العثور علي علي 300 سيارة مسروقة بالاسكندرية

[mo7a_mo7a]

باختصار شديد في حوالي 300 سيارة مسروقة موجودة الان بمخزن الشرطة (الحضانة) بنقطة البترو كيماويات ومعظم العربيات دي لم يبلغ اصحابها بالعثور عليها
وكان عمي سيارته مسروقة ولما بلغته سال عليها هناك وقالوله مش موجودة ولكن وهو خارج قابل ضابط صاحبه ولما حكاله القصة طلب منه الضابط ميعتمدش علي كلام الامناء ويدور بنفسه وفعلا دور عليها وسط العربيات والمفاجأة انه لاقها

ارجو من كل من له سيارة مسروقة بالاسكندرية الذهاب هناك للتاكد بنفسه
لكن يجب ابلاغهم اولا لان المكان غير مفتوح للجمهور والحرس هناك بيضرب نار في المليان



صورة ارشيفية


تحياتي

[fares_311]

300 سياره !!!
ده الحراميه شايفين شغلهم بضمير

[hi_nmr]

جزاك الله خير
بس 300 سياره دول عاوزين اكبر من ملعب كرة قدم عشان يعرفو يركنوهم جمب بعض
هل الحضانه دي كبيرة اوي كده ؟ انت محتاج علي الاقل جدا 3000 متر مربع عشان تركنهم جمب بعض ومتلزقين في بعض كمان

[youssef_u]

احسن حاجة ان الشرطة بتتضرب في المليان ،،، خلينا نخلص من الحرامية

[EngAhmedSayed]

ياخى انا مستغرب
البلد دى ماشيه بدهرها اه و الله الناس الوحيده قلى شايفين شغلهم و ايه بضمير
و مفيش كسل و مجتهدين جداااااااااااااااااااا من ساعة بداية الثوارة
الحراميه
لو نخد ربع حماسهم فى الشغل هنيبقى حاجه تانيه

[S O P H O S]

فعلا وعندهم فن رهيب فكده
بستغرب من طرقهم ..

[أبو إياد]

ياعنى الخطوات علشان اوصل لهناك ايه ؟ اروح المديريه ولا قسم ايه ؟
والعنوان بالتحديد مكانه فين ؟

[Sehsss]

300 سيارة !!!!!!!!!!!

[mo7a_mo7a]

300 سياره !!!
ده الحراميه شايفين شغلهم بضمير

اوي اوي علي فكرة ربنا يستر علينا جميعاً

جزاك الله خير
بس 300 سياره دول عاوزين اكبر من ملعب كرة قدم عشان يعرفو يركنوهم جمب بعض
هل الحضانه دي كبيرة اوي كده ؟ انت محتاج علي الاقل جدا 3000 متر مربع عشان تركنهم جمب بعض ومتلزقين في بعض كمان

لا المكان كبير كفاية متقلقش وفي لسة مساحة لعربيات تانية كتيييييييييييييييييييييييير
دا انا شفت هناك تريلة بمقطورة محملة حديد الحرامية سرقوها بالحديد اللي عليها

احسن حاجة ان الشرطة بتتضرب في المليان ،،، خلينا نخلص من الحرامية

ده لان الحرامية حاولوا اكتر من مرة يسرقوا العربيات المسروقة اساساً

ياخى انا مستغرب
البلد دى ماشيه بدهرها اه و الله الناس الوحيده قلى شايفين شغلهم و ايه بضمير
و مفيش كسل و مجتهدين جداااااااااااااااااااا من ساعة بداية الثوارة
الحراميه
لو نخد ربع حماسهم فى الشغل هنيبقى حاجه تانيه

يمكن علشان فلوسهم مرتبطة بكم شغلهم ومفيش محسوبية ولا ظلم؟

فعلا وعندهم فن رهيب فكده
بستغرب من طرقهم ..

الحاجة ام الاختراع

ياعنى الخطوات علشان اوصل لهناك ايه ؟ اروح المديريه ولا قسم ايه ؟
والعنوان بالتحديد مكانه فين ؟

300 سيارة !!!!!!!!!!!

حضرتك النقطة دي تبع قسم العامرية ممكن حضرتك تروحلهم وهم يكلموا النقطة يقولولهم انك جاي

[Karim_Monir]

شكرا جزيلا للمعلومة القيمة

[Karim_Monir]

شكرا جزيلا للمعلومة القيمة

[Karim_Monir]

الموضوع عامل تفاعل قوي علي صفحتنا علي الفيس بوك
Chronik-Fotos | Facebook
لو حد اسكندراني يعرف المكان بالتفصيل يشرح للناس

[SHNORY]

عند مرور محرم بيه المكان ده
الي عاوز يروح
عند اخر الصحراوي بعد ما تعدي داونتاون وكارفور اسكندريه
بدل ما تمسك وسط الطريق علشان تطلع علي البحر
بتمسك يمين الطريق وتطلع كوبري حينزلك قدام المرور بالظبط

[Mohamed.Muslim]

عند مرور محرم بيه المكان ده
الي عاوز يروح
عند اخر الصحراوي بعد ما تعدي داونتاون وكارفور اسكندريه
بدل ما تمسك وسط الطريق علشان تطلع علي البحر
بتمسك يمين الطريق وتطلع كوبري حينزلك قدام المرور بالظبط

اللى كاتب الموضوع بيقول ان الحضانة عند نقطة البتروكيماويات اللى تبع قسم العامرية , وحضرتك بتقول عند مرور محرم بك , انتو كده توهوتونا !!!!!!!!!!!!!!!!

[SHNORY]

اللى كاتب الموضوع بيقول ان الحضانة عند نقطة البتروكيماويات اللى تبع قسم العامرية , وحضرتك بتقول عند مرور محرم بك , انتو كده توهوتونا !!!!!!!!!!!!!!!!

الحضانه اللي اعرفها عند مرور محرم بيه
واسمع ان فيه حته اسمها ارض الشرطه في نادي الصيد ودي تساع 1000 عربيه
حسال عن اللي في العامريه دي واجيبلكم اخبارها