رأيكم فى بيجو 305

[bam8572]

السلام عليكم
معروض عليا بيجو 305 موديل 79 فبريقة دواخل , فتحة سقف وازاز كهرباء
صاحبها بيقول مش محتاجة اى مصاريف والعربية فعلاً شكلها حلو من الصور وكدا ومن جوا كمان مش متهانة والطابلوه شكله نضيف ومحترم

عاوز اعرف رأى الخبراء اولاً فى استهلاك البنزين , ثانياً فى قطع الغيار والصيانة وثالثاً واخيرا السعر
الراجل ماسك فى 14 مش راضى ينزل جنيه واحد

مشكورين مقدماً

[aboomar22]

بما ان العربية معايا من 8 سنوات هقولك راىء فيها عربية واسعة ومريحة عن ال128 كتير موتورها ناعم وسحبها حلو قطع الغيار كلها موجودة جديد واستيراد مفيش مشكلة ومش غالية ولا حاجة يمكن الكبالن هى اللى غالية لكن عملية انا صلحتها مرة واحدة خلال ال8 سنوات -- العفشة عملية اغلى من الفيات لكن بتستحمل وعملية -- استهلاك البنزين لو مظبوطة كويس -الصيانة ميكانيكية كتير متحبش تشتغل فيها لان حوضها ضيق ---مينفعش يركب لها الا موتورها لان الحوض ضيق وثمن الموتور 4 الاف استيراد --الجنط 3 خرم بيبقى صعب تركب جنوط اسبور كما ان الجنوط الحديد غالية شوية لانها قليلة --مروحة التبريد ميكانيكة يعنى بسير مش مروحة كهرباء فبتخلى العربية تسخن فى الاشارات الطويلة لان سرعة الموتور بتكون بطيئة فى الاشارات ودا خصوصا فى القاهرة لازدحامها دائما --لكن فى المجمل عربية مناسبة لسعرها ---المشكلة الكبيرة بقى فى اعادة البيع صدقنى لما هتفكر تبيع هتسمع فيها اسعار غريبة ليه ياجماعة اصل مالهاش سوق --اصلها تقيلة فى البيع وهكذا

[bam8572]

الف شكر لحضرتك على الرد الوافى

[Sehsss]

عربية جميلة، توكل على الله

[bam8572]

حيرتونى :d

منتظر رأى باقى الاخوة

[aboomar22]

ليه الحيرة انا على فكرة ماقلتش انها عربية وحشة انا قلت على المزايا والعيوب ودا العادى ان كل عربية ليها مزايا وعيوب --كمان قلت مناسبة جدا لسعرها مش هتلاقى عربية زيها فى فئتها السعرية ---وبعدين مثلا لو الموتور كويس يبقى خير ---لو العجل تيوبلس يبقى معندكش مشكلة فى الجنوط-- انا بس كل اللى قلتلة للامانة لما هتيجى تبيع مش هتجبلك الثمن اللى دفعتة بس كده الا لو لقيت واحد بيدور على 305 لو ميهمكش موضوع اعادة البيع خلاص

[bam8572]

مش هلاقى الى دفعته ليه مانا كدا كدا شاريها مستعملة ؟؟؟

المهم العربية الى فى الموضوع دى سعرها مناسب كدا ؟؟

[bam8572]

Up
up

up

[amrrashed]

واحد صاحبى اشتراها وكان شكلها برضه كويس وكان جايبها ب 22 الف جنيه من 3 سنين واتربى على ايدين الميكانيكية وكان من اللى بنسمعه منه تجربة سيئة جدا ... نصيحتى زود وهات مازدا 323 ناس كتير بتشكر فيها او خليك فى الفيات

[bam8572]

ماهو حتى لما فكرت اوصل الفلوس ل 18 لقيت الناس بتقول مش هتعرف تجيب ريجاتا حتى , ولو جبتها هتكون مكسرة وطالع عينها
طيب اعمل ايه يعنى ؟ الى معاه قرشين صغيرين ميعرفش يركب عربية فى البلد دى
لازم احط 30 ولا 40 الف عشان اركب عربية يعنى ؟؟