بيضوحباطي على الطريق ! صرخة الى سائقي الطرق اللي كانت سريعة

[تامر.محمد]

يعني قصدك ان اللي ملتزم بالسرعة القانونية 90 ك عالمحور وماسك الحارة السريعة يعتبر

بيضوحباطي لان في الاسرع منه المخالفين للقانون وهو مش عاوز يوسعلهم صح؟؟؟؟؟؟؟

هممم , انا مش عايز ادخل الموقف في حكم على اشخاص و عايز الموضوع مركز على الأفعال بس , لكن للصراحة , ايوة , اللي ماشي 90 في الحارة الشمال و فيه حد وراه عايز يعدي و هو مش بيعديه بيضوحباطي , هو مالوش دعوة فلان مخالف القانون ولا مش مخالف , المخالف هنا ما بيضروش في حاجة , و هو يقدر يمشي بنفس سرعته دي في اي حارة تانية عادي جدا, اما مخالف القانون فطائره في عنقه , و ممكن تكون له اسبابه , و مش بيضر حد في الموقف ده , و بالعكس انه يعدي فيه استفادة لكل الناس , الا للبيضوحباطي اللي عايز يريح دماغه و يمشي جنب الاسفلت او يبقى الطريق قدامه فاضي خالص و اللي وراه بقى مش مهم , مش كده و بس , ده بيخلي باقي الناس يتعرضوا لخطورة الغرز اللي بياخدها اللي بيجروا لانه مش فاتح الطريق

عارف يا أستاذ تامر بيعملوا أيه في اللي بيعمل غرزة في أنجلترا

1 - سحب الرخصة
2- غرامة 50 ألف جنيه أسترليني .
3- سجن (بس مش فاكر كام سنة )

و ده جزاء حاجة أسمها (قيادة خطر تعرض حياة الغير للخطر و الموت و تؤثر على أمان الطريق )

معلش مش معنى أننا متعودين على الكشري هنا يبقى سواقة الكشري صح !


[/color]

انا ما قلتش ان الغرز صح خالص , انا اللي قلته ان قفلة الطريق على الفاضي , و اكرر .. على الفاضي , هي السبب المباشر ان فيه ناس بتعمل غرز
الأسلم للجميع هو فتح الحارة الشمال طالما كده كده اللي ماشي ماشي على مهله

[محمود90]

لا ياباشا مختلف معاك في الرأي تماما

اللي ماشي قانوني في الحارة السريعة هو الصح

اللي عاوز يمشي اسرع يشوف طريقة يسلك بيها نفسه لانه مخالف وغلطان وبياخد حق مش حقه

لان الحارة السريعة قانونيا 90 يبقى اللي ماشي اكتر من 90 غلطان وكمان المفروض يكون خجلان

انه بيخالف القانون مش يجاهر بغلطه وعاوز يعمل طريق سريع لنفسه مش موجود قانونا

ليه؟
لان السريع ده لو فضيناله حارة مخصوص حيبقى خطر على بقية العربيات
لو حصل حاجة في عربيته ولا اختل توازن عجلة القيادة منه

يبقى المفروض منقولهوش انت صح وحنفضيلك حارة ليك
لانه صاروخ مؤقت ممكن ينفجر في العربيات اللي حواليه لاقدر الله

[dr.hazem]

انا لا ادعو الى السرعه ولا ابرر للمسرع الغلط ولكن من حق اي حد شفته فمرايتي وهو اسرع مني ومعايا مجال اوسعله حقه عليا اني اوسعله وحقي عليه انه ميدجبرنيش امشي بسرعته ويستحملني لحد اما اوسعله....
وولا باخدها على نفسي ولا بتضايق ولا حاجه بالعكس ارحب بيه وبوسعله فورا

كل واحد يحسبها زي مهوا شايف ولو كل واحد شايف انه هيمشي بالسرعه القانونيه ومش هيوسع لحد بكرر محدش هيتاخد مخالفات سرعه ومش هنحتاج رادرات وياريت محدش منا يمثل القانون....

