شوية اسئلة من تغير تريقه :(

[مصطفى عاطف]

اكيد بعتها واللى هيشتريهاهيدعيلك اوى هو لسه فى حاجه سليمه

[youssef_u]

الله يباركلك شكرآ

بهزر معاك يا باشا متاخدش الكلام على قلبك ،،، انا مبفهمش في الميكانيكا فا بهزر يعني

[aldesha989]

اكيد بعتها واللى هيشتريهاهيدعيلك اوى هو لسه فى حاجه سليمه

بعت ايه بقول لسه شاريها هو انا لحقت

بهزر معاك يا باشا متاخدش الكلام على قلبك ،،، انا مبفهمش في الميكانيكا فا بهزر يعني

وانا كمان بهزر

الله يخليك

[AlGazar2]

معرفش انى كتاوت لان فى العربيات القديمه بتبقى الكتاوت كلها شبه بعض و الى بيفرقهم الكهربائيه

شوف كهربائى محترم حد من الاعضاء مجربه و يرشحهولك

الفبره دى الى هيه بتدخل فيها المفتاح

بس انت واضح ان فى حد حاسدك على العربيه دى من ساعه ما جيبتها و هيه مبتعملش معاك غير الدنيئه

[wael30003]

علشان لسه جايبها من شهر ونص

وكل العيوب دى كانت فين

فى الاستبن ورا

ما كلنش فى حد معاك بيفهم فى العربيات

انت كده بتنتقم من نفسك

بيعها احسن بدل ما تصرف عليها

وبرده هتفضل زى ما هى

[aldesha989]

معرفش انى كتاوت لان فى العربيات القديمه بتبقى الكتاوت كلها شبه بعض و الى بيفرقهم الكهربائيه

شوف كهربائى محترم حد من الاعضاء مجربه و يرشحهولك

الفبره دى الى هيه بتدخل فيها المفتاح

بس انت واضح ان فى حد حاسدك على العربيه دى من ساعه ما جيبتها و هيه مبتعملش معاك غير الدنيئه

كمان محسود
انا اتخنقت والله حرام والله الفلوس اللى على الارض
انا اللى غبى انى ما اتمسكتش باللى كنت عايزها
سيينا او رينو كليو

[aldesha989]

وكل العيوب دى كانت فين

فى الاستبن ورا

ما كلنش فى حد معاك بيفهم فى العربيات

انت كده بتنتقم من نفسك

بيعها احسن بدل ما تصرف عليها

وبرده هتفضل زى ما هى

لا كانت فى الكوريك من قدام

واحد صحبى كشف عليها ومكيانيكى كشف عليها وماكنش ظاهر فيها كل العيوب دى
يلا حسبى الله ونعم الوكيل

ادينى هصرف على المشاكل اللى فيها وخلاص
انا البيع والشرا عندى مش بالساهل كده انا مش دافع ورق كوتشينه علشان اروح ابيعها واخسر فيها وانا لسه ما عملتش بيها حتى الفين كيلو افترى هو يعنى ولا ايه

يلا بارك الله فيما رزق وادينا هنشوف اخرتها معاها ايه

[wael30003]

ربنا يصلح حالها

[SAMEH_FOUAD]

السلام عليكم ورحمة الله وبركاتة

ازيكم يا شباب كل يوم معاكم بشوية اسئله جديده

بس من تغير تريقة الله يكرمكم :b4_007:

دلوقتى انا عندى شوية اسئله من ضمن تلاتين الف مشكلة كل يوم بكتشفها :_alshmokh11::_alshmokh11:

اول حاجه اول امبارح كنت مريح رجلى على دواسه الفرامل قبل ما ادور العربيه واول ما دورت العربيه اخدت رجلى ونزلت للنص ومش عارف دا من ايه

طبيعى ان العربية وانت دايس على بدال الفرامل وانت بتدور انك تلاقى بدال الفرامل نزل معاك ودة لان السيرفو مرتبط بفاكيوم المحرك

تانى حاجه الدواره الصبح مش حلو ممكن تدور من تانى او تالت مره ولما ادوس بنزين
واول ما العربيه تبرد تعمل كده
اسبراتير وبوبينه الكترونى ومش عارف من ايه
مغير فلاتر وبوجيهات
وشحن البطاريه والدينمو تمام

كدة الكربراتير عندك مسدود وعايز تنظيف + تجيب بوجيهات مطابقة لمواصفات المحرك ( راجع البوجيهات الموصى بيها لماتور عربيتك )

تالت حاجه عندى مشكلة اوقات لما ابطل العربيه الاقى الكونتاك لسه فاتح وساعات تفضل دايره حتى لما اشيل المفتاح وامشى بيها عادى من غير مفتاح

