نصيحة فى الايام اللى مافيهاش بنزين دى

[eng.koussy]

و نصيحة و عن تجربة ,و انا عارف ان مش دة المكان المناسب للكلام دة , بس مش عارف احطة فين بس دى نصيحة لازم تتقال , حل الزحمة و استهلاك البنزيين و الحر فى الصيف : الفسباااااااااااااا
انا عندى فسبا ما شاء الله بتستهلك 45 كيلو فى اللتر , حاجة خرافة كدة و اى مشوار مهما الدنيا زحمة بخدة فى ربع او تلت ساعة بدوون مبالغة , دة كان فى يوم الاسبوع اللى فات كانت الطرق مشلولة بعد حادثة القطر و الطرق واقفة انا اخدت من سنترال القبة لمحطة مصر فى تلت ساعة , و اللى فاكر انها فى الحر بهدلة انت فاهم غلط , انا اشتريت الفسبة دى شهر 3 2012 يعنى قضيت بيها الصيف كلة , محستش بالحر اطلااااقا , و اللى يقلك اللى بيشترى الفسبا دة مضطر , احب اقلة لا انت غلطان انا كان معايا 128 و دلوقتى معايا التو و لسة بعششششق الفسبا , انا اسف انى طولت عليكم و اسف انى فتحت موضوع مش فى مكانة

تم تعديل عنوان الموضوع حيث أنه لا يجوز سب الزمان
م ع 3

[Khaled Online]

تنفع في مشاوير جوا البلد لكن في السفر أرجوحة

[Hondawy_2008]

أنت برنس والله طيب واللي عمره ما ساق فيسبا ولا موتسيكل التعلم سهل ؟؟؟؟؟؟؟

[moody_687]

أنت برنس والله طيب واللي عمره ما ساق فيسبا ولا موتسيكل التعلم سهل ؟؟؟؟؟؟؟

اضم صوتي لصوتك وهموت اجيب ريس او سكوتر ومليش ف السواقة ولا ف الاسعار بتاعتهم وكنت عايز اتعلم سواقتهم وهل بتختلف سواقة الاسكوتر عن الريس ولا الاتنين نفس الاسس والقواعد

[Sehsss]

فعلا هي مفيدة في زحمة البلد

[Khaled Online]

الريس غير الفسبا خالص في سواقتها وسعرها وصياناتها واستهلاكها للبنزين

[kimokaim]

طب واللي مشاويرو كلها دائري واتوستوراد ومحور وصحراوي يعمل اييييييييه

السكوتر ممتازة وسط البلد بس الطرق السريعة ﻻ

انا بمشي بالعربية وبقفل اﻻزاز وممكن بفتح التكييف في الشتا بسبب الثلوت والدخان والقرف

وماشفتش حد بيركب فيسبا بيلبس خوذا ؟؟؟! ازاي بيستحملوا مش عارف

[cameeron]

حل حلو بس من الاخر لا تنفع فى طرق سريعة و لا لو معاك عيلة

[eng.koussy]

لو بتعرف تركب عجلة يبقى انت بتعرف توزن نفسك , فاضلك حاجات بسيطة , لا طبعا سفر مينفعش علشان كدة لازم عربية معلها و فى الشتا الموضوع لو مطر بتبقى بهدلة و علشان كدة لازم عربية مع الفسبة

[mohamedbook]

الرسول صلي الله عليه وسلم بيقول في حديثة الصحيح
لا يَسُبُّ أحدُكم الدهرَ . فإنَّ اللهَ هو الدهرُ . ولا يقولنَّ أحدُكم للعنبِ : الكرمُ . فإنَّ الكرمَ الرجلُ المسلمُ
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2247
خلاصة حكم المحدث: صحيح
نا بنبهك علي حاجة انت مش واخد بالك منها ملهاش علاقة بموضوعك خالص انت بتقول (نصيحة فى الايام الغابرة اللى مافيهاش بنزين دى)
انا بقلك الزمن والدهر ,والايام كلمات مترادفة لبعضها وتؤدي نفس المعني عشان كده بقلك علي الحديث الصحيح
يعني كلنا بنعلط ونقول يوم مهبب كان يوم اسود واليوم ده هو زمن هو دهر ونهي النبي صلي الله عليه وسلم عن ذلك

