روح التحدي للقانون - حاجة تحرق الدم

[Samir Elshahawy]

الأخوة و الاخوات الكرام / أعضاء نايل موتورز

أسعد الله أوقاتكم ...

بتشهد مصر في الاونة الاخيرة أنحدارا غير مسبوقا في الاخلاق و الخروج علي القانون بل يصل الامر في بعض الاحيان الي تحدي القانون نفسه و هذا ما سأخبركم عنه في السطور اللاحقة و لكن بالصور

الصورة الأولي



الصورة مش محتاجة توضيح .. واحد بيتحدي القانون و ماشي من غير لوحات و كاتب مكانها الرقم مشغول
- أين رجال المرور ؟؟ (ده لو فيه مرور و فيه رجالة أصلا)
- أين من يدعون و يطالبون بتطبيق القانون ؟
- أين الاعلام و الصحافة التي صدعت دماغنا بأنه لامساس بالقضاء و القضاة و رجال العدالة
مع أن اللي بيعمل كده هم رجال العدالة .. ده أن جاز أن نطلق عليهم لفظ رجال



الصورة الثانية



الصورة دي تم ألتقاطها بعد ألتقاط الصورة الاولي بدقائق معدودة علي نفس الطريق
و هذه الصورة هي تحد صارخ للقانون و لي أنا شخصيا

صاحب العربية دي شافني و أنا بأصور العربية النوبيرا لأنه كان جنبي ساعتها
و بعدها بلحظات و بينما هو يسير أمامي أخرج يده مشيرا لي بأنه أيضا مخالف للقانون و يطلب مني أن ألتقط صورته
في الاول ماكانش في دماغي لكن بعد هذا أقتربت و قمت بألتقاط صورة له

بأختصار .. بيتحدي و بيقول لي صورني أنا كمان انا مخالف اهو و ماحدش هايقدر يعمل لي حاجة
عايز بقي رد من حد في المرور علي هذا التجاوز و التحدي



الصورة الثالثة



ده بقي واحد راكن في منتصف الطريق و علي مدخل طريق أخر فرعي
قمة الاستهتار
بصراحة لولا أني خايف علي عربيتي كنت دخلت فيه و شلت له فانوس و لا رفرف


كفاية كده النهاردة
علشان الواحد كل مايفتكر الناس دي بيتحرق دمه

[ABO MALEK]

ده امر عادى .....احنا بعد الثورة اللى نفسه فى حاجة بيعملها يا سيدى الفاضل...الهمجية هى اللغة السائدة

[Kareem Fawzy]

بلد ملهاش كبير
دة كل اللى اقدر اقوله
كان يقدر حد يعمل كدة ايام مبارك
شعب مينفعش معاه الديموقراطية
لازم يتاخد باللى فى رجلك علشان يمشى الا من رحم ربى

[S O P H O S]

والله عندك حق ..

[Ahmed_Adham]

عشان احنا بلد تخاف متختشيش. واحد قالي قبل كده البلد كانت متلجمه بلجام واللجام فك وعايزه اللي يلمها باللجام تاني.

[hossam_elwani]

يبقى انت اكيد فى مصر

[salah_86]

تصدق وتامن بالله
دول اكيد صغار ضباط الشرطة والجيش والنيابة هما اللى بيعملو كدا
انا والدى عميد شرطة ولما فكرت بس انى افيم نزل بنفسة وقطعلى الفامية مع انى كنت مركبة فى الزجاج الخلفى فقط
ومدنيش مفتاح العربية الا لما حلفتلة انى مش هفيم دارك ولا حتى فى الزجاج الخلفى وركبت فامية low low light اللى هو مش راكب اصلا ومصالحنيش الا لما شاف العربية والله ابويا دا عمره ما يحب يعمل اى حاجة مخالفة ابدا وحتى لما بيسوق العربية بيربط الحزام حتى لو لابس ميرى
ملحوظة ابويا دا مرضاش ابدا انه يدخلنى لا شرطة ولا حربية وقالى حريتك بالدنيا وما فيها بتدخل الكليات دى بتبقى حد تانى الا من رحم ربى

[linkin2008]

تصدق وتامن بالله
دول اكيد صغار ضباط الشرطة والجيش والنيابة هما اللى بيعملو كدا
انا والدى عميد شرطة ولما فكرت بس انى افيم نزل بنفسة وقطعلى الفامية مع انى كنت مركبة فى الزجاج الخلفى فقط
ومدنيش مفتاح العربية الا لما حلفتلة انى مش هفيم دارك ولا حتى فى الزجاج الخلفى وركبت فامية low low light اللى هو مش راكب اصلا ومصالحنيش الا لما شاف العربية والله ابويا دا عمره ما يحب يعمل اى حاجة مخالفة ابدا وحتى لما بيسوق العربية بيربط الحزام حتى لو لابس ميرى
ملحوظة ابويا دا مرضاش ابدا انه يدخلنى لا شرطة ولا حربية وقالى حريتك بالدنيا وما فيها بتدخل الكليات دى بتبقى حد تانى الا من رحم ربى

احب اقول ليك يجب ان تكون فخورا بوالدك وهو احساس انا متاكد انه عندك لان مع الاسف والدك وامثاله اخر الرجال المحترمين ... تحية الى السيد الوالد

[mshmshm3]

عشان احنا بنحب نمشي بالكرباج
بس انت شوفت اخر عربية و هو بيركن ؟
ممكن يكون كان في موتسيكل مثلا واقف او في حاجة و اتشالت قبل ما تصور
لو انت شفته و هو بيركن يستاهل يتلطش

[Samir Elshahawy]

عشان احنا بنحب نمشي بالكرباج
بس انت شوفت اخر عربية و هو بيركن ؟
ممكن يكون كان في موتسيكل مثلا واقف او في حاجة و اتشالت قبل ما تصور
لو انت شفته و هو بيركن يستاهل يتلطش

حتي لو فيه عربية أو موتوسيكل كان راكن علي يمينه قبل كده
الاثنين غلطانيين

1- مش المفروض أن حد يركن علي ملف أو قبل ملف
2- البي أم غلطان لأنه كده راكن علي فتحة طريق فرعي يعني قافل الطريق

و لا أيه رأيك

[aly_moh]

اول صورة دى انا مصورها فى مساكن شيراتون المطار و اتلكمنا قبل كدا عن الثقافة و للاسف لا حياه لمن تنادى

http://www.nilemotors.net/Nile/330430-a.html

[salah_86]

احب اقول ليك يجب ان تكون فخورا بوالدك وهو احساس انا متاكد انه عندك لان مع الاسف والدك وامثاله اخر الرجال المحترمين ... تحية الى السيد الوالد

تسلم ياباشا والله انا فعلا فخور بيه جدا جدا وربنا يباركلى فيه ويبارك لمصر فى ناسها واهلها الطيبين