تجربة سيئه جدا مع مركز زيرو لازالة الخرابيش والخدوش. :(

[Zeroegypt]

السيد المحترم
نعتزر عن التاخر في الرد . بما ان المشكله حدثت في مركز زيرو فنحن مسؤلون عن اصلاحها .
نرجو من حضرتك اصلاح السياره وابلاغنا عن التكلفه ونحن ستنحملها بالكامل
وشكرا
الاداره

[kimokaim]

ياراجل حرام عليكم عربية زيرو حيصلحها ويرشها ؟؟؟؟؟؟؟؟؟؟

يسيبها كده احسن وربنا يعوضه خير

لو انتم شايفين شغلكم كويس مكانش حصل اللي حصل

[speed_magnum]

السيد المحترم
نعتزر عن التاخر في الرد . بما ان المشكله حدثت في مركز زيرو فنحن مسؤلون عن اصلاحها .
نرجو من حضرتك اصلاح السياره وابلاغنا عن التكلفه ونحن ستنحملها بالكامل
وشكرا
الاداره

الف شكر لحضرتك
وعلى ردك المهذب واعتذارك الرقيق
بس انا هسيبها زي ما هي باذن الله نظرا لان رش الرفرف هينزل من تمن العربيه
شكرا مرة تانيه

[speed_magnum]

ياراجل حرام عليكم عربية زيرو حيصلحها ويرشها ؟؟؟؟؟؟؟؟؟؟

يسيبها كده احسن وربنا يعوضه خير

لو انتم شايفين شغلكم كويس مكانش حصل اللي حصل

قدر الله وما شاء فعل
الحمد لله
وطبعا لو الشغل مظبوط وبيملوا الخدش فعلا مش بيكحتوه وبيطلعوا البوهيه اللي حواليه ما كنش دا حصل
.
.
هم بيتكلموا في تكلفة اصلاح
......
بس طبعا الفبريكه ما بتتصلحش. ...

[M.Osama]

في حاجات مينفعش تتصلح يعني انا لو واحد جه على عربيتى الفابريقه وخبطلى الرفرف وقلي انا هصلحهولك وهتحمل التكلفه كدا يبقي انا هرتاح مثلا او العربيه رجعت زي ما كانت ؟؟ لا كدا العربيه معيوبه ولو كانت بتجيب 100 الف قبل الخبطه حتبقي 95 بعد الحادثه

موضوع يزعل ويضايق جدا فعلا !!!

[Karim_Monir]

http://www.nilemotors.net/Nile/3874766148-post114.html
ده ردي في الموضوع الاخر
وفعلا كل مكان فيه تدخل بشري وارد فيه الخطأ وهما عرضو الاصلاح وده انا شايفه نص الاعتذار وكمان قدمو اعتذار
ومحدش يقولي والعربية قيمتها هانزل ماهي ممكن تتخبط وهي واقفة وقيمتها برضه هاتنزل دي قدريات

كلامي لاني عارف الخطأ البشري خاصة ان الشغلة دي قائمة على التدخل البشري والصنعة بنسبه 70 % وجايز جدا تقديرهم للامور يخونهم
وعندي في مركز الدهان لو حصل خطأ بنعيدة فورا
وربنا يعوض على صاحب العربية
على فكرة رش رفرف مش اللي يعيب العربية زي مانت متخيل وانت بتبيع وبكون معروف انه من الحكات فقط او الخرابيش خاصة لو مد ايده من ورا الكارتيرة وشاف ان مفيهوش سمكرة
خالص تحياتي

[michohat]

حضرتك كنت شفت اعلان عن شركة بتعمل استيكرات الوان بنفس لون العربية والاستيكرات دي بتتحط ع الخدوش وحسب كلامهم بتداري الخدوش ممكن تبص عليهم لو الموضوع يعجبك بس انا مش جربته
الشركة اسمها اتوفنيش

[khaabas]

فعلا والله حاجة تحرق الدم

[Zeroegypt]

احنا فضلنا ان الرد يكون علي هيئه اعتذار علشان الموضوع مايتحولش لجدال زي ما هو الحال الان . لكن احنا شايفين ان المفروض اني اقول طرفنا احنا كمان من الموضوع قبل ما يتم الحكم علينا حكم غيابي.
اولا لو افترضنا ان الغلط من عندنا فده هيكون الحال في كل السيارت اللي اشتغلنا فيها ( اكتر من 1200 عربيه لغايه دولوقتي والحمد لله) لو فيه حد تاني عربيتع باظت يتفضل ويقول .
ثانيا لما الاستاذ كان موجود في المركز عندنا سالناه اذا كانت العربيه فابريقه كان رده بالحرف الواحد ( تقربيا مش متاكد في الغالب مش مرشوشه) .
وانا سايب ليكم انتم الحكم.

وشكرا

[MohammedAladel]

جل من لا يسهو

[Nistelrooy]

انا شوفت موضوع ليك ان حصل عليك سطو مسلح بالعربية ؟ انتا كويس !!

---

وبالنسبة لرد زيرو كير الاخير - معناة ان العربية مش زيرو !
في انتظار ردك لما تقوم بالسلامة ...

[cutie_honey]

انا شخصيا شايفة انهم عرضوا الاصلاح
وممكن يكون الاصلاح (تعيير الرفرف كله) عادي
التوكيل يستورده ويركبه وحترجع تاني فابريقة
اما بالنسبة لرد زيرو انهم سألوه "حضرتك العربية فابريقة ولا لأ"
اعتقد انهم لو كانوا محترفين بيكتشفوا بنفسهم من غير ما يسألوه اصلا والسؤال مكنش ليه لازمة ويدل على عدم الخبرة في تحديد العربية كانت مرشوشة ولا لأة وده بالنسبة لي "عذر اقبح من ذنب"

[azwoz65]

فييييييييييييين صاحب الموضوع ؟؟؟

[speed_magnum]

فييييييييييييين صاحب الموضوع ؟؟؟

تحت امرك

[shawke hamed]

خيرها فى غيرها