دهان

[hassanin_lada]

انا طبعا عارف ان ممكن يكون الموضوع مكانه مش هنا

بس انا عاوز احكي معاكو

ازاي اسمكر العربيه واطلعها زي الفابريكا !!

ناس كتير بتشد العربيه وتصرف عليها تيجي تبص عليها بعد ماتخلص تلاقيها موج بمعني البوهيا مش ميه واحد

يعني لو وقفت قدامها تلاقي صورتك مموجه مش زي العربيات الفبريكا ميه واحده


ايه اللي بيتوقف علي الموضوع ده ؟؟ هل السمكري ولا البوهيجي ؟؟

وتكلفة الصنيعي الصح اللي يطلع العربيه مافيهاش غلطه كام ؟؟

انا بشوف شغل ناس في بلاد بره مالهوش حل وبيلعب في الصاج بطريقه تحس انها نازلها اسطمبه كده من المصنع مش( هاند ميد ) علي رأي باسم يوسف

ياريت تشاركوني ارأكم ولو في حد ليه تجربه يعرضها علينا واسف للاطاله

[hassanin_lada]

ايه !!

[mem]

انا طبعا عارف ان ممكن يكون الموضوع مكانه مش هنا

بس انا عاوز احكي معاكو

ازاي اسمكر العربيه واطلعها زي الفابريكا !! :b4_444:

ناس كتير بتشد العربيه وتصرف عليها تيجي تبص عليها بعد ماتخلص تلاقيها موج بمعني البوهيا مش ميه واحد

يعني لو وقفت قدامها تلاقي صورتك مموجه مش زي العربيات الفبريكا ميه واحده


ايه اللي بيتوقف علي الموضوع ده ؟؟ هل السمكري ولا البوهيجي ؟؟

وتكلفة الصنيعي الصح اللي يطلع العربيه مافيهاش غلطه كام ؟؟

انا بشوف شغل ناس في بلاد بره مالهوش حل وبيلعب في الصاج بطريقه تحس انها نازلها اسطمبه كده من المصنع مش( هاند ميد ) علي رأي باسم يوسف :ka_che1[1]:

ياريت تشاركوني ارأكم ولو في حد ليه تجربه يعرضها علينا واسف للاطاله

سمكره العربيه تتوقف على السمكرى لازم يكون سمكرى شاطر فى شغله ومحترف
هيرجع عربيتك فبريكه لان الاساس اول خطوه السمكرى فلازم يكون كويس جداااا
لان لو شغله وحش كل اللى جى ها يبقى مش كويس
بعد كده نيجى للبويه فى انواع كتيير وكل ما كان النوع كويس كل ما كان شكل وجوده اللون واللمعه
ممتازه وبيظهر شكل العربيه حلو بمعنى الكلمه ومن الانواع الكويسه
اسكانز \ وريكلير
وبعد كده فرن يكون كويس ومشهور لانه الرش بردك حرفه مش اى حد
وبالتوفيق ان شاء الله
وبكده تستلم عربيه تحفه

[hassanin_lada]

سمكره العربيه تتوقف على السمكرى لازم يكون سمكرى شاطر فى شغله ومحترف
هيرجع عربيتك فبريكه لان الاساس اول خطوه السمكرى فلازم يكون كويس جداااا
لان لو شغله وحش كل اللى جى ها يبقى مش كويس
بعد كده نيجى للبويه فى انواع كتيير وكل ما كان النوع كويس كل ما كان شكل وجوده اللون واللمعه
ممتازه وبيظهر شكل العربيه حلو بمعنى الكلمه ومن الانواع الكويسه
اسكانز \ وريكلير
وبعد كده فرن يكون كويس ومشهور لانه الرش بردك حرفه مش اى حد
وبالتوفيق ان شاء الله
وبكده تستلم عربيه تحفه

ايه ده !!

بجد في حد رد عليا ؟؟

ياباشا والله الف شكر ليك ومش عارف اقولك ايه

بس هل فعلا في صنيعيه بتطلع العربيه ميه واحده زي الفبريكه وهل قشط البوهيه كلها من العربيه ضروري عشان الشغل يطلع مظبوط ولا عادي ؟؟

والتكلفه كام كاجمالي ؟؟

معلش ياباشا اسئله كتير بس فكرت انك تروش عربيه فبريكه اجي ابص الاقي العربيات كلها مموجه ومنظرها غبي يخلي الواحد يفكر الف مره

وبكرر شكري لرد حضرتك

[SHNORY]

