبارك وصل الدوﻻر لسبعة ونص او اكثر وماكنش فيه ثورة وبلد حالها واقف من مجاميعو !

اي ده... انا زود 11 الاف مش 7!!!! دانا كده نصاب دولى بقى... متخدش فى بالك الشعب غلبان قوى و برده حيشترى اطلع منها انت بس يا حسام يا علوانى و انا حبيعها بى 145 ... الشعب غلبان قوى و بيجرى على الحاجة اللى بتزيد.... حاد شارى قبل ما نقول 150

[hossam_elwani]

طلعنا منها ياسيدى بس قولى طيب لو طبقنا مثالك على الكيا الحسبه حتهد الرصه خالص ومش زى ما حسبتها فى هيونداى ... كيا زودت 3000 جنيه بس !!!!!!!!!

[devil_storm]

بس قولى طيب لو طبقنا مثالك على الكيا الحسبه حتهد الرصه خالص ومش زى ما حسبتها فى هيونداى ... كيا زودت 3000 جنيه بس !!!!!!!!!

و الفلوينس كمان زادت 3000 بس!!! لكن هو الشعب اشترى فلوينس؟؟؟؟ مانا قلت الشعب غلبان... عموما دى توكيلات تعبانه مش عارفة تبيع, رغم ان الفلوينس بينى و بينك حكايه :b4_444:
طب بصى يا سيدى انا بعد شهرين حعمل خصم 5000 و ابقى كده زودت 2000 بس مش 3000 زيهم ...و انتوا بتشتروا فى جميع الاحوال هاهاها

مش قادر اتقمص دور غابور اكتر من كده حاسس ان حيجيلى انهيار و الناس حتدخل تشتم فيا!!!

استغلاااااااااااال

اهوه بداءنا الغلط... استغلال فى ايه دي سعرها فولى لودد 176 الف فقط لا غير!!! فين الاستغلال بس!!!! بعدين دى كورى يعنى مش صينى...وكله بالورقة و القلم فوق

[devil_storm]

طيب كويس جدا

يعني بزيادة حوالي 7 اﻻف جنيه بزيادة الربح للتوكيل الف جنيه المفروض ماتزدش في الدفعات الموجودة اكثر من 6اﻻف جنيه

مش تزيد 10اﻻف جنيه دفعة واحدة !!!! اربعة اﻻف راحوووووو فين؟؟؟؟!!!


طيب وقت نهضة مبارك وصل الدوﻻر لسبعة ونص او اكثر وماكنش فيه ثورة وبلد حالها واقف من مجاميعو !

سورى يا كبير انا غلط فى الاسم و الواحد مبقاش شايف من اللى بيحصل فى البلد.

اي ده... انا زود 11 الاف مش 7!!!! دانا كده نصاب دولى بقى... متخدش فى بالك الشعب غلبان قوى و برده حيشترى :ka_che1[1]: اطلع منها انت بس يا ......... Kimokaim و انا حبيعها بى 145 ... الشعب غلبان قوى و بيجرى على الحاجة اللى بتزيد.... حاد شارى قبل ما نقول 150

[hossam_elwani]

و الفلوينس كمان زادت 3000 بس!!! لكن هو الشعب اشترى فلوينس؟؟؟؟ مانا قلت الشعب غلبان... عموما دى توكيلات تعبانه مش عارفة تبيع, رغم ان الفلوينس بينى و بينك حكايه :b4_444:
طب بصى يا سيدى انا بعد شهرين حعمل خصم 5000 و ابقى كده زودت 2000 بس مش 3000 زيهم ...و انتوا بتشتروا فى جميع الاحوال هاهاها

مش قادر اتقمص دور غابور اكتر من كده حاسس ان حيجيلى انهيار و الناس حتدخل تشتم فيا!!!



اهوه بداءنا الغلط... استغلال فى ايه دي سعرها فولى لودد 176 الف فقط لا غير!!! فين الاستغلال بس!!!! بعدين دى كورى يعنى مش صينى...وكله بالورقة و القلم فوق

ده انت هبور ياغبور وشكلك حتبقى دبور وزن على خراب عشه ههههههههه

[S O P H O S]

اكيد استغلال من راي ..

[mo7a_mo7a]

استغلال

[youssef_u]

هاهاهاهاهاهاهاها عمري ما شفت واحد يلاقي النترا واقفه جنب جيتا او باسات او فلوانس و بنفس السعر ويشتري النترا
طيب يا جدعان انتو زعلانين ليه خلوها تصدي و موديلها يعدي و شوفو الاوروبي و الياباني

[تامر.محمد]

هاهاهاهاهاهاهاها عمري ما شفت واحد يلاقي النترا واقفه جنب جيتا او باسات او فلوانس و بنفس السعر ويشتري النترا
طيب يا جدعان انتو زعلانين ليه خلوها تصدي و موديلها يعدي و شوفو الاوروبي و الياباني

دلوقت الالنترا اول فئة الفاضية خالص نفس سعر الفلونس تاني فئة المليانة, تخيل

[hossam_elwani]

دلوقت الالنترا اول فئة الفاضية خالص نفس سعر الفلونس تاني فئة المليانة, تخيل

نفسى الناس وهيا بتشترى يبقى عندها وعى وتجيب غبور الارض عشان يتعلم الادب بجد ... لكن فى الاحلام

[ابوالقاسم احمد]

وهل المستعمل سوف يزيد هو الاخر