إعـــــــلان

Collapse

.

,
See more
See less

(๏̯͡๏) تجربتى المفصلة لنقل الملكية وتجديد رخصة تسيير السيارة وحدة مرور طنطا

Collapse
X
 
  • Filter
  • الوقت
  • Show
Clear All
new posts

  • (๏̯͡๏) تجربتى المفصلة لنقل الملكية وتجديد رخصة تسيير السيارة وحدة مرور طنطا

    [img3]http://i.imgur.com/SUAgH.png[/img3]



    فيديو تفاعلي عن إجراءات التراخيص والمستندات المطلوبة

    http://www.youtube.com/watch?v=PQjB_n1M9pA




    الرخصة بتاعت العربية هتنتهى يوم 25 الشهر القادم والرخصة لسه بإسم مالكها من ساعة ما اشتريت العربية من حوالى سنتين ونصف وماشى بالتوكيل
    وقولت ابدأ فى اجراءات نقل الملكية والفحص واللذى منه من دلوقتى علشان مبحبش اعمل حاجه وانا مضغوط
    روحت نيابة المرور وانا ركبى بتخبط فى بعض من القصص والروايات اللى بنسمعها عن المخالفات اللى بتتحط إعتباطاً على العربيات
    عمال ادعى ان ربنا ما يحوجنى للباشا وكيل النيابة
    ولا الباشا المستشار
    علشان اشيل المخالفات اللى هلاقيها أو حتى يخففها
    رغم انى والحمد لله ملتزم جدا جدا بقانون المرور وفى كل الأوقات بحترم نفسى أولاً وبحترم القانون اللى بتمنى انه يسود على الكل من أول رئيس الجمهورية الى اقل عامل فى مصر
    رغم الفوضى المرورية والإنفلات والقرف اللى شايفينه فى الشارع
    عمرى ما كسرت اشارة
    أو ركنت فى الممنوع
    أو مشيت عكسى
    أو نفضت لعسكرى مرور
    دائما رابط الحزام مهما كانت سرعتى
    مش لازق اى استيكرات أو حتى فاميه خفيف على الزجاج
    بحترم السرعة المقررة ومش بكسرها
    ياعنى بحاول اقترب من الإلتزام واكيد ليا اخطائى والكمال لله وحده
    بس رغم كل ده قلقان من الفساد وخايف ألاقى مخالفات
    وكله بيقولى اكيد هتلاقى على الأقل 500 - 600 جنيه مخالفات
    وده امر مفروغ منه
    قولت فى بالى يادى الخيبه ياعنى الملتزم فى الآخر هيتساوى بالمستهتر وغير الملتزم
    روحت النهاردة الصبح 25-2-2013 نيابة المرور وطلبت شهادة مخالفات
    والحمد لله بفضل الله لقيتها لايوجد مخالفات



    وطلعت على الشهر العقارى بعت العربية لنفسى بالتوكيل
    ودفعت رسوم 640 جنيه
    طبعا حسب موديل العربية وسعة المحرك
    العربية شاهين 1400 سى سى موديل 2004

    وطلعت على المرور اخدت أورنيك فحص وورقة لشهادة صلاحية طفاية الحريق

    وروحت شركة بافاريا اخد منى الطفاية القديمة واشتريت طفاية جديده 1 كجم بخصم 20% ودفعت 111 جنيه
    ياترى كده كويس ولا اضحك عليا ؟
    مع العلم انى كنت حاولت املاها قالولى النوع ده مستورد ومش بينفع يتملى

    وان شاء الله هروح افحص يوم الأربعاء القادم

    ياريت لو حد عنده اى نصائح بخصوص الفحص الفنى واجراءات المرور الباقية


    ودعواتكم علشان ربنا ييسر الأمور وكل حاجه تخلص على خير ان شاء الله



    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

  • #2
    أنا بصراحة عمري ما شوفت مخالفات أعتباطية .... و الله أعلم .

    و بصراحة مفيش أحسن من الألتزام .... و أنا زيك على فكرة .
    ملتزم الحمد لله .

