هل معارض العربيات مضمونه فى شراء المستعمل

[dr.hany]

دلوقتى الواحد مل من قلة ضمير التجار والسماسرة اللى بيشتغلوا لحسابهم واللى كمان في السوق

بس بصراحه ماجربتش اشترى من معرض ليه اسم ومكان ثابت.

فهل الناس ديه ممكن تكون مضمونه شويه عن اخونا البعدا على اساس انهم بيكونوا مجرد وسيط

بينك وبين صاحب العربية.ولو حد يعرف معرض فياريت مايبخلش علينا وشكرا

[Elawany13]

مفيش حاجه اسمها مضمونة فى مصر فى الزمن ده
حتى معارض الزيرو مش معارض المستعمل
لازم تكون عنيك فى وسط راسك

[S O P H O S]

لو حضرتك تضمن شخص متعرفوش واول مرة تتعامل معاه
يبقي في معرض مضمون ..

[golden_web_2007]

لاء مافيش طبعاًُ .. لو حضرتك تقصد بكلمة مضمون إنك تشترى و إنتا مغمض يبئا غلطان ..

المستعمل فى مصر عربيات اغلبها مهلوكة .. خد معاك ميكانيكى و سمكرى و كهربائى و محامى و انتا بتشترى ..

صدقنى بلد ليها العجب ..

[hesham ahmed]

مفيش حاجه مضمونه .. حتب لو بتشتري من دكتور و لا حتي من دكتور جامعه
اكشف كويس علي العربيه جدا... (توكيل او حد مضمون) . و اعرف كل اللي فيها و سيبك من كلام البائع .. و بالسعر المناسب
خلاص حتب لو جايبها من اكبر نصاب ,,, توكل علي الله .. طبعا بعد ما تتاكد من ورقها

[aldesha989]

اغلب المعارض بالذات بتقلب العربيه لو فيها ايه وممكن ما يقولكش على اللى فيها لانه عايز يكسب وخصوصآ فى المستعمل بيضرب سعر اولآ تانى حاجه حتى لو العربيه قاطعه مش هيقولك الا لما تكتشف بنفسك وبيبقى لاعب فى العداد ده شئ اساسى ومروق العربيه احلى حاجه علشان تتخم فى الشكل الخارجى والصالون

[hugan]

كل ماسبق

[BLOODY_STONE]

انا رأيي بلاش معارض .. احسن حاجة للمستعمل توصي صحابك و هما يبلغوا صحابهم و كده يعني ..

[حماده المصري]

مفيش حاجه اسمها معرض مضمون

اي معرض بيتاجر في اي حاجه حلو او وحش كله بياخده بسعره ولما تروحله عمره ما هيقولك على اي حاجه انها وحشه

لازم تبقى عينك في وسط راسك فعلا بس عموما ك عربيات نضيفه بشوفها الحقيقه معارض في المهندسين كتير بتبقى باينه حالات العربيات انها نضيفه وفيه برضو كزا معرض في سوق العاشر بتاع السيارات حلويين

بس المشكله الجماعيه انه كله بيضرب سعر فوق الطبيعي بكتيييييير

[Land_Cruiser]

مفيش حاجه مضمونه يا فندم سواء مستعمل او حتى زيرو

[ahmedhilmy]

لا طبعا مفيش معرض مضمون و لو مين سيدي الفاضل انت ممكن تشتري عربيه زيرو و تكون اترش جزء منها و زيرو فما بالك بمستعمل انت لو بتشتريها من جارك لازم تاكد من العربيه و ورقها و تخلي حد يشوفها و ترفعها كمان و ربنا يكرم و تلاقي حاجه كويسه بس متستعجلش الموضوع محتاج صبر

[midogeem75]

للأسف كل ما سبق صحيح!!

[midogeem75]

للأسف كل ما سبق صحيح!!!

[hossam_elwani]

مفيش حاجه اسمها مضمونة فى مصر فى الزمن ده
حتى معارض الزيرو مش معارض المستعمل
لازم تكون عنيك فى وسط راسك

+111111111111111


هو انا جبت زيرو من شويه (مع انى كنت ضد الزيرو فى شوارع مصر المحروسه) لكن تقول ايه لكمية الكدب والنصب الى ماليه البلد الالالالالا من رحم ربى ودول ماقبلتهمش

[WalidAdel]

انا بشتري من معارض علي فكره و شاري 3 عربيات مختلفه
المعرض بيخاف علي اسمه فهايجيب عحل نضيف اخره اخره اخره يلعب في عداد ولا حاجه و لو اسم المعرض تقيل تقلق منه ممكن يلبسك في عربيه يكون شاددها
بص كده كده مافيش حاجه مضمونه في البلد دي سواء معرض او توكيل او اي حد ... فاكشف علي العربيه مرتين تلاته اربعه و خدها عند حد متخصص في الموديل ده علشان يبقي عارف مداخلها ايه او ممكن يتلعب فيها فين بالظبط و لو موديل عالي 2008 او 2009 روح التوكيل شوف السجل بتاعها حتي لو لفيت عليها في توكيلات مصر كلها بكل فروعها ... عادي جدا
لازم تتأكد من ورقك اوي اوي اوي .... حقي و حقك ... انت بتدفع فلوس فلازم تكون واثق من اللي هاتدفع فيه