ومش بتتحل المشكلة دى غير لما افتح الكبوت واهز تلات فيش جنب البطاريه
وبسمع زى صوت تكه كده زى بتاعت النور لما ترعش او زى تكه الاشاره
ولما اهزها تانى الكونتاك يفتح اهزها تالت الكونتاك يقفل ونضفتهم ورشيت عليهم وجواهم اكاى وبرضه مش عارف من ايه

اول حاجة هتراجع على فبرة الكونتاكت + ان صوت التكتكة اللى بتسمعة دة , عيب من cut-out او الكتاوت فياريت تغيرها هتحل المشكلة دية كلها

مروحة السربنتينه مش شغاله

اعمل الاول قفلة لفيشة مروحة السربنتينة لو دارت يبقى فية عندك فيوز او الكتاوت بتاعتها بايظة وعايزين يتغيروا

صوت خروشه مع الاولانى

بلية الفتيس

خنقه فى السحب بسبب الكربراتير فيه بك مسدود

وهو دة اللى عاملك تأخير الدوارة صباحا , نظفة او قم بتغيرة

عزل العربيه من جوا مش حلو

شوف كاوتش الابواب غيرهم

سحب العربيه مش حلو

لما تظبط الكربراتير كل دة هيتظبط

ترصيص

افضل ترصيص للجنوط العادية هو الترصيص والعجلة راكبة فى السيارة والعجلة ب10 جنية

ظبط زوايا

انزل مركز بريدجستون عمارات العبور ممتازين ب60 جنية

وما خفى كان اعظم :_alshmokh11::_alshmokh11::_alshmokh11::_alshmokh1 1:

انا تعبت والله العظيم

اولع فيها احسن ؟

كل سؤال وتحتية اجابتة وحاجاتك كلها بسيطة ياباشا ماتقلقش , فية اعمل ماتولعش فى العربية

[aldesha989]

كل سؤال وتحتية اجابتة وحاجاتك كلها بسيطة ياباشا ماتقلقش , فية اعمل ماتولعش فى العربية

جزاك الله كل خير واكثر من امثالك :)

فبرة الكونتاك دى انا مش عارف ابص عليها ازاى

والقفله دى اعملها ازاى فى فيشه السرابنتينه

وهشوف بريج استون اللى فى سموحه فى اسكندريه

وربنا يباركلك انتا وكل اللى ساعدونى

[SAMEH_FOUAD]

جزاك الله كل خير واكثر من امثالك :)

فبرة الكونتاك دى انا مش عارف ابص عليها ازاى

دية هتفك الفبرة اللى مغطية دراعات الاشارات ( مساحات - نور ) هتلاقى ضفيرة هات اولها من عند الدركسيون هتلاقى فبرة الكونتاكت

والقفله دى اعملها ازاى فى فيشه السرابنتينه

المفروض اى قفلة بتتعمل بتجيب سلك وتقفل بية طرفين الفيشة
وهشوف بريج استون اللى فى سموحه فى اسكندريه

وربنا يباركلك انتا وكل اللى ساعدونى

ربنا يخليك ياباشا

[aldesha989]

ربنا يخليك ياباشا

ربنا يكرمك يا باشا هى القفله دى انا عملتها في مروحه الردياتير

بس في السربانتينه مختلفه علشان شغل فيش بس هجرب واقولك ان شاء الله

ربنا يباركلك ويكرمك

[shaaban2008]

طول بالك ياراجل انا والله شايفها كلها مشاكل بسيطه
ومش محتاجه مصاريف كتير
وبعدين كل المستعمل كده

[aldesha989]

طول بالك ياراجل انا والله شايفها كلها مشاكل بسيطه
ومش محتاجه مصاريف كتير
وبعدين كل المستعمل كده

الله يكرمك

انا عارف والله انها مشاكل عاديه بس علشان كابسه عليا مره واحده فمزعلانى

[AlGazar2]

عارف يا باشا اى عربيه مستعمله هتلاقى فيها كل ده و كل ده يتحل بمشوارين واحد لميكانيكى محترم و واحد لكهربائى محترم

لو انت من القاهره كنت وديتك لميكانيكى امين يكشفلك على العربيه و يعرفك الى فيها و يجيبلك او يوديك لكهربائى يضمنه

بس اكيد فى حد من اسكندريه يعرف ميكانيكى امين و كهربائى محترم

ممكن تسأل شنورى على الميكانيكى الى بيتعامل معاه و او حسام علوانى الميكانيكى الى كان بيتعامل معاه فى النسيان القديمه بتاعته