العربية نازلة فاميه ومش مكتوب بالرخصة .اعمل ايه ؟؟

[sendipad]

السلام عليكم ورحمة الله وبركاته

اشتريت افيو كاملة مانيوال 2012 ورخصتها 3 سنين وهى نازلة زجاج فاميه ابواب خلفيه وزجاج خلفى وفوجئت بعد ما رخصت بشهر تقريبا ان الرخصة غير مثبت بها زجاج فاميه . هل اذهب للمرور ولا اتصرف ازاى ؟

[MARTINDALE]

الفاميه لو مثبت في الافراج الجمركي ممكن تعيد اثباته لو مش مثبت مستحيل تثبته .

[sendipad]

شكرا لك اخى ahsd2000

بالفعل الفاميه مثبت فى الاوراق وقد ذهبت اليوم لوحدة المرور وسألت الموظف بالشباك فقال لى اشترى حافظة وطلب وحاجة كمان كدا بـ 3 جنيه وذهبت له تانى قاللى روح للخزينة ادفع 10.50 عشرة جنيه ونصف وتعالى .. دفعت ورحت له تانى اخد منى الاوراق وبعد نص ساعه استلمت الرخصة مكتوب فيها زجاج ملون .


معلش انا حكيت اللى حصل يمكن حد يقراه ويستفيد .

[ENG\AHMED]

طيب ولو حد ملف العربية بالكامل اتحرق فى المرور من ايام الثورة , ينفع يثبت الفامية حتى لو مش نازلة بيه؟

[mo7a_mo7a]

طيب ولو حد ملف العربية بالكامل اتحرق فى المرور من ايام الثورة , ينفع يثبت الفامية حتى لو مش نازلة بيه؟

لا مينفعش

[zinger]

أنا بجد مش مصدق القانون المتخلف بتاع المرور بتاع مصر ده !!!!! إزاى يسمح بالفاميه لعربييات عشان مجرد انها نازله من المصنع كده , وهوه هوه نفس الفاميه ونفس اللون والدرجه ويسحب عليه الرخصه من عربيه تانيه عشان هوه اللى مركبه , إزاى الكلام الفارغ ده , يا إما ممنوع ع الكل يامسموح للكل , ده قانون متخلف والله

[Y a r i s]

هو مش العربية الجديدة الزيروا
بتفرق ١٠٠٠ جنية الي بفاميه عن الي بدون فامية ؟ .... طيب فيها ايه لمن الدولة. تقول الي عاوز يفيم الزجاج الخلفي فقططط
يورد ١٠٠٠ جنية للدولة لكي يتم تثبيت الفامية على الرخصة .... شوف ساعتها كام ألف جنية. هتتورد للدولة .... وكام مواطن هيكون راضي ومبسوط .... واحنا بنتكلم عن مليون الف جنية بس زي ماقلت للخلفي فقط والناس الي بتستعبط وبتفيم. كلووو دي سحب رخص على طول وغرامة ١٠٠٠ جنية فوراً من غير نقاش لانوا بيبقى زي العمي لاشايفين حاجة ولاحد شايفهم وسايقين يكسروا على ده وعلى ده كانهم عايشين لوحدهم في الدنيا ... بس الخلفي مفيد حتى في المرحلة الي جاية بتاعت غلاء البانزين وهيوفر كتير من استهلاك البانزين حتى .... عند استخدام المكيف في الصيف ؟