حملة خليها تصدى

[Abo.Moazz]

السادة أعضاء المنتدى الكرام وأعضاء إدارة المنتدى الكرام
بعد التحية ... أقترح وفوراً بدأ تدشين حملة لمقاطعة شراء السيارات الجديدة حتى يتم الإلتفات من ناحية أجهزة الدولة والتوكيلات للجشع المبالغ فيه والزيادة الجنونية لأسعار السيارات
وأقترح قبل بداية تدشين الحملة عمل إستطلاع للوقوف على أرض الواقع ومعرفة مدى تأثير أعضاء المنتدى على تحريك الأمور لصالح المستهلك المصرى...

[Mostafa.Mahran]

ده مش خليها تصدى بس ده خليها تولع فوق دماغهم

[Sehsss]

مشارك بشدة

[حماده المصري]

انا مش مقبل على الشراء الحقيقه

بس لو كنت مقبل عمري ما هشتري بالهرجله دي خالص

خصوصا وان في عربيات الاوفر برايس بتاعها بيوصل 20 الف جنيه بدون مبرر خالص

[Land_Cruiser]

موافق جدا طبعا و كمان للقضاء على ظاهره الاوفربرايس نهائيا . انا مش مقبل على الشراء لكن ساشارك بتوعيه الناس كفايه استغلال لحوائج الناس بقى.

[S O P H O S]

ياريت والله يا باشا
ما هو الناس لو عملت كده
مكنش اتعمل فينا كده ..

[mazagngi2010]

المفروض يتعمل جروب او صفحه على الفيس وننشره بين كل الناس وكل واحد يرزع رايه ونحط الاسعار قبل وبعد الزياده وتوضيح ان مفيش اى حاجه اتضافت للعربيه مع شويه مقالات للكتاب المع&÷^ بتوع الاهرام والاخبار علشان نفضح الشغل الزباله اللى بيعملوه مع الوكلا

[StarLancer]

الوكلاء بيستهبلوا

[midooo_119]

انا برضه مش مقبل عالشراء لكنى هشارك عشان يعرفوا ان الاستهبال هيتقلب عليهم ان شاء الله

[khaledverna]

انا والله كنت عاوز اجيب عربيه بس خلاص مش حجيب دلوقتى خالص مقاطع

[mado_xxx]

مشارك معاكو ان شاء الله

[beshomilan]

ياريت بينفع اى حاجه
الناس بتشترى ومبيهمهاش
واتفرج على المقالات اللى هنا وبعد الثورة بأيام واسابيع وشهور والناس بتقولك نزلت واتفرجت وعجبنى واشتريت وزعلان عشان فيه خربوش فى العربيه الزيرو والكاوتش مش نضيف وحاجات كتير غيرها
والبلد مولعة ومحدش بيهمه خالص العربيه غاليه ولا رخيصة..المهم بس ينبسط وطز فى شوية الالافات الزياده دى اللى بتيجى عليه وعلى دماغ غيره
وانا مقلتش محدش يشترى ولا ينبسط طالما يقدر بس على الاقل نفكر فغيرنا وازاى اننا لما بندفع اوفر برايس ده بييجى على حد تانى ممكن مش معاه المبلغ وتشجيعا لحد نصاب بيستغل حاجتك ويغلى العربيه ونقول يالا مش مشكله خلينا ننبسط

كمثال
انا شغلى فى منطقة راقيه قريبه جدا من قصر الاتحاديه تكاد تكون ملاصقة ليها
فى وقت ما البلد مولعة والناس بتموت ايام مشكلة الاتحاديه دى الناس كانت نازله وبتتفسح فى الشوارع وبتضحك وبتهرج ومبسوطة وبتاكل ايس كريم وبتشترى حاجات للرفاهيه والدنيا بيس وعاااااااااادى جدااا
ومحدش حاسس ان فيه اخ ليه بيموت فى نفس اللحظه دى
وانا مطلبتش ان الناس تحزن وهى ماشيه بس على الاقل يبقى فيه مشاركة واحترام للى بيحصل مع الناس حوالينا..ولا احنا نحزن بس على اللى نعرفه واللى منعرفش فداهيه!!
زى كده لما يكون عزا فى الشارع ينفع لو فيه فرح معدى من جنبه يضرب كلاكسات؟؟اينعم الاتنين ميعرفوش بعض بس احترام الظروف واجب برضه بتحتمه علينا عادتنا وضمايرنا

[mazagngi2010]

ياريت بينفع اى حاجه
الناس بتشترى ومبيهمهاش
واتفرج على المقالات اللى هنا وبعد الثورة بأيام واسابيع وشهور والناس بتقولك نزلت واتفرجت وعجبنى واشتريت وزعلان عشان فيه خربوش فى العربيه الزيرو والكاوتش مش نضيف وحاجات كتير غيرها

فيه ناس تحس ان فلوسها حرام

[esam_ayad]

انا بصراحه كنت مستني الكارينز الجديده تنزل وهاشتريها علي طول لكن بعد زيادة الأسعار الجامده دي أكيد الكارينز هاتنزل وبأوفر برايس كمان
يبقي "خليها تصدي وموديلها يعدي"
وعلي فكره أول ناس عملت الحمله دي كانو أخوانا السعوديين لما توكيل تويوتا رفع أسعارها بشكل غبي جدا فعملو الحمله دي وابتدو يشترو العربيات الكوري والأمريكي وخسرو توكيل تويوتا جامد جدا.
وان شاء الله احنا كمان نعمل كده زيهم

[تامر.محمد]

معاكم

و يا ريت لو نفكر نعمل ستيكر نلزقه على عربياتنا بالتعاون مع ادارة المنتدى