انت مش عايز تسرع متسرعش بس اعطي الطريق حقه ولو الواحد خايف ان الشخص المسرع يفقد توازنه وهو فحارته يبقى من باب اولى يخاف على نفسه وهو بيظطر نفس المسرع انه ياخدد غرزة من جنبه!!!!
ولو الواحد خايف قوي امشي بعيد تماما عنه وخليه يسبقك يمكن تلاقيه مقلوب وتفرح فيه!!!!!


تحياتي

[محمود90]

انا لا ادعو الى السرعه ولا ابرر للمسرع الغلط ولكن من حق اي حد شفته فمرايتي وهو اسرع مني ومعايا مجال اوسعله حقه عليا اني اوسعله وحقي عليه انه ميدجبرنيش امشي بسرعته ويستحملني لحد اما اوسعله....
وولا باخدها على نفسي ولا بتضايق ولا حاجه بالعكس ارحب بيه وبوسعله فورا

كل واحد يحسبها زي مهوا شايف ولو كل واحد شايف انه هيمشي بالسرعه القانونيه ومش هيوسع لحد بكرر محدش هيتاخد مخالفات سرعه ومش هنحتاج رادرات وياريت محدش منا يمثل القانون....

انت مش عايز تسرع متسرعش بس اعطي الطريق حقه ولو الواحد خايف ان الشخص المسرع يفقد توازنه وهو فحارته يبقى من باب اولى يخاف على نفسه وهو بيظطر نفس المسرع انه ياخدد غرزة من جنبه!!!!
ولو الواحد خايف قوي امشي بعيد تماما عنه وخليه يسبقك يمكن تلاقيه مقلوب وتفرح فيه!!!!!


تحياتي

ماهو اللي ملتزم بالقانون وماشي على 90 بالفعل اعطى للطريقة حقه وعمل اللي عليه

واللي مخالف للقانون وماشي فوق ال 90 لما ياخد غرز ويخوف الناس لو خبط في حد

ولا موت حد اللوم كله عليه لانه مخالف للقانون ويتحمل غلطه اكيد

انما اللي ماشي على ال 90 لاغبار عليه ابدااااااااااااا الحق معاه

اللي عاوز يخالف القانون ويغرز ويغلط يبقى يغلط بعيد
عن الملتزمين بالقانون وميضرهمش

[tutankhamoun]

انا لا ادعو الى السرعه ولا ابرر للمسرع الغلط

+11111
ولكن من حق اي حد شفته فمرايتي وهو اسرع مني ومعايا مجال اوسعله حقه عليا اني اوسعله وحقي عليه انه ميدجبرنيش امشي بسرعته ويستحملني لحد اما اوسعله....

عرفياُ ما بين السواقين .... موجودة ما بين السواقين .
إنما قانونا .......... مفيش حاجة أسمها كدا ....... و بالتالي يبقى أستخدام كلمة من حقه أني أوسعله .... مش صحيحه .
أحنا بنوسع لبعض ذوقيا و لكن مش بقوة القانون .

وولا باخدها على نفسي ولا بتضايق ولا حاجه بالعكس ارحب بيه وبوسعله فورا

كل واحد يحسبها زي مهوا شايف ولو كل واحد شايف انه هيمشي بالسرعه القانونيه ومش هيوسع لحد بكرر محدش هيتاخد مخالفات سرعه ومش هنحتاج رادرات وياريت محدش منا يمثل القانون....

محدش بيمثل القانون .... هو مين قال كدا (انا عارف الرد مكنش لي )
اللي ملتزم في مصر (في السواقة ) مظلوم ما بين المفاهيم الغلط و قلة الذوق اللي بتحصل على الطريق من أغلب السواقين خصوصا اللي مستعجلين (و المشكلة أن الشعب 99 % مستعجل ) !!
يبقى أنا لما ألتزم بالقانون ......... أبقى بحاول أنفذه على غيري بالعافية ؟؟؟


انت مش عايز تسرع متسرعش بس اعطي الطريق حقه

أعتقد حق الطريق هو اتباع قانون المرور و الألتزام بالسرعة الرسمية المقررة من الحكومة
ولو الواحد خايف ان الشخص المسرع يفقد توازنه وهو فحارته يبقى من باب اولى يخاف على نفسه وهو بيظطر نفس المسرع انه ياخدد غرزة من جنبه!!!!
ولو الواحد خايف قوي امشي بعيد تماما عنه وخليه يسبقك يمكن تلاقيه مقلوب وتفرح فيه!!!!!


