ظاهرة جديدة في الشارع المصري فقط !!

[abo_lamar]

السلام عليكم و رحمه الله يا رجاله

في ظاهرة انتشرت اوي وكل ما امشي في الشارع بقيت الاقيها بكثرة ..... بلاقي عربيات عاملة تانية في اللوحة المعدنية الخلفية .... يعني بيتنوا جزء من اللوحة بيحيث يغطوا رقم او رقمين او يغطوا حرف من الحروف ..... طبعا عشان لو اتخدوا مخالفة لأي سبب محدش يعرف ياخد رقمهم خالص .....

[AHMED REFAT]

والاكثر انتشارا من هذا هو نزع النمرة الخلفية تماما .. وكذا مرة شوفتها يمكن اكثر من خمس ست مرات وقدرا اشوف العربية من الامام الاقى نمرة العربية راكبة .. طبعا علشان لو داخل على لجنة او فى مواجهة احد ظباط المرور يبقى تمام ..ولكن لاقدر الله اذا حاولت تاخدها لاى سبب من الاسباب من الخلف .. مافييش

[OMAR61995]

عادى يا باشا دى مصر
و فى ناس بيدهنوا حرف أو رقم
فى ناس بيعملوا نمرة عمولة على حتة خشب أو أبلاكاش و يكتبوها بخط الايد
و فى ناس زى الفل بيريحوا دماغهم و بيشيلوها خالص

[mahmoud_anwar]

ياجماعه امال نبقا مصرين ازاي ؟
احنا عاملنا ثورة واحنا الي محتجين ثورة تطهير انفوسنا وعقلنا وعايزن ثورة تعلمنا الالتزام والادب
مشكلتنا اننا عملنا ثورة غلط ومشينا ناس كانت الكائنات الغوغائية الي بنشوفها حاليآ هيا الي تستهلهم
اصل في نوعيه من الشعب المصري يبيع امه ومراته وعياله في سبيل المال وفيه نوعيه اخري من الشعب ماتمشيش عدل غير بي انك تقل قيمتة وتديلة فوق دماغة وتركبة زي الحمار تلقيه معاك زي الساعة وفي نوعية ثالثة ماشية في حالها وزي الساعة بس بتلقي النوعين الأولين مش سيبنة في حالة

[grinsh]

يا باشا امال لو شفت البهوات اللي ضاربين الفاميه السوبر دارك وشيلين النمر خالص وحطين مكانه اييييييييييه بقي ؟؟؟؟

Number busy
Number is not available


قمة الاستهبال والاستعباط. .... من اصحاب العربيات ومن بتوع المرور اللي مش شايفين شغلهم صح ؟؟

حسبي الله ونعم الوكيل

[S O P H O S]

الحمد الله انه سايب رقمين
في ناس مش بتسيب ولو رقم من اللوحة ..

[semi]

انا شوفت واحد داهن الارقام كلها ابيض
وده ممكن نقول كتر خيره عن اللي شايلهم اصلا
للاسف المرور كان شد حاله كم يوم وبعدين رجعوا نامواااااااا تاني

[verna2008auto]

بين كل 10 عربيات هاتلاقي 5 نمر مشوهه ...ونمرتين متنيين والتلاتة الباقيين (عربيات جديده )
لسه ما اتعلموش
اصلها عدوي

انتو قولتولي بتخبو النمر ازاي !

[Elawany13]

الحركة الواطية بتاعت النمر المتنيه بشوفها فى الموتوسيكلات الصينى على طول ومن زمان .. بقت خلاص من الأعراف والتقاليد
بس مشوفتهاش فى العربيات

[AHMED_DINAMO]

طب انا شفتها كذا مره ناس قصت النمر سابت مصر Egypt والباقى شايلااااااه
مهو منبقاش مصريين لو معملناش كده

[Elsebily]

لا دي بقي من اكتر الطرق اللي بشوفها وهي انهم يحطو النسر علي حرف من الحروف
أل يعني الوطنيه مقطعه بعضها وعلي فكره دي من اهم مظاهر البلطجه اللي محتاجه تتواجه وأي حد يحس اني الموضوع تافه لا الموضوع ده من اهم المواضيع اللي محتاجه تتواجه لاني فيه ناس كتير ممكن تعمل بلاوي ولا حد هيعرف يوصلها بسبب الحاجات دي اما بالنسبه للعربيه دي فدي كانت ماشيه قدامي وكان معايا واحد صاحبي فاستفزته قوي وقرر انه يصورها ويبعتهالهم علي صفحة وزارة الداخليه عالفيس لانه كان سايقها ظابط شرطه اللي المفروض انه من الاولي انه يلتزم بالقانون بس للاسف ده حال بلدنا

[zomzom11]

مش عارف اقول ايه حسبنا الله ونعم الوكيل
ممكن اكون قاعد فى بيتنا واتفاجئ ان زوجتى مطلوبه فى قضيه بسبب سيارتها وبعد البهدله وبعد فتره نكتشف انها صدفه رقم اتاخد غلط او رقم ناقص زى ما اخوانا كده عاملين بالظبط ساعتها بس نعرف ان ممكن حد مش بس ينفد لا ده ممكن يلبس غيره مصيبه بدون قصد

[hamada2u2000]

ياباشا دى مصر

[ahmedeg1]

ربنا يهدى الناس دى
و لكى الله يا مصر

[rompo10]

دائما متميزون