محتار فى شراء سيارة بعينها

[mamdouhsalem]

معى الآن سيارة اونو موديل 98 بحالة جيدة و اريد بيعها و شراء سيارة احدث منه فى حدود مبلغ 50 الف جنيه و لا اعرف ما نوع السيارة التى اشتريها بعض الناس قالولى بولو 2001 و بعض آخر قالولى هيونداى آى 10 علما بانى اريد سيارة موفرة فى البنزين و قطع غيارها متوفرة و غير غالية الثمن ارجو منكم افادتى

[mohamed_rhem]

شوف ديهاتسو سيريون ياباني 100% من موديلات 2009 الي 2010

في منها مانيوال 1000 و1300 واتوماتيك 1300 و1500 وفي منها جميع الكماليات

سعرها ببتراوح بين 60 الي 75 الف حسب السعة اللترية والفتيس والكامليات

[aboomar22]

بص انت عايز عربية فى حدود ال 50 الف لو بتفكر فى موديل حديث ممكن فيرنا- لانوس- بى واىدى- اسبرانزا ودول هيكونوا فى حدود موديل 2008 طبعا دول مانيوال --لو حابب حاجة موديل اقدم وعربيات اعتمادية ومنها اوتوماتيك ممكن تويوتا كرولا 92- 99 او هوندا سيفك si 92 -95 او متسوبيشى لانسر كريستالة حالة ممتازة اتوماتيك -عندك كمان ممكن النوبيرا والليجانزا --يعنى الاختيارات كتير --واهم من نوع العربية حالة العربية

[amrelsaqqa]

اعتقد لانسر كرستاالة هتكون مناسبة ليك
بس حضرتك لازم تحدد انت عايز ايه من العربية ( مش بس موضوع توفير البنزين )
يعنى واحد مكانك تفكيره يقول له فيرنا او لانوس او نوبيرا ، موديلات عالية صيانة سهلة ، بيع سريع .. الخ من المميزات ..


وواحد تانى شايف الكورى ده كله ملوش لازمة حتى لو موديلات عالية و غاوى اليابانى فيفكر في كرستالة وصنى 99 2000 او كورولا 90 ات


واحد تالت بقى غاوى الالمانى بس ، فده ممكن يركب فيكترا او استرا او كورسا او بولو او جولف 3 ومش فارق معاه اعادة البيع او تكاليف الصيانة او اي ظروف غير متوقعة المهم يكون راكب ركوبة نضيفة ..


شوف حضرتك ميال لإيه وتقريبا انا كدة قلت اغلب العربيات المشهورة في الفئة السعرية دى من الكوري واليابانى والاوروبى

في انتظار ردك وربنا ييسرلك الحال ان شاء الله

[kliken]

فيرنا او لانوس

[ffff]

إركب كليو أخر موديلاتها من 2005 - 2008 مش هاتعدى ال50 وأفخم عربية فى الرنج ممكن تركبها وموفرة للغاية فى البنزين وقطع الغيار معمرة بإستفزاز بصراحة....:)
من الأخر خليك فى الأوربى

[mamdouhsalem]

جزاكم الله جميعا كل خيرا على اهتمامكم و احب ان اوضح لكم بانى اريد سيارة قطع غيارها متوفرة و مش غالية قوى لانى دائم الاحتياج للعربية و لا استطيع العمل بدونها و سبحان الله كل ما استقر على عربية بعينها اسمع آراء اخرى ضدها و مازلت محتار بين البولو2001 و البيكانتو و اللانوس و برضة سمعت ان الكريستالة حلوة بس موديل قديم يا ترى الواحد يركب موديل قديم و نضيف احسن او يركب موديل حديث عشان يشعر بانه انتقل درجة بالفلوس اللى دفعها و الأخ الكريم المقترح كليو انا لا اعرف حاجة عنها بس خايف اشتري عربية مش منتشرة فى السوق اتعب فى صيانتها ، انا آسف جدا لتعبكم معايا و جزاكم الله خيرا

[kliken]

اعتقد ان اللانوس هتريحك اكتر و الله اعلم
موديل هيبقى حديث شويه قطع غيار متوفره و رخيصه

[mamdouhsalem]

انا الحمدلله اشتريت سيارة اوبل كورسا سيدان موديل 2003 كاملة مانيوال بس بحالة ممتازة اتمنى اعرف رأى حضراتكم فيها و لو عنكم اى نصائح عنها و جزاكم الله خيرا