تحياتي

المشكلة يا أخواني

أن التعود على الغلط بيخلي الناس تفتكر انه صح .

تصدق بالله ............ أنا عمري ما واحد تخطاني و انا بسوق في أنجلترا
هنا في مصر
طوب الأرض بيتخطاني .........

و الله العظيم السواقة بنظام و سرعات مُحددة و بدون أستثناءات لحد ....... شئ مفيد للكل ...
و عمري ما شوفت حادث أو عربيتين داخلين في بعض ..... أو حتى عربيات مخبوطة أو محكوكة .

البالوظة اللي أحنا عايشين فيها هنا في مصر لا تعني أن اللي بنعمله صح أو مفاهمنا عن القيادة و القانون المروري صح .

تقبل تحياتي و مروري
و أرجوا أن الخلاف في الرأي لا يفسد للود قضية

[RIDER 2050]

و برضه مفيش حاجة أسمها ... الحارة الشمال بتاعة التخطي بس .
الحارة الشمال للتخطي و هي الحارة التي يجوز فيها التخطي .......... و لكن هي للسير المنتظم العادي

و علشان كدا الطريق سرعته واحدة و مش متجزءة حسب الحارة قانونا
و لكن عرفيا ما بين الناس .
الحارة اليسرى لأقصى سرعة مسموح بها (اللي هي مثلا 90 على المحور )
و الحارات الآخرى بتكون أقل في السرعة لمن يريد الحفاظ على سرعته حتى لا يكتسب سرعة أعلى من المسموح بها و يتلقط رادار .
الله ينور يا توت
من المعجبين باراء حضرتك ع فكرة الخاصه بسلبيات السواقه ع الطرق

من المعجبين باراء حضرتك ع فكرة .الخاصه بسلبيات السواقه ع الطرق.

انا لا ادعو الى السرعه ولا ابرر للمسرع الغلط ولكن من حق اي حد شفته فمرايتي وهو اسرع مني ومعايا مجال اوسعله حقه عليا اني اوسعله وحقي عليه انه ميدجبرنيش امشي بسرعته ويستحملني لحد اما اوسعله....
وولا باخدها على نفسي ولا بتضايق ولا حاجه بالعكس ارحب بيه وبوسعله فورا

كل واحد يحسبها زي مهوا شايف ولو كل واحد شايف انه هيمشي بالسرعه القانونيه ومش هيوسع لحد بكرر محدش هيتاخد مخالفات سرعه ومش هنحتاج رادرات وياريت محدش منا يمثل القانون....

انت مش عايز تسرع متسرعش بس اعطي الطريق حقه ولو الواحد خايف ان الشخص المسرع يفقد توازنه وهو فحارته يبقى من باب اولى يخاف على نفسه وهو بيظطر نفس المسرع انه ياخدد غرزة من جنبه!!!!
ولو الواحد خايف قوي امشي بعيد تماما عنه وخليه يسبقك يمكن تلاقيه مقلوب وتفرح فيه!!!!!


تحياتي

ايون يا دكتور هيا النقطه الى عايز اقلها لحضرتك ان واحد ماشى ع 200 وانا ع 90 ع سبيل المثال هو بطبيعه الحال عايزنى انجز عشان يفضل محتفظ بسرعته او اقل بحاجة بسيطه وبالتالى بردو استعجاله ممكن ياثر عليا انا وانا بغيرله الحارة او يدى فلاشرات كتير يعمينى وهو لازق فيا
يعنى استاذ تامر محمد اتكلم عن الضرر والخطر الخاص باللى سرعته عليا بس برضو ف برضو الخطر الخاص بيا انا لما واحد يستعجلنى اغير حارة او ازيد سرعتى

[tutankhamoun]

أستاذ رايدر 2050 .. شاكر جدا يا فندم على الكلام الجميل .

كلام الأستاذ تامر ينطبق كليا وصفا و تفصيلا على واحد لاصق في الشمال و هو ماشي مثلا بسرعة 60 على طريق سرعته 90 و المفروض أنه يمسك أقصى اليمين .
إنما الألتزام بسرعة الطر يق الرسمية قانونا ليس عليه جدال .

