اعادة تشغيل مصنع شــــــــــــــــــركة (( النصر للسيارات ))

[smsm_nabawy]

بجد!! يبقى يااااا ريييييييييييت!! :(

[horas3000]

كلام جميل
بس السؤال هيعملوا فيه ايه
مهو ميجوش يجمعوا الشيروكي و الفورتشنر و الرانجلر و يقولك شغلناه

[adelmof40]

[OVERLINE]
بالرغم من غياب وذهاب الكتلة الشرقية الا انني
اريد الابتعاد عن الانتاج الشرقي اليوغسلافي ولا الشاهين الواقعه
ياريت نعمل تطوير وشراكة مع جنرال موتورز
ونخلي من الاوبل حاجات حلوة كده زي الدايو مثلا
ولا مع اليابان ونعمل الماروتي ولا السويفت هنا
ولا شراء انتاج الاكسيل ولا اكسنت هيونداي
بلاش شغل الشيروكي خلونا في حاجات
مابين ال 1100 الي 1600 CC
[/OVERLINE]

https://www.facebook.com/SyaratAlzmnAljmyl

[wahba87]

مش مهم ان القطاع العام او الدولة تنتج سيارة ممكن نعطى تسهيلات للقطاع الخاص يالتعاون مع الشركات الاجنبية على ان يكون الانتاج بخطة معينة 50 % المكون المصرى اول ثلاث سنوات ثم 70 % حتى نصل الى منتج يصنع قى مصر 100% خصوصا بعد فشل القطاع العام فى انتاج سيارة مصرية ايه الفايدة لما يبقى عندى سيارة مصرية لا تستطيع المنافسة مش عيب معظم الشركات بتستعين بشركات اخرى فى الاجزاء المتطورة مثل المحركات والدوائر الدقيقة على ان تكون المصنع فى مصر ويتكنولوجيا وادارة جودة من الشركات العالمية مثلا انشاء مصنع للمحركات بالتعاون مع متسوبيشى او هيونداى --انشاء مصنع للاطارات بالتعاون مع بيرلى او ميشيلان او هكذا يعنى ينتج للسوق المحلى ويصدر للدولة الاخرى

كلام ممتاز - يا رب يحصل

[bobbozo4b]

جامدة الصورة اللي حضرتك حاططها في الموضوع
ياااارب

+111111111
صورة معبره جدا ومعموله باحترافيه

[M.Elwan]

نفسى بدل ما يبدئو بالتجميع او التصنيع يبدئو بانشاء مركز متكامل خاص بالابحاث والتطوير لانتاج سيارة تعمل بوقود بديل عن البنزين
يعنى الشركات بره اغلب ابحاثها دلوقتى متجهة للعربيات الهايبرد كهرباء + بنزين
لان المشكلة للى بنواجهها دلوقتى هى الوقود من حيث سعره وتوافره

يعنى لو بدئنا مشروع سياره -هايبرد او كهربائية او تعمل بالوقود الحيوى او اى وقود بديل - انهارده حتى لو جودتها وسعرها ليست على المستوى المطلوب ,لكن كمان خمس سنين بالابحاث المستمرة والتطوير ممكن نكون وصلنا لمرحلة متقدمة فى تصنيع النوع ده من العربيات وحلينا ازمة كبيرة للدولة

[Land_Cruiser]

المهم بس ان الهدف يبقى اداره عجله الانتاج و إيجاد فرص عمل للشباب و تخفيض الاسعار و ما يكونش الموضوع دعايه و خلاص

[EngAhmedSayed]

عاوز يشغل خط الانتاج على 250 عاملا صعب طيب هل هيكون فى موديلات جديده و له محبوبة الشعب 128
و له اتوبيسات النصر يفكرو بنزول موديلات جديده

و هنا بيقول الخبر ان وزير الإنتاج الحربي أرسل اليوم في جلسة مجلس الشورى 9 من قيادات المصانع الحربية؛ لمناقشة ذلك حتى توصلنا إلى قرار إعادة تشغيل الشركة".