لما جيت اعمل عمره سمكره لعربيتي دخلتها مركز صيانه بتاع صديق ليا
هي كلفتني كتير اوي بصوره بشعه
بس محدش شاف العربيه وحس ان فيها نقطه معجون
السبب ان لو عندك شغل كتير في الصاج وبارومه
تبدا تقارن ما بين مصنعيه الشغل في الباب المعووج والمصدي
وما بين تمن الباب استعمال
ولو لقيتها مقاربه يبقي تشتري باب علطول مش حيحتاج شغل سمكره وحيكون داخل علي التركيب والرش علطول
ايامها اشتريت 4 ابواب وباب شنطه وتلت امامي علشان ميه البطاريه كانت واكله جزء من الحوض واكصدامين وتابلوه
وصنايعيه بويه محترمين
دول حيطلعولك العربيه كانها فابريكه وكأن العربيه لسه طالعه من المصنع
ولو تحب ترش فلتوهات الفابريكه كمان حتترشلك
بس دا مقابل انك بتدفع كتير
عربيتي كنت شاريها ب17500
والعمره دخلت في 10-11 الف جنيه مش فاكر كان الرقم كام بالظبط لانه من سنتين
طبعا مكنتش عامل حسابي علي كده قولت من 5ل7
بس العمليه فتحت
وكل ده سمكره ودوكو فقط لا غير وشويه شغل كهربا وسروجي
بس اصلا كانت العربيه البارومه واكلاها لدرجه ان لو مديت ايدك من تحت الرفرف ممكن تطلع حتت بارومه من القوايم لانها متأكله

[hassanin_lada]

كتير اووووووووووي 11 10 الف عشان سمكره ودوكو
ده انا ايام ال 128 عملت عمره متور وعبشه جديده وشديد الصاج ودوكو (بس ماكنش عاجبني كان فيه التمويج اللي بحكي فيه ) وكوتشات وبطريه وضفيره جديده وتنجيت الفرش وفرش جلد و 2 كوتش ماكسس جداد وغيلات الجاكمان ودخلت في حدود 7 الاف بس
انا عارف ان فعلا لما بتغير الابواب بترجع زي الفبريكه بس هي الفكره ان العربيه يادوب شويه نقر علي تجاريح علي كام خبطه وراددهم علي البارد فا مش محتاجه تغير الابواب بس هل في صنيعي ممكن يطلع العربيه من غير مايغير فيها زي الفابريكا !!

[mem]

ايه ده !!

بجد في حد رد عليا ؟؟

ياباشا والله الف شكر ليك ومش عارف اقولك ايه

بس هل فعلا في صنيعيه بتطلع العربيه ميه واحده زي الفبريكه وهل قشط البوهيه كلها من العربيه ضروري عشان الشغل يطلع مظبوط ولا عادي ؟؟

والتكلفه كام كاجمالي ؟؟

معلش ياباشا اسئله كتير بس فكرت انك تروش عربيه فبريكه اجي ابص الاقي العربيات كلها مموجه ومنظرها غبي يخلي الواحد يفكر الف مره

وبكرر شكري لرد حضرتك

ولا تقول حاجه انا تحت امرك فى اى سؤال
احنا هنا كلنا اخوات واللى بيعرف حاجه مش بيبخل على حد بمعلومه اكيد
بص حضرتك فى صنيعيه بطلع العربيه فبريكه وما تعرفش انها رشت اساسا
فده بسبب ان الصنايعى شاطر ومحترف فلازم تشوف سمكرى شاطر
واكيد مش لازم تغيير اجزاء من السياره زى الباب مثلا الا لو كان الخبطه اللى فى الباب كبيره
لدرجه ان الشغل فيه ها يكون مكلف وبردك مش ها يرجع زى الاول الا لو الصنايعى شاطر اوى
ففى هذه الحاله تغيير الباب افضل اما طالما خرابيش وحكات بسيطه ونقر ده عادى اكيد ولا يستلزم تغيير اطلاقا
ومش لازم البويه تتشال كلها هما بيصنفروها كويس جدا ولكن لو فيه جزء كان مخبوط او مش مظبوط بيشيلوا البويه من الجزئيه ده والصنايعى الشاطر اللى مش بيدى معجون كتيير على السياره
اما التكلفه فده بتكون بتاعت حضرتك كل ما تدور على صنيعى كويس
كل ما كان الشغل افضل
لانك مش ها ترش كل يوم
وكمان لازم مش تسترخص فى البويه لان ده من الحاجات المهمه وخليك فى الريكلير بويه كويسه ومش غاليه اوى وده ايطالى حبيت تجيب اسكانز خير وبركه لكن الاسكانز لانها غاليه فلازم تجبها من حد يكون بتاع بويه كبير وشغال اقولك بقى ليه
لان الاسكانز علشان غاليه فالطلب عليها مش كتيير فممكن من كتر الركنه تكون خواصها اتغييرت الكيميائيه وما تكنش بالجوده المطلوبه فلازم تجبها من حد كويس يكون شغال
اما الريكلير فده نقول لانها مش غاليه اوى زى الاسكانز فشغاله اكتر ومش بتتركن كتيير لانها عليها طلب اكتر من الاسكانز
وهتلاقى انواع كتيير بقى ارخص انصحك بلاش لانك هتبقى رميت فلوس على الفاضى
وتحت امرك فى اى سؤال

