ماهو سبب هذه التصرفات ؟؟

[egman]

ا/ rapid
والله يا باشا دنا كمان فى كلام كتير فى نفسي ما قلتوش بس علشان الرقابة والقوانين فى المنتدى هههههههههههههههه

[aldesha989]

ههههههههههههه اه والله حضرتك والفيديو ده على اليوتيوب هعرفلك اسمه اية وهكتبهولك لمجرد انك تخلص الفيديو ده والله هتفضل قاعد مسهم وسرحان فى دماغ الناس ده هى كده ازاى ...........

انا اصلا بقيت مشوش فى موضوع لمبات الاشارة ده غالبا انا لما بعملها بعملها لنفسي الاول الناس ما بقتش بتاخد بالاشارة خالص بقيت مضطر اطلع ايدي برده مع الاشارة برده ما حدش بيعبرنى بقيت اشتم واقل من الناس كلهم وانا مدي اشارة ومطلع ايدي وراسي والعيال كمان بيطلعوا ايدهم معاايا ، بقوا يقفوا يستنوني هههههههههههههههههههههههههههه لما ادخل الحارة او الشارع الى عايز ادخله .

ده طبعا غير حاجة تانية اكتشتفها ان النور الاساسي بتاع العربية بتاع الفوانيس الى بمنشي عليها فى الضلمة بليل غالبا لازم تبقى مطفيه علشان الناس بتزعل اوى منها يظهر ان الخواجة كانا لمفروض ما يعملش العربيات بفوانس اصلا

هو اللى يغيظ فى موضوع النور ده لما يبقى نور الشارع زى الفل وتلاقى الصالون عندك شادر :d

ايه ياعم انا عايز انام شويه ههههههههههههههههههه


بالنسبة لموضوع العيال
انتا لو وقفت بالعربيه ونزلت قولت لواحد لو سمحت انا عايز ادخل يمين هيعدى عليك ويقولك لا هههههههههههههههههههههههههههههههههههههه

[friendship7897]

والله يا بشمهندس كل اللي أنت كتابته صحيح 100%
دا أنت كدة طمنتنى - دا أنا كنت متوقعة أني مستهدفة من سائقي السيارات
لأني لما بكون مشاية سريع على الشمال آلاقي ضفدعة ماشية وأنور للسائق نور زي ما يكون شتمته ، فأحاول أعديه من اليمين ألاقيه بصلي حتة دي بصة كأنه بيرد لي الشتيمة .
وآه من موضوع المشي على الخط - تقريباً هو فاهم أنه كدة ماشي ( على الحارة ) متحكم منها يعني مش (في الحارة ) أصل الحارة بيئة وهو أبن ناس ما بيمشيش في حارة .
وموضوع الركنات - أحب أضيف على اللي أنت قولته - لما يكون فيه مطب أو بلاعة ويكون المخرج الوحيد للعربية علشان ما تقعش في المطب واحد جميل راكن في هذا المخرج وكمان قاعد في العربية بيقرأ جرنال وسامع وشايف هبدة العربيات بسببه ، وهو لا هو هنا - أصل مركز في قرأة الجرانال آل يعني بيفهم وبيعرف يقرأ .
آيه ولا أيه ولا أيه - أنت فتحت علينا المواجع .
يلا - بالمناسبة يارب الجو يتحسن وتكون رحلتكم طيبة إن شاء الله - ونحن في إنتظار التقرير

[egman]

هو اللى يغيظ فى موضوع النور ده لما يبقى نور الشارع زى الفل وتلاقى الصالون عندك شادر :d

ايه ياعم انا عايز انام شويه ههههههههههههههههههه


بالنسبة لموضوع العيال
انتا لو وقفت بالعربيه ونزلت قولت لواحد لو سمحت انا عايز ادخل يمين هيعدى عليك ويقولك لا هههههههههههههههههههههههههههههههههههههه

تصدق والله ممكن يعملوا كدا ههههههههههههه فيا .

يا استاذي الفاضل انا ميكروباص راما المصفح ده واقفين فى شارع زحمة واقف تماما ممور العربية يعنى والدنيا زحمة نيله وده بدل ما يدينى كلكس على الاقل علشان مثلا انزل انا امشيله الشارع او اشيل عربيتى واحطه مكانى كده كده مش هتحرك لان الشارع واقف بيعمل اية الحيوان بيدينى خبطة فى اكصدام العربية كده صغيرة ولما ببصله فى المرايا بيعملى بايدة علامة خلص بيلف ايده بسرعه حوالين بعضها كده اكنك بتقول لحد خلص ، ولما تبص على مناظر العيال ده مش ممكن طبعا تقدر تحتك بيهم انا مرة لقيت واحد منهم نازل يجيب سجاير من الكشك وساب الميكروباص بتاعه فى نص الشارع والله العظيم وفاتح بابه ما قفلشو حتى نازل حافى ونازل لابس الفلنه الداخلية على بنطلون كلسون ههههههههه تخيل ده بقى اية فى دماغه الكلام ده فى شبرا الخيمة ، بيبقى يوم كابوس لما بروح هناك .