[Land_Cruiser]

المشكله فى الخطوره من استخدامها ده لو اى حد ريح عليك بس ممكن لا قدر الله يوقعك و الوقعه باصابه جامده ده غير الحوادث اللى بنشوفها و اللى هيزنقوا عليك على البلطجيه اللى ممكن يحاولوا يثبتوك . فى رأيي هو ممكن يبقى مفيد لو هتروح بيه مشاوير بس فى شوارع جانبيه او داخل مدينه سكنيه كبيره زى مدينتى مثلا لكن فى شوارع زحمه وسط عربيات كتير و تقاطعات دة يبقى انتحار يا فندم

[kimotop]

حلوة بس سواقتها خطيرة ربنا يحفظك و يحفظ كل السواقين سواء فزبا او غيره

[amrelweekil]

يا جماعة انا عندى الحل وعملتة عندى فى العربية وزى الفل انا المهندس عمرو فى موضوع انا
السلام عليكم جميعا
يا جماعة انا مهندس عمرو انا عارف انكم عاوزين تعرفو التعديل دة بيحسن اداء الموتور ولا وبيوفر ولا لا وهل لية ضرر ولا لا والاجابة ان انا عملت التعديل عندى فى العربية بس مبدايا ملوش دعوة بنوع

العربية سواء كربراتير او انجكشن لان مش حيأثر على حاجة فى الدورة مجرد ان هو حيحسن الدورة بتاعة الحرق انا عربيتى لادا 1200سى انا عملت التعديل دة وحالة الموتور كويسة والحمد لله بقت احسن

والله انا مبسوط جدا بالنتايج والاداء انا ماشى علية بقالى 10تلاف كيلو والحمد لله مفيش اى مشاكل ولا تغير فى اى حاجة وسواء على بنزيل 80 او90 الاداء زى ما هو واحسن طبعا لو البنزين اعلى بس كل

الفوايد الى مكتوبة عن التعديل دة صح والعيوب انا لحد دلوقتى ملقتش اى عيوب ومش حتحصل وبالنسبة للمقاسات على حسب المنطقة الى بتعمل فيها التعديل سواء كبيرة او صغيرة بس لو كانت كبيرة يبقى

احسن عشان كل ما تزود عدد الاخاديد التقليب يبقى احسن والعربية متسقفش معاك خالص بعنى باختصار الحرارة عندى فى ايام الحر مش بتجيب 90 ولما بتقف فى اشارة او كدة الحرارة بتنزل لوحدها والزيت

نظيف مقارنة بعربية مش متعدلة ومش اسوة زى الزيت العادى لكن لازم يسود بس بيبقى بنى فاتح بس انت لو كربراتير ظبط الهوا عندك باستمرار عشان الاداء العزم زاد فى الطلعة وكمان فى طلعة العربية يعنى

اقدر اقولك انك لو معشق الاول وكبست حتلاقى العجل بيفرك تحت وانت معشق مش ملمس الدبرياش كمان وفى المطالع حتحس بفرق وكمان فى استهلاك البنزين انا عندى 1200 ال10 لتر بيعملو 200 كيلو

وجربتها ودة حساب مظبوط انا مكنتش مصدق بس دة حقيقى والى بيقولك ان هى حضر البوجيهات دة يبقى حممممار عشان اصلان لو حتعمل كدة كان الموتور خرب من جوة ودة غلط جدا بالعكس البوجيهات

نظيفة جدا وحتى لو مكنتك بتجيب زيت متقلقش التعديل دة بينظف الشمعة وبينشف الزيت من عليها والله انا عربيى هالكها سفر وجرى ومفيش اى حاجة ظهرت اه بالنسبة للناس هواة الغرز فى مصر ارجوكم

