اعلان بيع خيالى بيجو 505 1990

[amrelsaqqa]

معلش ما قدرتش امسك نفسى لما شفت التحفة الفنية دى

[S O P H O S]

ههههههههههه
يمكن قصده من غير صفر ..

[hossamalsadik]

الكل لما الواحد يعيش يما يشووووووووووووووووووووووووووف

[hossam_elwani]

خليه يعيش الدور حبتين تلاته هههههههههههه

[zangry]

شايفين المخدرات ممكن تعمل أية :d

[aldesha989]

ده مش بيظهر بس فى ناس فعلآ فاكره ان حاجتها ممكن تتباع بسعر زى ده مع انها لو بعتها خرده مش هتجيب 7 الاف جنيه

هو ده السوق المصرى كله بيحاول يضحك على حد
انا مش بتكلم على الراجل ده لان سعره اصلآ ماحدش هيتف عليه فى التليفون
لكن فى ناس بتبيع الحاجه بزياده عن تمنها وللأسف فى ناس بتشترى

انا للأسف اشتريت العربيه بتاعتى اغلى من تمنها وللاسف رضيت واشتريت وعلى كده محتاجه شغل

يلا حسبى الله ونعم الوكيل هى دى فايدة الواحد يبقى فاهم ولا حمار

[Mostafa.Mahran]

هو السعر عبيط جدا بصراحة بس ده ميمنعش ان العربية دى محترمة جدا جدا

[amrelsaqqa]

محترمة على عينى وراسى انا كنت راكب بيجو وعارف العربيات دى كويس
بس دى نكتة مش محتاجة جدال حواليها
اللى عندهم عربية قديمة وبيفكروا التفكير ده يبقوا عالم مريضة والله !

انا كان معايا 504 اقسم بالله بعتها بـ 17 الف بس عشان كانت عاوزه طقم شنبر ووش نضافة
ما قلتش 35 و 40 زي ما كنت بشوف

[aboomar22]

الغريبة ان العربية دى الاستيشن منها بيعمل ارقام مبالغ فيها جدا مش عارف ليه يعنى الاستيشن ممكن يوصل للرقم ده لو حالتها كويسة

[amrelsaqqa]

الغريبة ان العربية دى الاستيشن منها بيعمل ارقام مبالغ فيها جدا مش عارف ليه يعنى الاستيشن ممكن يوصل للرقم ده لو حالتها كويسة

الاستيشن ممكن افهمها شوية لأنها بتستخدم في اغراض تجارية وعربيات خدمة شاقة بجد سواء اجرة او حد ينقل بيها بضاعة وكدة ، وفي نفس الوقت تقريبا مفيش بديل جديد في الحتة دى

انما السيدان العادية توصل للمبلغ ده ليه !

[RAPID]

اكيد بيهرج

[Mohamed.Ramah]

البيجو اصلا حرام :)

[Amrgamal1]

شوفت واحده لونها احمر في السوق قبل كدا كان طالب 77 قولتله دانا اجيب بي ام احسن و موديل احدث كمان
كنا بنشتري عربيه ل بابا وكان عايز 505 وفعلا جاب واحده
هو دلوقتي عايز يبيعها بـ 40 الف تقريبا
موديل 84 فابريكه كلها وفيها باور و ازاز كهربا وفتحه سقف كهربا وسنتر وانزار ضد السرقه و شويه اوبشن حلو كنت جايب بيها 170 ومصور العداد علي 160

[dolly13]

مايمكن اكتشف فيها بير بترول
وعلى فكرة الشتيمة حرام :)

[Evo]

كونتاكت معظمه كده
بالإضافه لبعض الجهله أو النصابين بالفطره اللي بيعرضوا عربياتهم ومستنيين واحد معندوش خبره كافيه يشتري وبيكونوا فاكرين إن دي شطاره مش غبن وتدليس

ومن المصادفات إنك تلاقي عربية ماشية 170 ألف كيلو واللي عارضها يكتب ''حاله شاذه'' ومطلوب 120 ألف
ونفس نوع وموديل العربيه عارضها واحد تاني بس فاهم هو بيعمل إيه ماشية 90 ألف كيلو بس مثلا ومطلوب 100 ألف وده رانج السعر الطبيعي بتاعها

أبو170 ألف كيلو و حالة شاذه ده تقريبا مش العربية اللي بتكون حاله شاذه بيكون هو اللي حاله شاذة