[egman]

والله يا بشمهندس كل اللي أنت كتابته صحيح 100%
دا أنت كدة طمنتنى - دا أنا كنت متوقعة أني مستهدفة من سائقي السيارات
لأني لما بكون مشاية سريع على الشمال آلاقي ضفدعة ماشية وأنور للسائق نور زي ما يكون شتمته ، فأحاول أعديه من اليمين ألاقيه بصلي حتة دي بصة كأنه بيرد لي الشتيمة .
وآه من موضوع المشي على الخط - تقريباً هو فاهم أنه كدة ماشي ( على الحارة ) متحكم منها يعني مش (في الحارة ) أصل الحارة بيئة وهو أبن ناس ما بيمشيش في حارة .
وموضوع الركنات - أحب أضيف على اللي أنت قولته - لما يكون فيه مطب أو بلاعة ويكون المخرج الوحيد للعربية علشان ما تقعش في المطب واحد جميل راكن في هذا المخرج وكمان قاعد في العربية بيقرأ جرنال وسامع وشايف هبدة العربيات بسببه ، وهو لا هو هنا - أصل مركز في قرأة الجرانال آل يعني بيفهم وبيعرف يقرأ .
آيه ولا أيه ولا أيه - أنت فتحت علينا المواجع .
يلا - بالمناسبة يارب الجو يتحسن وتكون رحلتكم طيبة إن شاء الله - ونحن في إنتظار التقرير

بمانسبة كلام حضرتك عن الركنات الغريبة بتاعه الناس انا نفسي اسال الناس ازاى اتصرف لما الاقى واحد ركان ورايا وقافل عليا تماما طيب الشيء ده ما بيخطرش فى باله ان ممكن صاحب العربية ده يكون عنده ظرف بليل ولازم ينزل الفجر او بليل متاخر اوى حد تعب وفاه شغل اى حاجة انزل اعمل اية وبيكون معشقها كمان طبعا وانا بتكلم عن منطقة زي القاهرةا لجديدة الى فى ما بين كل مجموعه مساكن بارك والدنيا كلها بتبقى فاضيه !!!!!!

انا عموما مقرر فى نفسي لو ده حصلى وربنا ما يجبش حاجة وحشة انا هدور عربيتى واجيب مارشيدر واكبس بنزين على اخرها وانطر الدبرياج علشان اتلفله امل عربيته بس اكون انا خارج بدهر عربيتى واديهاله فى باب او بين البابين هو وناصيبه واخد عربيتي وامشي لو نفعت عربيتى تمشي بعد كده هههههههههه

[K_E]

علشان اي واحد بيعرف يمشي بالعربيه حرف s ويرجع تاني بياخد رخصة !!!

انا عن نفسي طلعت الرخصه بالحب وبعدين اتعلمت بس الحمد لله لحد ما اتعلمت مقتلتش حد هههههههههه

[aldesha989]

تصدق والله ممكن يعملوا كدا ههههههههههههه فيا .

يا استاذي الفاضل انا ميكروباص راما المصفح ده واقفين فى شارع زحمة واقف تماما ممور العربية يعنى والدنيا زحمة نيله وده بدل ما يدينى كلكس على الاقل علشان مثلا انزل انا امشيله الشارع او اشيل عربيتى واحطه مكانى كده كده مش هتحرك لان الشارع واقف بيعمل اية الحيوان بيدينى خبطة فى اكصدام العربية كده صغيرة ولما ببصله فى المرايا بيعملى بايدة علامة خلص بيلف ايده بسرعه حوالين بعضها كده اكنك بتقول لحد خلص ، ولما تبص على مناظر العيال ده مش ممكن طبعا تقدر تحتك بيهم انا مرة لقيت واحد منهم نازل يجيب سجاير من الكشك وساب الميكروباص بتاعه فى نص الشارع والله العظيم وفاتح بابه ما قفلشو حتى نازل حافى ونازل لابس الفلنه الداخلية على بنطلون كلسون ههههههههه تخيل ده بقى اية فى دماغه الكلام ده فى شبرا الخيمة ، بيبقى يوم كابوس لما بروح هناك .