    [img2]http://i59.tinypic.com/2vxpukz.jpg[/img2]

    Comment


    • #3
      نسيت أقولك مبروك نقل الملكية و التجديد ... ربنا يسترها عليكم و علينا .
      [img2]http://i59.tinypic.com/2vxpukz.jpg[/img2]

      Comment


      • #4
        مبروك لنقل الملكية بس سؤالي
        هو لازم الطفاية تكون مليانة وانت بتجدد ؟

        [OVERLINE][B]miceg =Khaled Fouly[/B][/OVERLINE]

        [mshosh4]http://imageshack.com/a/img812/1576/pujz.jpg[/mshosh4]

        Comment


        • #5
          مبرووووووك من الاعماق والى الامام وبالتوفيق يارب
          وعقبالي انا كمان عندي تجديد وفحص الشهر الجاي


          دعواتكم
          [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
          [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

          Comment


          • #6
            مبروووووك نقل الملكية

            Comment


            • #7
              المشاركة الأصلية كتبت بواسطة tutankhamoun مشاهدة المشاركة
              أنا بصراحة عمري ما شوفت مخالفات أعتباطية .... و الله أعلم .

              و بصراحة مفيش أحسن من الألتزام .... و أنا زيك على فكرة .
              ملتزم الحمد لله .



              المشاركة الأصلية كتبت بواسطة tutankhamoun مشاهدة المشاركة
              نسيت أقولك مبروك نقل الملكية و التجديد ... ربنا يسترها عليكم و علينا .
              الله يبارك فيك
              زادك الله إلتزاما
              وربنا يباركلك ويستر طريقنا وطريقك ويكفينا شر أولاد الحرام

              الأخطاء ورادة اكيد ... والعسكرى اللى بياخد النمرة ممكن يغلط.... ولما ياخد نمرة واحد مخالف يغلط فى رقم ولا حاجه وواحد تانى يلبسها
              عندك ناس معدومة الضمير بيلعبوا فى نمر العربية بيزيلوا رقم أو يضيفوا رقم ويلبسوا مخالفاتهم لناس تانية
              ممكن امين شرطة ولا عسكرى يفهم موقف غلط وينتقم ويلبس مخالفات بدون داعى
              والله اعلم
              [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

              [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

              Comment


              • #8
                المشاركة الأصلية كتبت بواسطة miceg مشاهدة المشاركة
                مبروك لنقل الملكية بس سؤالي
                هو لازم الطفاية تكون مليانة وانت بتجدد ؟

                الله يبارك فيك
                الصح أكيد طبعا لازم تكون مليانة
                ولازم يكون تاريخ صلاحيتها سارى

                اللى اشتريتها لسه انتاج 2013 وصلاحيتها 10 سنوات

                طبعا انت فى مصر
                وكل حاجه ممكن تخلص بالرشوة وبالكوسة
                وتعدى بطفاية حريق غير صالحة

                بس خد بالك ان طفاية الحريق وسيلة امان ليك انت قبل ما تكون بند من بنود القانون علشان تفحص
                ممكن تكون سبب
                للحفاظ على حياة بنى آدم لاتقدر بثمن
                أو تكون سبب للحفاظ على عربيتك اللى دافع فيها آلاف من حريق لاقدر الله
                [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                Comment


                • #9
                  المشاركة الأصلية كتبت بواسطة sehsss مشاهدة المشاركة
                  مبروووووك نقل الملكية
                  الله يبارك فيك ياباشا
                  [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                  [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                  Comment


                  • #10
                    يا اخونا محدش عنده اى معلومات أو نصائح عن اللى المفروض يتعمل فى المرور بعد كده

                    بالنسبة لشركات التأمين اللى فى المرور واقفين عمالين ينادوا على الزباين
                    اختار مين ؟
                    مين افضلهم ؟
                    هل فيه فروق فى الأسعار بين الشركات ولا كله زى بعضه ؟
                    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                    Comment


                    • #11
                      المشاركة الأصلية كتبت بواسطة elawany13 مشاهدة المشاركة
                      يا اخونا محدش عنده اى معلومات أو نصائح عن اللى المفروض يتعمل فى المرور بعد كده


                      بالنسبة لشركات التأمين اللى فى المرور واقفين عمالين ينادوا على الزباين
                      اختار مين ؟
                      مين افضلهم ؟
                      هل فيه فروق فى الأسعار بين الشركات ولا كله زى بعضه ؟

                      طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما
                      A.Hilmy

