هو الموظف المسئول عن اناره عواميد النور اللى فى الشارع أجازه ولا ايه ؟؟

[Mostafa.Ramdan]

السلام عليكم ورحمة الله وبركاته

فى البدايه احب اقول للاخوه الاقباط "كل عام وانتم بخير"

النهارده فى حاجه غريبه اوووى فى الشارع المصرى

طريق مصر اسماعيليه مفيش ولا عمود نور شغال

طريق الاوتوستراد ولا لمبه منوره

وشوارع كتير داخليه مضلمه تماما

هما بيوفروا الكهرباء ولا الموظف اللى بيدوس على الزرار عشان يشغل النور واخد اجازه النهارده بمناسبه عيد اخواتنا الاقباط

[moody_687]

وطريق الكورنيش ف الاسكندرية مضلم
وطريق الدولى ف الاسكندرية اللى عند كارفور برده مضلم وشكل مصر هتفضل مضلمة

[mahmoud_anwar]

الخليج كله منور بنور مصر ومصر كلها مضلمة بي اهلها

[LACOSTE]

بيوفروا علشان البلد فلست

[Ahmed_Adham]

الجو وحش اليومين دول عشان كده هما بيفصلو الكهربا عشان الحوادث يعني لو عمود وقع ولا حاجه ميكهربش الناس.

[S O P H O S]

هو في موظف من الاساس ؟
ولو موجود وجيت مثلا انا اسئله الشارع مظلم كله هيرد يقول ايه ؟
اعتقد هيقولي الشارع منور بيك !! مثــلا
بلاش افكر فالي بيحصل احسن ..

[youssef_u]

مصر منوره باهلها

[Ahmed Amin]

Egypt Underground..

[abokoko]

اللى اعرفه ان اعمدة الانارة العامة للشوارع
تضاء وتطفأ عن طرق خلية كهروضوئيه
وبالتالى لا يوجد عامل للعمدان
ولو الخلية باظت يفترض استبدالها

[midnightman_74]

[QUOTE=Mostafa.Ramdan;3874734549][CENTER]

طريق مصر اسماعيليه مفيش ولا عمود نور شغال




[/

طريق مصر اسماعيليه مفيش فية نور من رمضان إللى فات
مع اى كنت بحب أسافر باليل على الطريق دة عشان الهدوء
دلوقتى حرمت ... الطريق منور على الكباري وعند القري إللى على الطريق بس
باقى الطريق اسوووووووود

[Sehsss]

تقريبا الموظف مبلغ مرضي

[kimokaim]

هو لسه الناس في مصر بتسافر بالليل ؟؟؟؟؟؟؟

القاهرة بالليل وبتبقى مظلمة خالص اسود كحلي دا الكورنيش مظلم يارجالة !!!

بس فعلا هو مين المسؤول عن الانارة ؟؟؟ وزارة الكهرباء ولا المحافظة ولا مين ؟؟؟؟؟؟

ممكن نعمل حملة بالمطالبة بالانارة الليلية زي العالم والناس

[tamerosman]

بيصدرو الغاز لحبايبنا و اصدقائنا اليهود ( خط الغاز بطلوا يفجروه) و السوﻻر بيروح اﻷشقاء فى غزة و بالتالى مفيش و غاز و ﻻ سوﻻر لتوليد الكهرباء

فعﻻ قرارات عظيمة و رشيدة ربنا يخليهم زخرا للوطن و للناس اللى انتخبتهم