لوحة شرف نايل موتورز

[gmslem]

شكرا جزيلاااا لكل اعضاء المنتدي الكرام وخاصة من جاءت اسماؤهم بالقائمة ..... و خاصة الاستاذ كريم منيررررر ...... وكل الزملاء الذين لم يرد ذكرهم في القائمة ....... و يارب مصر كلها تكون بخيررررر

[عبدالله برعى]

بامانة انا من غير نايل موتورز حاجات كتييير اوى مكنتش حعرفها سواء ميكانيكا عامة او سيارات او بيع وشراء

[ali tmam]

يا راجل يعنى ينفع متفتكرنيش ده انا آخر عضو عندكم فى المنتدى الرائع ده هقول ايه بس على العموم جزاكم الله خيرا على هذا المنتدى الرائع والمفيد ويدوم بينكم الموده وروح التعاون

[م.محمد خاطر]

الله انا طبعا متاخر كتير علي المباركة لكن فخور اني انتمي لهذا المنتدي العظيم واللي استفدت منه كتير جدا وباذن الله باذن الله يجي يوم واكون في لوحة الشرف دي اللي فخور باني عضو معاهم في نفس المنتدي الجميل المتعاون واللي كل الناس فيه اخوات واصحاب ودايما يارب من تقدم لتقدم ونلاقي لوجو المنتدي علي سطح القمر يوما ما

[MTAK]

الواحد قرأ الموضوع اكثر من مره

كل مره بيسرح في الاسماء و يفتكر موقف لفلان او رد لعلان

ثم يتنهد و يبتسم في نشوه عجيبه

الا ليت الزمان يعود يوما

[bmya]

طيب هو انا اخدت وسام يومين وسحبتوه مني تاني ليه بس ده انا غلبان وطيب وفي حالي :)) ههههههههه

[MAMDOH111]

اخي محمد ممدوح رجل الميكانيكا اللي كل بشوفلة رد بفتكر شكل الترس او البيل وكل ردودة تحسسني انه قاعد جوة كرنك او موتور كبير رغم انه في الحقيقة ابعد ما يكون عن انه يلمس زيت في شغلة الحقيقي ,محمد ممدوح صاحب اعلي رقم مشاركات في نايل موتورز على الاطلاق كلها في العربيات والمرة اللي دخل فيها الاجتماعي اتوقف ومارجعش تاني :-)

جزاك الله خيرا يا كريم باشا
على ما كتبته عن اصدقائك وأعضاء المنتدى بكل هذا الحب الأخوى
الذى ان دل فانما يدل على أخلاقك العالية وأصلك الكريم الطيب
وهذا من فضل الله عليك وأيضا لأن الحب فى الله هو من يجعل صاحبه فى ظل الله سبحانه وتعالى .
وأنا قرأت مشاركة حضرتك كلها وأنت تسرد المواقف مع أعضاء المنتدى
فتخيلت فعلا أن هؤلاء الأعضاء يستحقون أن يعيشوا فى المدينة الفاضلة جزاك الله واياهم خيرا .

ولكن الجزء الذى أقتبسه من ردك ياباشا هو الخاص بمحمد باشا ممدوح لأن وصفك عن شخصيته الكريمه هى فعلا ما كنت كثيرا أفكر فيها لأنه يمتاز بالرد ( كلمتين وبس ) بس فيهم الافاده لدرجة أننى ساعات كنت أتحاشى أن أكتب أى رد أحسن يطلع لى من شاشة الكمبيوتر ويضربنى ههههه فبحثت فى مشاركات كثيره له فوجدته انسان طيب جدا وخلوق وكريم ومن وقتها وأنا أعذره لأن الاشراف فى المنتدى له أعباءه وجهده فالكلمتين وبس مع الافاده أفضل من الضرب ههههه

وأيضا لأننى منذ أنتسابى للمنتدى من سنة 2009 لكى أتعلم من خبرات الأعضاء بفضل الله للسيارات الدايو لم أعرف وقتها فى المنتدى الا مشاركاته ومشاركات المهندس / سمير عياد و المهندس / أحمد عزت والمهندس / شريف وهبه جزاهم الله عنى خيرا فيما افيدونى به من معلومات

وأقولها بصراحة فترة 4 سنوات التى غبت فيها عن المنتدى كانت بسبب ايقاف المهندس / سمير عياد لأنه كان يقدم كل خبرته للأعضاء حبا فى الله لهم وكان شخصية كريمة وخلوق فبينى وبينك زعلت من ادارة المنتدى التى تتخلى بكل سهولة عن أعضاء مثله وكنت منتظر أن آراه هو والمهندس / أحمد عزت فى لوحة الشرف .

أرجو أالا أكون قد أطلت فى ردى وكل الشكر لله ثم لك ياباشا ولجميع من شاركوا فى رفعة منتدانا الرائع .
وتقبل منى كل تحية وتقدير

[Amr96]

أحلى منتدي
وأحلى اعضاء
للأمام

[م أحمد]

ما دام تم عمل ايقاف لعضوية الشخص ....من حقه رفع المواضيع الخاصة به