                      Comment


                      • #12
                        المشاركة الأصلية كتبت بواسطة ahmedhilmy مشاهدة المشاركة
                        طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما
                        شكرا ياباشا
                        ان شاء الله هفحص العربية وانقل الملكية فى نفس المرور ولله الحمد
                        عندنا فى الغربية فيه ناس بتجدد وتنقل ملكية بنفس النمر القديمة
                        وناس تانية بلاقيها جابت النمر الجديده
                        مش عارف الموضوع بقى اختيارى ولا كوسة ولا ايه بالضبط
                        [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                        [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                        Comment


                        • #13
                          مبروكككككك

                          Comment


                          • #14
                            الف مبروك وربنا يتممهالك على خير


                            المشاركة الأصلية كتبت بواسطة tutankhamoun مشاهدة المشاركة
                            أنا بصراحة عمري ما شوفت مخالفات أعتباطية .... و الله أعلم .

                            و بصراحة مفيش أحسن من الألتزام .... و أنا زيك على فكرة .
                            ملتزم الحمد لله .
                            طيب ياباشا أنا ولله الحمد أقدر أقول على نفسي ملتزم برضه وغير متصور إني ممكن أكسر إشارة شغالة أو واقف فيها عسكري مرور ... وأكتر حاجة غير متصورة بالنسبة لى إني أعكس اتجاه دي من أكتر الحاجات اللى بكرهها

                            ولكن في برضه حاليا عندي مخالفة سير عكس اتجاه في الأزبكية تقريبا لما كشفت عليها من على النت وكمان مخالفة تعطيل حركة المرور والإثنين بـ 1500 حسب آخر مرة كشفت فيها ... الله أعلم إيه اللى نزل تاني

                            وبرضه لما كنت بجدد الترخيص المرة اللى فاتت .. مخالفة عكس اتجاه في عابدين ... ومجموع مخالفات بـ 2000 جنيه ..

                            والاثنين سواء الأزبكية أو عابدين أنا تقريبا ممشتش فيهم بالعربية نهائيا من ساعة ما اشتريتها ... واستحالة أكون عملت فيهم مخالفات أساسا ... دا ما بعكسش في التجمع هاعكس في وسط البلد وفي أماكن لا يتصور فيها العكس أساسا حتى من بتوع الميكروباصات .. هاعكس أنا فيها



                            أحلى حاجة إن المخالفة الوحيدة اللى على طول باعملها حاليا وهي إني مش بربط الحزام ... عمري ما خدتها ولا لاقيتها في الملف
                            [CENTER][U][FONT=Courier New]D . a . \ A Y M A N[/FONT][/U][/CENTER]
                            [CENTER][U][FONT=Courier New]A . S . Y[/FONT][/U][/CENTER]

                            N.Y.S.M.A سابقاً

                            Comment


                            • #15
                              المشاركة الأصلية كتبت بواسطة ahmedhilmy مشاهدة المشاركة
                              طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما


                              على فكرة ياباشا
                              معلومة ان كل الشركات زى بعض طلعت معلومة خاطئة
                              رغم ان ده الشائع (كل الناس بيقولوا ان الشركات زى بعض)
                              لما جيت ادفع التأمين الإجبارى 3 سنوات
                              كان فيه شباب بينادوا وبيلقطوا الزباين
                              روحت للى فاضى على اساس ان كلهم نفس السعر
                              شركة تأمين اسمها نايل تكافل
                              شاف الرخصه وقولتله 3 سنوات
                              قالى يبقى 330 جنيه
                              ودفعتهم من سكات

                              لما خلصت الأوراق واتراجعت وقعدت منتظر الرخصة تتطلع حوالى ساعتين ملل رهيب
                              قعدت اتكلم مع واحد جنبى معاه نيسان صنى وقعدنا ندردش
                              ومن ضمن الكلام سألته عن سعر وثيقة التأمين فوجئت انه عملها ارخص منى بـ 20 جنيه
                              وثيقة التأمين كانت تبع مصر للتأمين بـ 310 جنيه
                              وقالى كان فيه شركة تانية بـ 308 جنيه كمان

                              الناس اللى هتجدد ابقى خدوا بالكم وسألوا فى كل كشك عن سعر 3 سنوات كام
                              وانتوا أولى بالفرق
                              [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                              [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                              Comment

                              Working...
                              X