بلاش بعد التعديل لان دة فى الطبيعى من غير التعديل بيهلك الموتور فمابالك لما تضغط علية كمان حيقصر عمرة امشى زى الناس الا فى حالات انت مستعجل فيها بس مش علطول انا بتكلم الى بيعمل كدة علطول

الخلاصة ان انا وفرت فى فلوس البنزيل والعربية بقت حلوة واقدر اجيب بيها سرعات عالية وكمان سحبها بقى كويس وصدقنى متخفش من اى حاجة اعملها واتوكل على الله وصدقنى انا اول واحد فى مصر عملها

http://www.nilemotors.net/Nile/322482-somender-singh.html

[eng.koussy]

الرسول صلي الله عليه وسلم بيقول في حديثة الصحيح
لا يَسُبُّ أحدُكم الدهرَ . فإنَّ اللهَ هو الدهرُ . ولا يقولنَّ أحدُكم للعنبِ : الكرمُ . فإنَّ الكرمَ الرجلُ المسلمُ
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2247
خلاصة حكم المحدث: صحيح
نا بنبهك علي حاجة انت مش واخد بالك منها ملهاش علاقة بموضوعك خالص انت بتقول (نصيحة فى الايام الغابرة اللى مافيهاش بنزين دى)
انا بقلك الزمن والدهر ,والايام كلمات مترادفة لبعضها وتؤدي نفس المعني عشان كده بقلك علي الحديث الصحيح
يعني كلنا بنعلط ونقول يوم مهبب كان يوم اسود واليوم ده هو زمن هو دهر ونهي النبي صلي الله عليه وسلم عن ذلك

انت عندك حق انا فعلا مكنتش واخد بالى , وفعلا معلومة قيمة

[eng.koussy]

المشكله فى الخطوره من استخدامها ده لو اى حد ريح عليك بس ممكن لا قدر الله يوقعك و الوقعه باصابه جامده ده غير الحوادث اللى بنشوفها و اللى هيزنقوا عليك على البلطجيه اللى ممكن يحاولوا يثبتوك . فى رأيي هو ممكن يبقى مفيد لو هتروح بيه مشاوير بس فى شوارع جانبيه او داخل مدينه سكنيه كبيره زى مدينتى مثلا لكن فى شوارع زحمه وسط عربيات كتير و تقاطعات دة يبقى انتحار يا فندم :u_thin1[1]:

يا جماعه الموضوع اسهل من كدة بكتير واتعاملت مع سواقة ستات و مكروباسات و تكسيات و علشان الفسبا دايما بتمشى فى اليمين و السابق ذكرهم كلهم بيرموا يمين من غير ما يبصوا يعنى انا شفت كل حاجة ممكن تتشااف و صحيح هى فيها خطورة شوية بس المناااااافع جبااارة و الحمد للة لم اتعرض لاى اصابة حتى الان و ربنا يستر بس عملت حادثة كذا مرة بس مش كبيرة يعنى خربوش فى الفسبا خبطة من قدام انما وقوع , الحمد للة محصلش , وطالما ماشى بالعقل كل حاجة بسيطة, انا هتكلم معاكم بصراحة , انا اكتر حاجة بكرها فى حياتى انى مالاقيش ركنة و الزحمة و استهلاك البنزين و كان معايا 128 يعنى فيها كل الحاجات دى و زيادة انها كل شوية بتقف , فلاقيت ان الفسبا هى الحل خصوصا ان انا كليتى هندسة عين شمس فى عبدة باشا , و انا ساكن فى الحدائق , كنت باخد المشاور بالعربية فى ساعة بسبب ميدان الحدائق , بالفسبا باخدة فى ربع ساعة , كنت بستتال النزول لوسط البلد جدا , بالفسبا النزول لوسط البلد مافيش اسهل منة