وصلت شغلك النهاردة في وقت قد أيه ؟

[Samir Elshahawy]

الاخوة و الاخوات الكرام

أسعد الله يومكم ووقاكم ووقانا من شر الطريق ...

النهاردة يوم غير طبيعي لطقس غير طبيعي و لكنه متوقع منذ أيام عندما حذرت الارصاد الجوية الاسبوع الماضي من طقس سئ و عاصف قد يستمر أسبوعا و علي الفور بادرت الادارة العامة للمرور بأطلاق التحذيرات لقادة السيارات و مستخدمي الطرق و لكن ..

علي الرغم من علم الجميع بهذه الموجة السيئة من الطقس ألأ أن الجميع لم يأخذ أحتياطاته :
1- قائدي السيارات لم يتخذوا أحتياطاتهم فنجد العديد من السيارات متوقفة علي جانب الطريق
2- العديد من الحوادث بسبب التهور و عدم اتباع الارشادات المرورية في مثل هذه الظروف
3- المحليات لم تأخذ أستعداداتها فغرقت الشوارع في شبر ميه و تعطلت الطرق

لذا فقد وصلت اليوم الي عملي في حوالي 45 دقيقة مع العلم أن المسافة من منزلي و حتي العمل لاتزيد عن 20 كم و أقطعها كل يوم في حوالي 15 دقيقة

ياتري أنت وصلت في وقت قد أيه ؟

[M.Elgergawy]

كل يوم بوصل على 9 انهارده وصلت 9.40
بسبب المياه والشوارع اللى غرقانة
بلد بتغرق في شبر ميا

[mohamed_selim]

النهارده لظروف خارجه عن ارادتى نزلت بدرى قبل الزحمه (نزلت على 8 30) و انا طبيعى بنزل 9 30 ... اخدت نفس الوقت بتاع الطبيعى على الرغم ان الدنيا نسبيا كانت فاضيه عن الطبيعى بس تجمعات الميه كانت مؤثره على الطرق .... حمدت ربنا انى نزلت بدرى بس قلقان على الولاد فى باص المدرسه و هم راجعين من التجمع لمدينة نصر !

[akmm]

ساعه كامله من المعادى للتجمع وفى الطبيعى 40 دقيقه ولما تكون كمان زحمه .

[sanhory]

ساعة و نص من المعادي لمصر الجديدة الحجاز

الطبيعي 45 دقيقة

[SAMEH_FOUAD]

بنزل من البيت الصبح على 7:45 , الطبيعى وبوصل على 8:10 كدة

انهاردة نزلت فى نفس الميعاد ووصلت على الساعة 8:25 دقيقة يعنى العادى , هو بس عشان كان فية تجمع مياة فى اماكن كتير عشان كدة كان الطريق واقف شوية

طريق شغلى من دائرى الهرم الى وسط البلد

الحمد لله على كل حال انا فية ناس جاية الشغل عندنا الساعة 9 وربع

[bobbozo4b]

مدينة الفسطاط الى الاسعاف
الطبيعى واللى هو اصلا مش طبيعى ساعه
عشان الكورنيش رايح جاى وميدان التحرير مقفول

النهارده الصبح والشوارع غرقانه ساعه ونص

[Mohamed.Mohsen]

كنت بخرج 7.40 واخد ثلث ساعة واوصل 8 وصلت 9 .من تقاطع اوتستراد المعادي مع الدائري الي دار القضاء في الاسعاف . بسبب تجمعات المياه .

[nagy wassef]

نزلت 8:30 وصلت 10:00 من اول عباس للتجمع الخامس و استخدمت طريق السويس

ليه الشوارع مافيهاش تصريف؟ مع ان مافيش اكتر من البلاعات!!!!! و رغم اماكن تجمع المياه معروفة فى كل منطقة بقالها سنين؟ و حتى لو مفيش فلوس نظبط الكلام ده ليه مفيش عربيات بتطلع تشفط البحيرات ديه؟ ليه بيسيبوها كام يوم تنشف لوحدها؟؟؟؟ هو ده السؤال. و احييك على هذا الموضوع

[Elsebily]

الحمد لله انا اجازة النهارده ربنا يستر بقي بكره عشان بتخنق من الزحمه

[kimokaim]

كبرت دماغي مرحتش النهاردة !

من المعادي للتجمع نص ساعة لو طالع بدري قبل قفلة الاوستراد

[hugan]

الدنيا برد
طنش النهارده الجو في التجمع تلج

[S O P H O S]

ربنا يستر طرق الجميع
انهاردة يوم غريب وكل شوية تمطر ..

[dede_dodo88]

أنا نزلت من البيت الساعة 7:55am وصلت الشغل 8:00am
p:

[misry]

أجاااااااااازة ... ربا يستر بكرة