طيب دول يفهمو ايه فى العربيات لو هما فاهمين قووووى كده يبقى بدل ما يستوردو عربيات البيكاسو و له الكراز من بره
فين داكترة جامعة القاهرة فين دكاترة جامعة حلوان فى التخصص السيارات فين دكاترة الاقتصاد فين ادارة تسويق قويه علشان تشوف المستهلك عاوز ايه و فين المبتكرين الموجودين فى مصر
الجلسه دى كلها علشان 128 يرجعوها تانى الصبر من عندك يارب
الناس وصلت بره انى العربيه بتركن لوحدها و احنا هنا نفكر نرجع 128
هتقولى مجتش سيرة 128 لالالالا هى لانى دى خط الانتاج بتاعها موجود للحد دلوقتى و مفيش خطوط تانى

ربك المستعان
اتمنى اشوف عربيه مكتوب عليها
صنع فى مصر
ده احنا ايام جمال عبد الناصر و ايام السادات كن بنصنع عربيات و كنا بنصنع طيارات دى حقيقه ايام حسنى مبارك بلاش علشان الدم ميتحرقش على الصبح
مش تجميع لانى التجميع ده اى كهربائى و ميكانيكى يجمع عربيه مش قصه يعنى
و بامكانيات عالميه
ربك المستعان

[mem]

خبر رائع
ويارب دائما للافضل

[ahmed_yosef]

خبر جميل احسن من مافيا السيارات اللى فى مصر مثل غبور وامثاله تجميع زباله واسعار خياليه

[esam_ayad]

يااااااارب ونشوف عربيه مكتوب عليها Made in Egypt

[Formulator]

لأ
الأحلام أبسط من كده بكتيييييييييييييييييير؟!!
هو فيه طريقين:
- طريق الأبحاث والتطوير from scratch وده صعب جدا لأن إستثمارات بعض الشركات الكبيرة تكاد تساوى ميزانيات دول!
وكمان العائد بتاعها بيبقى بعد سنيــــــــــــــــــن طويلة؟!!

- أو طريق الـOut-sourcing والـTechnology-transfer والتجارب كتير ومتنوعة:

ممكن زى ماليزيا، يعمل براند جديد (بروتون) مبنى على هندسة متطورة (لوتس) وبمكونات proven (ميتسوبيشى)...

وممكن زى البرازيل وتركيا: إفتح الإستثمار للشركات أو جدد خطوط-الإنتاج عشان يصنعوا عندك للسوق المصرى.. ويصدروا لأفريقيا والميدل-إيست كفاية عليك!

بس دى بتبقى إرادة سياسية ياجماعة؟!!

البرازيل أكبر أسواق أمريكا اللاتينية، كل اللى عملوه انهم أجبروا الشركات اللى كانت بتصدرلهم عربيات.. انهم يصنعوا Local عندهم!

النتيجة: أكبر 3 مجموعات سيارات فـ أوروبا بيصنعوا -بالكامل- فـ البرازيل: VW وفيات وPSA بيجو-ستروين وكمان رينو!
+ GM وكرايسلر وبعض الشركات اليابانية -لو هنتكلم برا أوروبا؟!!

الكلام ده إتعمل فـ كل الصناعات -مش بس الـAutomotive.. النهاردة البرازيل الإقتصاد رقم 7 أو 8 فـ العالم IIRC

بالنسبة لفكرة تطوير الوقود: أكبر منتج للإيثانول bio-Ethanol فـ العالم هو البرازيل، وطبعا كل العربيات اللى فوق بتعملهم مواتير Eco-Flex تشتغل بالـE85؟!!

- تركيا: فيات ورينو وهيونداى وأوبل وتويوتا وهوندا وفورد وMAN بيصنعوا فـ تركيا -تصنيع كامل من أول العربيات الصغيرة لحد النقل والأوتوبيسات.

عارفين مشكلة شركة النصر دى أيه؟؟
ان النظام المفـ*ـوخ كان متعمد انه يخليها كده.. عشان التوكيلات اللى زى غبو ومنصور وأبوغالى ووو... تاكل السوق!