[hassanin_lada]

ولا تقول حاجه انا تحت امرك فى اى سؤال
احنا هنا كلنا اخوات واللى بيعرف حاجه مش بيبخل على حد بمعلومه اكيد
بص حضرتك فى صنيعيه بطلع العربيه فبريكه وما تعرفش انها رشت اساسا
فده بسبب ان الصنايعى شاطر ومحترف فلازم تشوف سمكرى شاطر
واكيد مش لازم تغيير اجزاء من السياره زى الباب مثلا الا لو كان الخبطه اللى فى الباب كبيره
لدرجه ان الشغل فيه ها يكون مكلف وبردك مش ها يرجع زى الاول الا لو الصنايعى شاطر اوى
ففى هذه الحاله تغيير الباب افضل اما طالما خرابيش وحكات بسيطه ونقر ده عادى اكيد ولا يستلزم تغيير اطلاقا
ومش لازم البويه تتشال كلها هما بيصنفروها كويس جدا ولكن لو فيه جزء كان مخبوط او مش مظبوط بيشيلوا البويه من الجزئيه ده والصنايعى الشاطر اللى مش بيدى معجون كتيير على السياره
اما التكلفه فده بتكون بتاعت حضرتك كل ما تدور على صنيعى كويس
كل ما كان الشغل افضل
لانك مش ها ترش كل يوم
وكمان لازم مش تسترخص فى البويه لان ده من الحاجات المهمه وخليك فى الريكلير بويه كويسه ومش غاليه اوى وده ايطالى حبيت تجيب اسكانز خير وبركه لكن الاسكانز لانها غاليه فلازم تجبها من حد يكون بتاع بويه كبير وشغال اقولك بقى ليه
لان الاسكانز علشان غاليه فالطلب عليها مش كتيير فممكن من كتر الركنه تكون خواصها اتغييرت الكيميائيه وما تكنش بالجوده المطلوبه فلازم تجبها من حد كويس يكون شغال
اما الريكلير فده نقول لانها مش غاليه اوى زى الاسكانز فشغاله اكتر ومش بتتركن كتيير لانها عليها طلب اكتر من الاسكانز
وهتلاقى انواع كتيير بقى ارخص انصحك بلاش لانك هتبقى رميت فلوس على الفاضى
وتحت امرك فى اى سؤال

ياباشا ربنا يباركلي فيك

بس انا اعرف ازاي ان الصنيعي ده هيطلعلي العربيه زي الفبريكه ولا لأ

هل من المصنعيه اللي هيطلبها ولا ايه ؟؟

[mem]

ياباشا ربنا يباركلي فيك

بس انا اعرف ازاي ان الصنيعي ده هيطلعلي العربيه زي الفبريكه ولا لأ

هل من المصنعيه اللي هيطلبها ولا ايه ؟؟

لا مش من المصنعيه مش شرط يكون غالى
حضرتك اسال فى المنطقه اللى عندك
كذا محل اكسسوار وميكانيكيه وكهربائيه هيدلوك عن احسن صنيعى فى المنطقه
بس بلاش السمكرى اللى ها تعمل عنده العربيه لان فيه منهم بيشغلوا بعضهم
ويوديك عند واحد تبعه ومن الممكن ما يكنش كويس فاسال الاول ناس كتيير واسال اصدقائك
لو فى حد عمل عربيته وعجبتك شغلها

[hassanin_lada]

الف شكر ياباشا

[mem]

الف شكر ياباشا

لا شكر على واجب وانا تحت امرك فى اى سؤال

[hassanin_lada]

لا شكر على واجب وانا تحت امرك فى اى سؤال

الامر لله ياباشا والف شكر لاحترامك ومتابعتك ليا