مشكلة مع موقع كونتكت....ورقم موتور سيارة مستعملة

[saladin911]

سلام عليكم يا شباب...

انا شارى عربيتى من حوالى 6 شهور عن طريق موقغ كونتكت وهى سيارة اودى A3 موديل 2000 بالاسكندرية
باختصار صاحب السيارة اللى اشتريت منه شخص ثقة لكن للاسف تليفونى اتمسحت منه نمر كتيرة منهم نمرته...

مشكلتى ان وانا برخص الموتور لا مثبت على الرخصة ولا على الملف وبالتمحيص فهمت ان صاحب العربية نسى يدينى الافراج لانه فعلا ليها افراج "انا عارف الميكانيكى اللى هو مركب الموتور عنده"


المهم بعد محاولات كتيرة مش عارف اوصل للراجل نهائى ولا حتى من عنوان بطاقته القديم

راسلت موقع كونتكت لان العربية مميزة وخوصوا انها فى اسكندرية وقلتلهم لونها...

مفيش رد... بعد يومين رحت بعتلهم تانى "على عنوان اتصل بنا" قلتلهم ابو ايديكم العربية كذا كذا ومواصفاتها والاعلان سهل يتجاب جدا حتى لو اتمسح فالراجل مازال عضو فى كونتكت.. ولا الهوا ولا كأن فى حد بيشوف العناوين!!!
الموضوع لاى شخص فاهم فى قواعد البيانات مياخدش دقيقة للبحث وسط الاعضاء.... خصوصا ان العربية مواصفاتها مش بتعدى كل يوم يعنى مفيش 2-3 اودى فى اسكندرية على مدى السنة,.

عربية اودى سوداء اسكندرية وصاحب العربية اسمه شريف احمد احمد يسرى والإيميل بتاعه كان فيه كلمة Shifo

منتهى الذل ولا كأنى بكلم اكبر موقع فى مصر لتجارة السيارات!!!!

ياريت يا جماعة حد يساعدنى فى طريقة اكلمهم بيها الخ لانى السبل اتقفلت قدامى والعربية مركونة والحل كله فى نمرة الراجل!!!

وجزاكم الله كل خير مقدما

[hossam_elwani]

موقف لاتحسد عليه بجد ربنا معاك

[samyyousef]

حضرتك ممكن تبحث على جوجل بمواصفات الاعلان
و ياريت تطمنا اذا وصلت لحاجة

[SHNORY]

الحل الوحيد لو معرفتش تتصرف في الافراج انك تجيب موتور تاني
او تغير بلوك وتاخد افراج بالرقم الجديد وترخص العربيه
او
برقم الموتور تشوف لو الافراج وصل المرور بس دي حتدفع فيها شويه رشاوي
حسالك واحد اعرفه مستخلص في المرور ايه الحل لموقفك وارد عليك بكره باذن الله

[V!PER]

في حل بس الله اعلم هينفع ولا لأ.... هو انت اكيد كلمت صاحب العربية من موبيلك ,,, شوف الشركة اللي حضرتك بتتعامل معاها (فودافون-موبينيل-اتصالات) كلم خدمة العملاء و قول لهم يجيبولك كل الارقام اللي حضرتك اتصلت بيها في اليوم اللي حضرتك اتصلت فية بصاحب العربية. ان شاء الله ممكن تلاقي عندهم log للمكالمات بتاعتك.

[mohammedgido]

في حل بس الله اعلم هينفع ولا لأ.... هو انت اكيد كلمت صاحب العربية من موبيلك ,,, شوف الشركة اللي حضرتك بتتعامل معاها (فودافون-موبينيل-اتصالات) كلم خدمة العملاء و قول لهم يجيبولك كل الارقام اللي حضرتك اتصلت بيها في اليوم اللي حضرتك اتصلت فية بصاحب العربية. ان شاء الله ممكن تلاقي عندهم log للمكالمات بتاعتك.

هو دا الحل الامثل
حتى لو تطلب منك تروح لأقرب فرع لشركة موبايلك يكون افضل لانهم مش بيدو معلومات في التليفون

[SYD]

اسرع الحلول انك تسقط موتور بنفس كود موتورك الحالي وتستعوض ربنا في 4او5 الاف جنيه فوق ثمن العربية
وتخلي موتورك الحالي قطع غيار عندك

ربنا معاك

[dr.hazem]

لا حول ولا قوة الا بالله...
ربنا يفرج همك وييسر عليك..
وانا مع رأي الضباب من ناحية تروح لشركة المحمول وربنا ييسرها ان شاء الله....
تحياتي

Sent from my SE Arc S using Forum Runner

[Ahmed Selim]

لو فاكر اليوم اللى أشتريت فيه العربية أطلب من شركة المحمول بتاعتك فاتورة مفصلة عن شهر كذا اللى تم فيه الشراء..........بس أعتقد ان بيبقى ليهم limit بيحفظوا الفواتير على أساسه.....يعني مثلاً 6 شهور ورا.....12 شهر و هكذا.

ده الحل الأقل تكلفة.

[i_Am_Legend]

خير ان شاء الله

[A.Saad]

العربية دى فضى وبفتحة سقف ؟؟؟؟؟

[ahmedazabreno]

انا عندى نفس المشكلة روحت جبت عربية لوط من مجلس الدفاع الوطنى و عملت الافراجات ووصلتها للمرور واول ما روحت ارخص الراجل بتاع البصمة متلقاش البصمة الى فى الورق الاصلى بتاع العربية الى جاى من الدراسة اجيب البصمة الى فى الورق الاصل ازاى على شان يتابق ورق الترخيص بلبصمة الى فى الورق الاصلى لو حد عندة حل يفيدنى

[ali_333]

ممكن تتصل ب 140 لو عنده رقم ارضي تكلمه

[EngAhmedSayed]

سياتك عادى جداااااااااااااااا
روح شركة الاتصلات قلى انتا تابع ليها
قولو عاوز كشف بارقام الصادره من موبيلى عن شهر كذا
و هتخد بيان انا خطى فودافون و خطى اتصالات و كان بيبعتولى على الميل كل المكالمات الصادره من موبيلى بالتاريخ و الوقت و كام دقيقه استهلكتها و القصه
انا من راى اتجه على اى فرع
مش قصه يعنى
ربك المستعان

[Karim_Monir]

كلمني عشان اساعدك ان شاء الله
01001263030
كريم منير