بتشيل ليه نمر عربيتك ؟؟

[abo_lamar]

السلام عليكم و رحمه الله يا شباب

استكمالاً لسلسلة أعمل اللي نفس فيه عشان مفيش لا ربط ولا حزم من المرور اللي مش بيتشطر الا على اللي مركبين فامية بس كأن قانون المرور( اذا كان اصلا معمول بيه ) بنوده بس معموله عشان الفامية .

دي صورة صورتها النهاردة لبيه من البهوات مش لاقي حد يلمه شايل نمر العربية وكاتب مكانها BLACKBERRY

واللي غايظني وفاقع مرارتي اننا وقفنا في اشارة فبكلم عسكري المرور اللي مش عارف اصلا هو واقف ليه وبيعمل ايه وبقوله ينفع اللي عامله المعلم اللي قدامي ده يا دفعة ... عليا النعمة ولا كأنه بيفهم عربي اصلا ولا كانه سامعني حتى .
نعمـــل ايه يا رجالة ؟؟
نحترم القانون ولا نعمل زي الناس دي ونضرب القانون في عرض الحائط ؟

[hesham ahmed]

انا بفكر اخلي معايا اسبراي في العربيه ... و لو شفت اي عربيه كده راكنه ... اسيبله اي تذكار بالاسبراي علي العربيه :)))

[abo_lamar]

انا بفكر اخلي معايا اسبراي في العربيه ... و لو شفت اي عربيه كده راكنه ... اسيبله اي تذكار بالاسبراي علي العربيه :)))

والله عندك حق

[Land_Cruiser]

المفروض الناس تتلم و ترخم عليه . الفكره انه وارد جدا يطلع بلطجى فعلا او سارق العربيه او رايح يعمل بيها جريمه

[al_manara]

السلام عليكم و رحمه الله يا شباب

استكمالاً لسلسلة أعمل اللي نفس فيه عشان مفيش لا ربط ولا حزم من المرور اللي مش بيتشطر الا على اللي مركبين فامية بس كأن قانون المرور( اذا كان اصلا معمول بيه ) بنوده بس معموله عشان الفامية .

دي صورة صورتها النهاردة لبيه من البهوات مش لاقي حد يلمه شايل نمر العربية وكاتب مكانها blackberry

واللي غايظني وفاقع مرارتي اننا وقفنا في اشارة فبكلم عسكري المرور اللي مش عارف اصلا هو واقف ليه وبيعمل ايه وبقوله ينفع اللي عامله المعلم اللي قدامي ده يا دفعة ... عليا النعمة ولا كأنه بيفهم عربي اصلا ولا كانه سامعني حتى .
نعمـــل ايه يا رجالة ؟؟
نحترم القانون ولا نعمل زي الناس دي ونضرب القانون في عرض الحائط ؟

وانا برش العربية طبعا النمر كانت متشالة .
وانا ماشي بالعربية كنت حاسس اني عامل عملة من غير النمر .
مش عارف لية بيعملوا كدة !!

انا بفكر اخلي معايا اسبراي في العربيه ... و لو شفت اي عربيه كده راكنه ... اسيبله اي تذكار بالاسبراي علي العربيه :)))

نفس الفكرة السيئة دي جاتلي .

[AhMeD MeTwAlY]

ممكن يكون زيي معترض علي نظام المرور في مصر

[Deshahcoka]

اقلك حاجة حلوة عشان تستريح بس :) الي عامل كدة مش باشا :)

لو باشا النمر بتبقى محطوطة و ساعت التجديد في كلام تاني :) ده لو حب يجدد يعني لو حب يبيع العربية غير كدة لا :)

لكن الي بيشلها ده الشباب السيس :) او يعني يكون عربية مسروقة .. بيهرب سلاح مخدرات اي حاجة كدة يعني ..

[MohammedAladel]

أنتو الاتنين غلط طبعا

أنا الحمد لله دايما بخلينى فى الأمان وإلا القانون لازم ألتزم بيه

[MohammedAladel]

انا بفكر اخلي معايا اسبراي في العربيه ... و لو شفت اي عربيه كده راكنه ... اسيبله اي تذكار بالاسبراي علي العربيه :)))

لو بتتكلم بجد يبقى حرا م عليكم وربنا هيرزقك بواحد يدمرلك عربيتك مش يرشها اسبراى

[youssef_u]

اولا الباشا مش هيحتاج يشيل النمر لانه مجرد ما يعمل مخالفه او اي حاجه كله هيتعمله delete وقت التجديد و خلاص و مفيش بااااشااااا كبيييير يركب فيرنا دول بيبقو قرايب الباشاوات من بعيد

[S O P H O S]

مدام مفيش شرطة وكل حاجة زي ما هيا
خلاص الشعب يفعل ما يريد ..

[tutankhamoun]

عيال سيس ... أو

بني ناقص .... أو

بلطجي رايح يرتكب بها جناية .... أو

حرامي سارقها .....

أو بني آدم ناقص (مرة تانية ) و عامل فيها كبير و هو عنده عقدة نقص كبيرة في مخه التعبان .

أو عيل سيس ما أترباش ... شال النمر علشان يعمل أجدع مخالفات و يجري يبرطع على الدائري في سباقات و تزنيق على خلق الله و علشان ما يتقفش ...... شال النمر لأنه سيس و جبان و أهله ما ربهوش و الشرطة ما ربتهوش .

الواحد قرفان من كمية التخلف اللي الناس عايشه فيه .

جاتهم القرف (المخالفين نتيجة لعدم وجود شرطة ) عايز أقولك يالي بتمشي عكسي و تشيل النمر علشان مفيش عقاب أنت انسان جبان و متخلف و حقير لأن نفسك الدنيئة الجبانة خلتك تمشي عكسي و مخالف علشان مفيش عقاب
و لكن لما بيكون فيه عقاب

نفي النفس الدنئية الجبانة بتخليك تمشي زي الألف ... و إن دل يدل على جُبنك و أصلك القذر .

أنا آسف لأني متعصب من الناس دي و زهقت منهم و من أفعالهم و من سلوكياتهم .

[hesham ahmed]

لو بتتكلم بجد يبقى حرا م عليكم وربنا هيرزقك بواحد يدمرلك عربيتك مش يرشها اسبراى :i_angr1[1]:

دا علي اعتبار انه بيعمل عمل خير ..
اللي هو عامله دا اسمه بلطجه علي المرور و علينا سواء سايق عربيه او ماشي علي رجلي
لان ببساطه دا لو خبط سعادتك و انت ماشي في الشارع و جري ... هتعرفه ازاي !!!!
و بعدين طالما انا ماشي صح ... مش شايل النمر و مش مفيم و كله مظبوط .. و حد عمل حاجه في غربيتي ... هستعوض ربنا و حسبي الله و نعم الوكيل

[Sehsss]

شغل بلطجة

[mshmshm3]

فكرة الرش بالاسبراي حلوة
في فكرة اجدع
زيت باكم
و اجري يامجدي ي ي ي ي ي ي ي