شكرا لمداخلتك . و بارك الله فيك و في كل الأخوة المشاركون في الموضوع بغض النظر عن أختلاف الآراء .

[تامر.محمد]

لا ياباشا مختلف معاك في الرأي تماما
اللي ماشي قانوني في الحارة السريعة هو الصح
اللي عاوز يمشي اسرع يشوف طريقة يسلك بيها نفسه لانه مخالف وغلطان وبياخد حق مش حقه
لان الحارة السريعة قانونيا 90 يبقى اللي ماشي اكتر من 90 غلطان وكمان المفروض يكون خجلان
انه بيخالف القانون مش يجاهر بغلطه وعاوز يعمل طريق سريع لنفسه مش موجود قانونا
ليه؟
لان السريع ده لو فضيناله حارة مخصوص حيبقى خطر على بقية العربيات
لو حصل حاجة في عربيته ولا اختل توازن عجلة القيادة منه
يبقى المفروض منقولهوش انت صح وحنفضيلك حارة ليك
لانه صاروخ مؤقت ممكن ينفجر في العربيات اللي حواليه لاقدر الله

هاقول لك حاجة بالهداوة كده
هل خطورة فتح حارة من الطريق مش هاتضر حد في حاجة , و اكرر , مش هاتضر حد في حاجة , اكبر
ولا خطورة ان اللي بيجري سواء على 95 او على 170 ياخد غرز بين العربيات ؟
انهي فيه احتمال حادثة اكبر ؟ حارة مفتوحة و خط مستقيم ؟ ولا غرز ؟
انهي اريح لكل الناس اللي ماشيين ؟
لما يبقى اللي ماشيين على مهلهم مع بعض ؟
ولا يبقى في وسطهم ناس بتاخد غرز يمين و شمال ؟

بالنسبة لمخالفة القانون , ايه رأيك نمشي 60 كحد اقصى في الاتوستراد و صلاح سالم (الحتت الفاضية) و محور الشهيد و الna و طريق السويس قبل الدائري و اللي عايز يعدي ال60 ما نعديهوش ؟

مش هاقول لك من حق اللي عايز يجري انه يجري , لكن لو ماشي 90 و واحد عايز يتخطاك و انتوا في الحارة الشمال ده حقه فعلا طالما فيه مجال , و عشان كده تفضية الحارة الشمال احسن للجميع ولا لأ ؟
ماحدش هايكبس ورا التاني عشان يعديه لأن عنده الحارة الشمال مفتوحة
مش هتلاقي حد بياخد غرزة لا من وراك ولا من قدامك
كل ده اريح لدماغ اللي سايق براحته
و بيقلل احتمالات الحوادث جدااااااااااااااا
و اللي عايز يجري هايجري براحته و مش هايعمل كل الشقلباظات دي
و المستعجل هايوصل مشواره اسرع
و عربية الاسعاف ولا الشرطة ولا المطافي هاتجري براحتها

[D . a .\ AYMAN]

بصراحة أنا محتار بين الرأيين

رأي الأستاذ توت .... وهو الأقرب الى تطبيق القواعد القانونية الصحيحة .... دون جدال

وبين رأي الدكتور حازم الذي يحاول تطبيق الأمر بصورة فعلية على ارض الواقع البعيد عن المثالية حتى في أكثر المجتمعات التزاما


والحيرة فيما يلي


هل عندما يكون هناك شخص مخالف للسرعة وقرر إن يسير بسرعة أعلى من القانونية هل من حقه المرور من الحارة اليسرى على إطلاق الأمر .. على فرض أن بها من يسير أمامه وملتزم بالسرعة القانونية ... أم يسلك أي طريق مفتوح أمامه سواء من اليمين أو اليسار خالقا فوضى أكبر في نهر الطريق

إذا سلمنا بأن السائر على اليسار بالسرعة القصوى من حقه ألا تتخطاه أية سيارة أخرى وهو الأمر المعمول به في معظم الدول الغربية ... فإن كان هناك من قرر مخالفة حد السرعة ووجد أمامه من يسير في الحارة اليسرى بالسرعة القانونية ولم يمتثل بالتحرك لليمين ليمكنه من التخطي فسيتخطاه من اليمين ثم اليسار ثم اليمين مرة أخرى وهكذا فهو يخلق فوضى أكبر في الطريق

ولكن عزاء هذه الدول في التطبيق الصارم لهذا الأمر هو في قلة المخالفين لحد السرعة من الأساس فكما قال أخي توت ... لم يتخطاة طوال قيادته في بريطانيا أحد ...