هههههههههههههههههههههه
والله حصلت معايا سواق تاكس لقيته خبط الاكصدام من ورا نزلت قولتله انتا عبيط
قالى عمال اقولك عدى عدى عدى وانتا مش بتعدى قولتله وده يديلك الحق انك تخبط العربيه ؟
ونزلت شخط وزعيق بقى من اللى قلبك يحبه :d
انا اتجنيت بصراحه يعنى ايه علشان يقولى عدى يخبطنى
هو فاكر الاكصدام ده فى كتفى مثلآ ههههههههههههههههههههههههههه

[hossam_elwani]

عدم الوعى و قلة التعليم هم آفة هذا المجتمع

اينما تجد اللا منطق تجد قل الوعى والجهل وتدنى التعليم

[Gamal.Eid]

والله فعلا قولت كل اللى فى نفسنا انا عن نفسى متغرب بالسعودية ولما انزل مصر واقارن بزعل جدا على بلدى لان بلاد كنا سابقنها بسنين ضوئية هى دلوقتى اللى سبقت بكتير قوى عمرى ما شوفت هنا فى السعودية نقل ماشى شمال ابدا عارفين ليه لان هنا فى قانون وبيطبق على الكبير والصغير ومخالفات مرورية صح يعنى السرعة مثلا اللى بتزيد عن سرعة الطريق ب 25 كيلو تدفع 300 ريال واللى اكتر من 25 كليو تدفع 500 ريال وعقوبة قطع الاشارة 900 ريال وممكن توصل للحبس ومش ممكن تتهرب من دفعهم لانهم مرتبطين بالتاشيرات ونزولك الاجازة وحتى لو حاولت تتهرب بتتضاعف الغرامة لو عدا عليها شهر غير سيارات الشرطة السرية الموجودة بالطرق عبارة عن سيارة ملاكى عادية ماشية وسط الطرق ولو لاقت حد مخالف بتطارده وتوقفه وتحرر له مخالفة فورية بس بصراحة بيتعاملو بقمة من الاحترام يعنى حتى لو انت مخالف بيحترمك ويحرر المخالفة وكل واحد ياخد حقه
اما الغريب فى مصر واللى يضايق فعلا انك تكون فى الحارة الشمال ومستعجل وتقلب النور للى امامك وهو لا هنا كانها حارته اللى اتولد فيها ومش عايز يسيبها وبرضه موضوع الاشارة انك تكون عايز تدخل فى اى اتجاه وتعطى اشارة تلاقى اللى وراك زود السرعة عشان متعديش مش فاهم النور البرتقالى بتاع الاشارة بيستفزهم اوى فقررت انى مديش اشارة احسن واول ما اقرر انى ادخل ادخل على طول ههههههههههههه طبعا بهزر بس فعلا قلة الوعى والجهل وسهولة الحصول على رخصة القيادة وعدم وجود مخالفات رادعة كلها اسباب لما نعانيه يارب تتقدم مصر للاحسن

[AlGazar2]

طبعا الى انت قولته ده حقيقى و بيحصل و تقريبا حصلى و انا ماشى انهارده كله

الاول طالع من طريق على الاوتوستوراد مكروباص ترامكوا واقف فى اليمين فى الملف طالع من جنبه و عديت الاقيه طالع من ورايا ع اليمين عشان يدخل الملف الى بينه و بين الشارع 100 متر او اقل تقريبا و بيكسر عليا بغباء و ملوش دعوه بحاجة

واحده ست ماشيه على كوبرى بسرعه 50 او 40 فى الحارة الى فى النص و فى ملف يعنى من يمينها صعب تعدى عشان الملف و الشمال هيه حاجزاه بعربيتها

قدامها واحد ماشى فى الشمال بسرعه السلحفاه المريضه مش سلحفاه عاديه

ده طبعا غير النقل الى بياخد غرز بعربيته المقطوره ولا كانه سايق مينى كوبر و يوقع عليك طوب و رمل او المكروباص الى يوقف فى اليمين و يطلع يقفل حارتين على طريق سريع و على قائدى المركبات الى ماشيه يقفوا ع الفرامل عشان ميلبسوش فى بعض

ده غير طبعا الى ماشى فى ريس و بيقلبلك نور و انت طريقك قدام واقف اساسا و جنبك عربيات او الى يجى عكس فى وشك و مولع نوره العالى و نور الشبوره و بيقلب نور فى وشه

السواقه فى البلد دى بقت بترفع الضغط و نجيب الهم و الغم