[Formulator]

صناعة العربيات ومكوناتها ده إقتصاد دول بحجم ألمانيا وإيطاليا وأمريكا واليابان!

مش عيب أبدا ان دولة تتفق مع شركة -ولو صغيرة- على إستثمارات فـ تصنيع عربيات؟!!

Sergio Marchione الـceo بتاع فيات-كرايزلر جروب كان بيقعد مع أوباما ولجان الكونجرس عشان ينقذوا Chrysler من الإفلاس!

- كان عاجبنى أوى التوجه الصناعى لعبد الناصر لأيطاليا وروسيا مثلا..

مجموعة زى Fiat group عندها كل حاجة تخص صناعة العربيات ومكوناتها والجرارات والأوناش والكلاركات والأتوبيسات والمطافى ووو...etc

- عندهم Teksid أكبر صانع للمعادن -automotive- فـ العالم
- و Comau أكبر صانع Robots وميكنة صناعة السيارات فـ العالم (يجدد خطوط الإنتاج)
- و Magneti Marelli من أكبر صناع المكونات (أعتقد رقم 2 عالميا بعد Bosch)
- دا غير 12-14 ماركة سيارات إيطالى وأمريكانى
- IVECO و MAN مش محتاجين تعريف!
- طبعا Magirus و Iris bus أتوبيسات وشاحنات...
- ومعدات-جرارات أوناش New-Holland و ICH و Case و Steyr...
- VM Motori أكبر صانع لمواتير الديزل فـ أوروبا

يعنى
عندهم كل حاجة فـ التاريخ -من الإبرة للصاروخ- تخص صناعة العربيات والمعدات،
ياسلاااااااااااااااام لو يدى شركة النصر دى لمجموعة زى كده.. ويشاركهم، وهما هينقلوا الـTechnology ويعملوا مراكز أبحاث وتطوير...etc

تخيل كمية فرص العمل والإنتاج اللى هتبقى فـ مصر+ التصدير؟!!!

لو حد مسئول فـ البلد دى.. والله يروحلهم ويقنعهم ييجوا مصر ويستثمروا هنا، ويعملهم كل حاجة لازمة!

هنقول أيــــــــه؟؟ حسبنا الله ونعم الوكيل فـ اللى أخرنا لورا كل ده؟!! عن عمد؟!!!

يارب

[aboomar22]

خلونا نقول ان القطاع العام مازال غير قادر على المنافسة وان العمالة فى القطاع العام غير قابلة للتطوير مازل القطاع الخاص اقدر على التعون مع شركات اجنبية وتوفير تدريب وتطوير ونظام جودة مرتفع --انا كنت شغال فى شركة منظفات عالمية وكان عندنا تطوير لخطوط الانتاج فتم الاتفاق مع شركة قطاع عام على تصنيع جزء من المنتج فى خطوطهم بالمواد الخاصة بنا وبالعمالة الخاصة بنا شفنا حجات عمالة واقفة بشبشب وبيدخن وبياكل فى منطقة تصنيع كيماويات بقوا هما يبصولنا بملابس الحماية ونظم تطبيق الجودة ويضحكوا علينا واحنا نبصلهم ونستغرب على اللى هما فيه --لكن فى الاخر منتجنا نمرة واحد فى مصر وبيتصدر لدول كتير مصنع القطاع الخاص منتج ردىء وميعرفوش غير ناس معينة

[velkouf]

مصنع النصر للسيارات تأسس عام 1960
أول شركة لصناعة السيارات في الشرق الأوسط.وكانت تصنع أول سيارة مصرية خالصة رمسيس ( لو حد فاكرها ) ثم تحول نشاط الشركة لتجميع السيارات
و الان الى اين .............؟
أسست شركة هيونداي موتورعام1967
هي أكبر شركة لصناعة السيارات في كوريا الجنوبية ورابع أكبر مصنعي السيارات في العالم يالة من عالم صغير
والله كل ما بعدى من طريق المصانع فى حلوان واشوف مصنع النصر بحس بالحزن
حسبى الله ونعم الوكيل فى كل من ساهم فى اغلاق هذا المصنع من البداية بسبب الاهمال او المصالح الشخصية