...........


على الوجه الآخر تجد بعض دول الخليج يكون التخطي من اليمين أخطر عندهم من كسر حد السرعة ... لذلك لا تجد من يتخطى من اليمين نهائيا وقلما تجد فوضى في نهر الطريق برغم كثرة القائدين بالمخالفة لحد السرعة ... وهذا هو الأوقع في التطبيق الفعلي

ولكن هناك نقطة غائبة عنا جميعا ... وهي أن ما يتم تطبيقه في دول الخليج لا يمكن عمليا تطبيقه في أي دولة أخرى في العالم ... إذ أن طرقات دول الخليج واتساعها الهائل واسلوب تخطيطها الرائع يسمح بهذا من الأساس ... وقد يكون هذا هو سبب تساهلم في مخالفة حد السرعة ... وبالمناسبة فهو الأمر نفسه الذي يحدث في العديد من الولايات الأمريكية ... ولكن لا يمكن القياس عليه بأي حال من الأحوال

ولا يمكن تطبيقه في مصر والتي لا تختلف طرقها واتساعها عن طرق دولة مثل بريطانيا بل هي أسوأ بعدة مراحل ... مما يدعوا إلى تطبيق القانون على نحو أكثر حزما


.................


... وفي النهاية لا يصح إلا الصحيح ... فلا يجوز التخطي من اليمين وكذلك لا يجوز كسر السرعة ... ومن يرتكب مخالفة كسر السرعة ليس من حقه إجبار قائد المركبة التي أمامه على إفساح الطريق له ... هذا هو لب تطبيق القاعدة القانونية ... وإذا اقترن كسر حد السرعة بالمناورة بين السيارات يمينا ويسارا يكون ارتكب المخالف مخالفة أخرى وهي القيادة الخطرة وتعريض حياة المواطنين للخطر


ومن ناحية التطبيق الفعلي فمن يرى أية مطاردة فعلية حقيقية أو حتى تصويرية على شاشات السينما بين سيارات الشرطة مثلا أو حتى بين المخالفين وبعضهم البعض تجدهم دائما ما يناورن يمينا ويسارا بين السيارات السائرة على الطريق ولا يكلف أي من قائدي السيارات السائرة في الطريق نفسه بإفساح الطريق لهم

[تامر.محمد]

متفق تماما يا دكتور ايمن ماعدا في النقطة دي بحكم التطبيق الفعلي

... وفي النهاية لا يصح إلا الصحيح ... فلا يجوز التخطي من اليمين وكذلك لا يجوز كسر السرعة ... ومن يرتكب مخالفة كسر السرعة ليس من حقه إجبار قائد المركبة التي أمامه على إفساح الطريق له ... هذا هو لب تطبيق القاعدة القانونية ... وإذا اقترن كسر حد السرعة بالمناورة بين السيارات يمينا ويسارا يكون ارتكب المخالف مخالفة أخرى وهي القيادة الخطرة وتعريض حياة المواطنين للخطر


ومن ناحية التطبيق الفعلي فمن يرى أية مطاردة فعلية حقيقية أو حتى تصويرية على شاشات السينما بين سيارات الشرطة مثلا أو حتى بين المخالفين وبعضهم البعض تجدهم دائما ما يناورن يمينا ويسارا بين السيارات السائرة على الطريق ولا يكلف أي من قائدي السيارات السائرة في الطريق نفسه بإفساح الطريق لهم

مش هاقول من حقه اجبار , بس حقه يتوسع له , او مش يتوسع له , مفروض ماحدش يخش الحارة الشمال الا لو بيتخطى غيره من الاصل

