اثبتوه ازاي في الرخصه وانقل ولا استني

[sameh.rafat]

الحمد لله اشتريت ماتريكس كحلي ٢٠٠٦
بتوكيل وفاضل في الرخصه سنتين والعربيه نرور الدقي وانا مرور تاني خالص
ابيع لنفسي وارخص باسمي
محتاج ايه علشان مخسرش الفتره الي في العربيه وما هي رسوم التسجيل والترخيص
واحد بيقولي لازم اروح اجيب من مباحث المرور ان العربيه موش مسروقه الكلام ده صح ولا غلط
وقولي اعمل ايه علشان عايز انزل بكره بدري باذن الله اسجل واروح المرور
ولو عايز اثبت ديفندر وعتب واثبته في الرخصه ازاي

[Land_Cruiser]

الحمد لله اشتريت ماتريكس كحلي ٢٠٠٦
بتوكيل وفاضل في الرخصه سنتين والعربيه نرور الدقي وانا مرور تاني خالص
ابيع لنفسي وارخص باسمي
محتاج ايه علشان مخسرش الفتره الي في العربيه وما هي رسوم التسجيل والترخيص
واحد بيقولي لازم اروح اجيب من مباحث المرور ان العربيه موش مسروقه الكلام ده صح ولا غلط
وقولي اعمل ايه علشان عايز انزل بكره بدري باذن الله اسجل واروح المرور
ولو عايز اثبت ديفندر وعتب واثبته في الرخصه ازاي

الف مبروك . الديفندر ما ينفعش يتثبت على الرخصه لانها مش نازله فابريكه به و العتب مش محتاج اثبات فى الرخصه لانه وسيله مساعده لركوب السياره أما الديفندر ممكن لا قدر الله يتحول لوسيله قتل. لو حضرتك مركب ديفيندر لما تروح تعمل فحص هيقولك مهندس الفحص روح شيله الاول و بعد كده تعالى افحص

[sameh.rafat]

الف مبروك . الديفندر ما ينفعش يتثبت على الرخصه لانها مش نازله فابريكه به و العتب مش محتاج اثبات فى الرخصه لانه وسيله مساعده لركوب السياره أما الديفندر ممكن لا قدر الله يتحول لوسيله قتل. لو حضرتك مركب ديفيندر لما تروح تعمل فحص هيقولك مهندس الفحص روح شيله الاول و بعد كده تعالى افحص

مشكور يا كبيررر بس قولي اعمل ايه في الترخيص وانقل العربيه واسجلها ولا امشي بالتوكبلات العربيه فيها ٣ توكيلات

[sasa79]

ممكن تمشى بالتوكيلات اللى معاك السنتين وتبقى ترخص وتنقل ملكية بعدين وبكدة تكون استفدت من السنتين وممكن دلوقتى تنقل ملكية وترخص سنة والرخصة هايبقى فيها 3 سنين والسنتين اللى فى الرخصة مش هايروحو عليك هايضافو على السنة اللى انت مرخصها ..يعنى كدة كدة السنتين هاتستفيد بهم

[Land_Cruiser]

حضرتك ممكن تمشى بالتوكيل السنتين دول و بعد كده ابقى رخص و انقل ملكيه و حتى هتبقى ميزه ان لو فكرت تبيع خلال السنتين تبقى تبيع بتوكيل برضه و تبقى ساعتها ما دفعتش حاجه

[ahmedhilmy]

حضرتك لو رخصت السنتين مش هيروحوا عليك و التسجيل و نقل الملكيه افضل قانونيا ليك و اضمن بس طبعا تكلفته اكيد مش هتقل عن ١٠٠٠ جنيه خلاف الترخيص فلو ظروفك تسمح ات،كل علي الله خلاف كده ممكن تستني و بعدين تنقل
انا لو مكانك ممكن استني شويه لان سنتين فتره طويله خاصه انها عربيه مستعمله يعني ممكن بعد ممشي بيها شويه يظهرلي حاجه افضل اغيرها او لا قدر الله تكتشف انها فيها مصروف بعد استخدمها فتره فتقرر تستغني عنها ففي الحاله دي متكنش خسرت فلوس التسجيل خلاف كده هتعمل الاتي
طبعا تسجل لنفسك - تاخد توكيلاتتك و العقد و ترجع للمرور اللي انت تابع ليه تطلب اورنيك فحص تفحص و تفحص طفايه و تاخد جواب من مرورك لمور الدقي ترجع الدقي تجيب شهاده مخالفات و مطابقه بصمه و بعدين ترجع مرورك تسدد الضريبه التامين و مبروك علي العربيه و الترخيص

[sameh.rafat]

حضرتك لو رخصت السنتين مش هيروحوا عليك و التسجيل و نقل الملكيه افضل قانونيا ليك و اضمن بس طبعا تكلفته اكيد مش هتقل عن ١٠٠٠ جنيه خلاف الترخيص فلو ظروفك تسمح ات،كل علي الله خلاف كده ممكن تستني و بعدين تنقل
انا لو مكانك ممكن استني شويه لان سنتين فتره طويله خاصه انها عربيه مستعمله يعني ممكن بعد ممشي بيها شويه يظهرلي حاجه افضل اغيرها او لا قدر الله تكتشف انها فيها مصروف بعد استخدمها فتره فتقرر تستغني عنها ففي الحاله دي متكنش خسرت فلوس التسجيل خلاف كده هتعمل الاتي
طبعا تسجل لنفسك - تاخد توكيلاتتك و العقد و ترجع للمرور اللي انت تابع ليه تطلب اورنيك فحص تفحص و تفحص طفايه و تاخد جواب من مرورك لمور الدقي ترجع الدقي تجيب شهاده مخالفات و مطابقه بصمه و بعدين ترجع مرورك تسدد الضريبه التامين و مبروك علي العربيه و الترخيص

يعني انقل ولا امشي كده بالتوكيل

[Land_Cruiser]

يعني انقل ولا امشي كده بالتوكيل

أمشى بالتوكيل يا فندم و جرب العربيه و اطمئن انها مريحاك و انك هتحتفظ بيها و مش هتبيعها و بعد كده ابقى انقل الملكيه براحتك فليس هناك داعى للاستعجال

[احمد المصرى]

راى تنقل ملكيه افضل لو معاك فلوس حاليا اعتقد ان نقل الملكيه الان حوالى 1250 علشان عربيتك 2006

[abou-yahia]

انقل وخلص نفسك عشان حوار بونات البنزين

تعرف تصرفها لما يعملوها

لان صرف البونات مش حيكون من المرور