تحذير خالى بلك لما تسئل حد على مكان

[Hussein_Ramdan]

الموقف دة حصل ما ظابط صحبى
الموضوع كان رايح لوحد تقربيا يشترى منو حاجات
المهم وقف واحد فى الشارع قالو ممكن اعرف العنوان دة فين بظبط وانهى عمارة
المهم هو وصفلو عنوان وقالو اطلع الشقة رقم كذا وخبط وهتلقى الراجل الى انت عايزو
المهم الظابط دة الوضع معجبوش المهم بعد ما مشى بشوية رجع تانى ولقى الراجل بيكلم واحد بيقولو فى واحد جيلك دلوقتى ونا جاى ورة
طبعا الوضع معجبش صحبى دة ورجع
ولما سئل على العنوان تانى طلع فى ماكن تانى خالص
يعنى الراجل دة كان هيودى شقة يتثبت فيها واحتمال كمان كان يتقتل
الصراحة انا مش هعرف انصح الناس وقلهم متسئلش حد على عنوان
لكن كل الى انا اقدر اقولو خالو بالكو ياشباب البلد فى وضع زاى الزفت

[S O P H O S]

جزاك الله خيرا علي التنبيه ..

[ahmedhilmy]

شكرا للتنبيه بس صعبه شويه دي يعني الراجل واقف في الشارع مستني حد يسأله علي عنوان

[Sehsss]

جزاك الله خيرا

[hugan]

ضابط وخاف يطلع يشوف ايه الحكايه

[Hondawy_2008]

والله احنا عدينا الكل في الأخلاق السيئة بقينا البريمو

[Hussein_Ramdan]

شكرا للتنبيه بس صعبه شويه دي يعني الراجل واقف في الشارع مستني حد يسأله علي عنوان

متعرفش فى ناس واقفة فى الشارع مستنية اى مصلحة او الموضوع اصلا مكانش فى داماغو عشان كدة كلم زميلو وقالو فى واحد جيلك

[abokoko]

ضابط وخاف يطلع يشوف ايه الحكايه

هههههههههههههههههههههههههههه

[oousaoo]

جزاك الله خيرا علي التنبيه ..
__________________

[Hussein_Ramdan]

ضابط وخاف يطلع يشوف ايه الحكايه

اة ظبابط وخاف يطلع يشوف الحكاية
هو ملازم اول جيش
تانى حاجة مش معاة سلاح
تانى حاجة كل يوم ظابط يموت ومحدش بيجيب سرتو
سمعتو عن النقيب القوات الجوية الى اتقتل من كام يوم وناس بتحاول تسرق سيرتو
البلد: القبض على المتهم الثاني في قضية مقتل ضابط جيش بالإسماعيلية
وكان فى طريق عام ومعاة سلاح وضرب نار عليهم واضرب بنار فى دماغو
تقولى ظابط صغير ومش معاة سلاح هيطلع شقة فى مكان شعبى يشوف فى اية
ياريت لما نيجى تنكلم كلام منطقى
مش نرمى كلام وخلاص وواحد تانى ياخد التعليق ويضحك
انت لو اتقتل دة اخوك او ابوك او ابنك ماكنش زمانك بتضحك كدة

[hugan]

اة ظبابط وخاف يطلع يشوف الحكاية
هو ملازم اول جيش
تانى حاجة مش معاة سلاح
تانى حاجة كل يوم ظابط يموت ومحدش بيجيب سرتو
سمعتو عن النقيب القوات الجوية الى اتقتل من كام يوم وناس بتحاول تسرق سيرتو
البلد: القبض على المتهم الثاني في قضية مقتل ضابط جيش بالإسماعيلية
وكان فى طريق عام ومعاة سلاح وضرب نار عليهم واضرب بنار فى دماغو
تقولى ظابط صغير ومش معاة سلاح هيطلع شقة فى مكان شعبى يشوف فى اية
ياريت لما نيجى تنكلم كلام منطقى
مش نرمى كلام وخلاص وواحد تانى ياخد التعليق ويضحك
انت لو اتقتل دة اخوك او ابوك او ابنك ماكنش زمانك بتضحك كدة

يا باشا انا مش قصدي تريقه علي موضوعك ولا شخص صاحبك
معاذ الله
انا طبعا قراءت عن النقيب اللي انضرب النار في الاسماعيليه
انا تخيلت انه ضابط شرطه وانت ماوضحتش انه ضابط جيش
معذره ان كنت فهمت تعليقي غلط

[Hussein_Ramdan]

يا باشا انا مش قصدي تريقه علي موضوعك ولا شخص صاحبك
معاذ الله
انا طبعا قراءت عن النقيب اللي انضرب النار في الاسماعيليه
انا تخيلت انه ضابط شرطه وانت ماوضحتش انه ضابط جيش
معذره ان كنت فهمت تعليقي غلط

ياباشا حصل خير وشكرا على تصحيح موقفك
بس فعلا الموضوع دة غريب
بمعنى ان الاول الى بيرتكب جريمة لازم يكون محضر ليها والحاجات دى
دلوقتى الجريمة ممكن فى اى وقت ووممكن القتل فى اى وقت
مثلا الحالة الى انا ذكرتها
طبعا هو كل هيبعتو الشقة وكان هيتثبت وكان لو قاوم
ودة الى انا كنت متاكد منو انة كان هيقاوم عشان هو ظابط وشايف نفسو شوية
كانت النتيجة هتكون القتل

[حاتم سليم]

والله احنا عدينا الكل في الأخلاق السيئة بقينا البريمو

عقبال السوبر بريمو ...