المساعدين و السوست محيرانى

[amz2011]

انا عندى العربية لانسر بومة وطيت من وراه شويه و كنت عايز اعرف هل اغير المساعدين ولا اغير المساعدين و السوست كمان و ازاى اعرف ان مين فيهم اللى بايظ و عايز يتغير؟.
مستنى ردكم يارجاله

[ahmad--ezzat]

وطيت = سوست تعبت

[khalid_adel]

اكشف علي المساعدين والسوست لو المساعد كويس مش قافش ولاضارب زيت ولا بيطلع اصوات تزييق او خفيف زياده عن اللزوم
كده يبقي السوست يتبص عليها برضه يايتحط لها علايات او تتغير احسن

[amz2011]

اكشف علي المساعدين والسوست لو المساعد كويس مش قافش ولاضارب زيت ولا بيطلع اصوات تزييق او خفيف زياده عن اللزوم
كده يبقي السوست يتبص عليها برضه يايتحط لها علايات او تتغير احسن

اعرف منين ان المساعد خفيف و لا مش خفيف عن طريق الضغط على الشنطة بتاعت العربية و لا ايه؟

[amz2011]

هى المساعدين بتاعة الاستوك بتبقى kyb ولا ايه؟

[khalid_adel]

اعرف منين ان المساعد خفيف و لا مش خفيف عن طريق الضغط على الشنطة بتاعت العربية و لا ايه؟

بص المساعد لو قافش حتدوس علي الشنطه من جنب حتلاقي مش بتنزل وتقيله اوي
اما لو خفيف حتلاقيها بتنزل بسهوله اوي وبتطلع وتكمل هي لوحدها (ترقص)
وطبعا لاحظ لو في اي اصوات تزييق طالعه منه
اما لو ضارب زيت فده لازم تنزل تحت العربيه بكشاف
طبعا ده مبدئي الصح انك تروح لعفشجي افضل
وزي ماقلتلك في الغالب دي مشكله سوسته بس ادينا بنطمن علي باقي العفشه بالمره