فخ على كوبرى اكتوبر

[abono]

سلام عليكم احبائى الأعزاء أعضاء نيل موتورز:

عيزكم تخلى بالكم اوى فى حفرة كبيرة على كوبرى أكتوبر فى اتجاة المهندسين قبل طلعت محطة مصر من رمسيس بحاجة بسيطة المكان دة على الكوبرى ضلمة بليل لبستها يوم الجمعة و تنتلى الجنطين الشمال و طارة الطاسة الورانية على الرغم من انها مربوطة بأفيز بلاستيك.

خلى بالكم و ربنا يسترها معانا جميعا.

حسبى الله و نعم الوكيل

[EngAhmedSayed]

شكرا على التحذير
جزاك الله كل خير و اكثر الله من امثالك
ربك المستعان

[bmya]

ياساتر يارب انت لبست الحفره دي يااباشا احمد ربنا انها جت على قد كده ده حفره غبيه موتت وكمان الاتجاه العكسي وانترايح مدينه نصر في برده ومش حفره واحد ده كذا وحده وسايبنها كده حسيبي الله ونعم الوكيل

[lanos2004]

لا حول ولا قوة الا بالله
بلد بنت تيت
معرفش الفلوس الى بيلموها من ضرايب السيارات واتاوة المرور بوابات الصحراوى وضرايب قطع غيار السيارات بتروح فين
بيشربوا بيها سحلب
والله انا فى اقل من شهرين مغير فردتين كاوتش تمن الواحد 390 جنيه -الحمد لله انه سعر معقول-والتالته فيها بلونه ومش هاين عليا اغيرها
طب انا عاوز تعويض من المسؤال عن الطرق
دة غير الناس الى كاوتشها بينفجر فى الحفر دى وبتعمل كوارث
حسبى الله ونعم الوكيل فيكى يا حكومه

[truss]

شكرا على التنبيه

[Sehsss]

شكرا جزيلا على التنبيه

[S O P H O S]

جزاك الله خيرا ..

[CaptaiN-AhmeD]

تصدق بالله انا ظابط وال عليا ع الكل ياريت نفصل بين ان الشرطه او الجيش هما الحكومه الحكومه هي الريس وهشام قنديل وباقي الوزرا

والله العظيم قسماً بجلال الله من اسبوع ونص واانا راجع من الطريق الدولي الي بيطلعك عالصحراوي من جنب كارفور في العوده من اسكندريه للقاهره

في اوله عالشمال الي هو المفروض طريق سفر وبتاع جري كنت ماشي على 120 وبستعد للجري عشان مستعجل

اول مره ف حياتي اصلا امشي عالدولي وامسك شمال

لقيت فجأه حوالي 100 نقره وحفر غبيه لبست واحده فيهم من ال قلبك يحبهم وف Mint لقيت الجنط اتكسر والكاوتش فرقع وعينك ماتشوف الا النور كل دا حمادة

وفكرة انك في طريق سفر ويعتبر في صحرا وتنزل تغير كاوتش وتبين ان عربيتك عطلانه دا حماده تانيه خالص

تتثبت يطلعلك سماسرة الطريق الي فيه النصيب والي ربنا كاتبه هتشوفه

ف اللحظه دي قعدت بالظبط بتاع نص ساعه اتحسبت وادعي على الحكومه واقول منهم لله

الحمد لله ربنا ستر بس منتهى الاهانه والله للانسان المصري ايا كان وظيفته ايه طالما مش وزير ولا اخوان

انا عشت مع والدي في السعوديه زمان والله العظيم لو حصلك اي مشكله تتصل برقم ساخن للمرور بيجو لك في 4 دقايق بالظبط تحس انهم مستنيينك وكل اتنين كيلو بتلاقي شرطه ومرور وامر بالمعروف اما حصل معايا الموقف دا وقبل كده عربيتي نسيت افول ومشيت سافرت والعربيه قطعت بنزين عند الكيلو 120 حاجه زي كده واقرب بنزينه كان فاضل عليها عشره كيلو

اتصل ب مين ينجدني مفييييييييييييييييييييييييش

هي دي مصرررر يا سيدي

[aldesha989]

جزاك الله كل خير وقدر الله وما شاء فعل الحمد لله انها جت على قد كده معاك معلش اصل احنا بلد زباله

ومننا مش من حد الناس كلها بقت وحشه مع بعض ومع نفسها فمش هنتظر حاجه من الحكومه لانى عارف انها مش هتعمل حاجه ولا اللى بعدها ولا اللى بعد بعدها ولا اى حكومه هتعمل حاجه

اصل خلاص احنا اللى بقينا وحشين اصلآ