اما بالنسبة للمطاردة , فبصراحة كده بتبقى النتيجة في الآخر ايه ؟ هههههههههههههههههههههههههه

[dr.hazem]

ماهو اللي ملتزم بالقانون وماشي على 90 بالفعل اعطى للطريقة حقه وعمل اللي عليه

واللي مخالف للقانون وماشي فوق ال 90 لما ياخد غرز ويخوف الناس لو خبط في حد

ولا موت حد اللوم كله عليه لانه مخالف للقانون ويتحمل غلطه اكيد

انما اللي ماشي على ال 90 لاغبار عليه ابدااااااااااااا الحق معاه

اللي عاوز يخالف القانون ويغرز ويغلط يبقى يغلط بعيد
عن الملتزمين بالقانون وميضرهمش

ليه دايما بتفترض ان في حد مخالف للقانون؟؟
انا بتكلم كصواقه بشكل عام مش على مصر تحديدا...
يعني هنا عربية الإسعاف ولا المطافي هتمشي بطئ؟؟
مصر حاله خاصة وعن نفسي لا في مصر ولا في الاردن ولا في السعودية بتعدى السرعه القانونية وفي الواقع بسبب رادع مادي كبير ولدواعي الامان بالترتيب...
هههههههه
لكن بكلمك عن اللي بعمله واللي شايفه صح...
وعايز اقولك انه ياما ناس فتحت فعيني النور رتشوح ومعبرهمش لان بيكون يميني مقفول ومش فاهم اعمله ايه اطير مثلا وولا ايه والاكيد اني مش هزود سرعتي عشان خاطر واحد كده...

إنما لما بلمح واحد مسرع فورا بفتحله المجال طالما الطريق يسمح...

عارف..
من كتر مالكلام سهل قوي...
لما كنت فمصر كنت اجي افتح المجال الاقيه بياخد غرزه وجي يتجاوزني من يميني!!
كل ده لأننا اتعودنا ان اللي عالشمال ده مش هيوسعلي....


تحياتي

Sent from my SE Arc S using Forum Runner

[dr.hazem]

المشكلة يا أخواني

أن التعود على الغلط بيخلي الناس تفتكر انه صح .

تصدق بالله ............ أنا عمري ما واحد تخطاني و انا بسوق في أنجلترا
هنا في مصر
طوب الأرض بيتخطاني .........

و الله العظيم السواقة بنظام و سرعات مُحددة و بدون أستثناءات لحد ....... شئ مفيد للكل ...
و عمري ما شوفت حادث أو عربيتين داخلين في بعض ..... أو حتى عربيات مخبوطة أو محكوكة .

البالوظة اللي أحنا عايشين فيها هنا في مصر لا تعني أن اللي بنعمله صح أو مفاهمنا عن القيادة و القانون المروري صح .

تقبل تحياتي و مروري
و أرجوا أن الخلاف في الرأي لا يفسد للود قضية

ياغالي انا ونت متفقين في نمط القيادة ولكن اختلافنا في جزئية صغننه خالص.. وهي نقطة هل حقه أوسعله ولا لا...
بالنسبالي اللي يفرضه العرف يبقى حق...
انا واحد من الناس اتعودت ان المرور والإشارات كلها ضوئية...
لما جيت مصر منساش قطعت اشاره لان الإشارة فتحت ومشفتش العسكري اللي قافلها!!
في الدول المحدودة اللي سافرتها مبيقفش العسكري الا لو الاشاره فيها مشكله وساعتها الإشارة بتبقى فلاشر اصفر...
ففي رأيي العرف بيفرض نفسه...
واكيد الخلاف لا يفسد للود قضيه ياغالي...

احب ااكد تاني على ان السرعه الزائده هي السبب الرئيسي في حوادث السيارات...
وفي نقطه موضحتهاش...
انا كل كلامي عن اللي ملتزم بسرعة الطريق وحد عايز يتخطاه.. اما اللي بيمشي بسرعة السلحفاة على طريق سرعته 90 وواخد أقصى الشمال وفرحان بنفسه قوييييي ده ربنا ينتقم منه على الزحمه المفتعله اللي بيخلقها وراه....
تحياتي

Sent from my SE Arc S using Forum Runner

[محمود90]

يعني انا مثلا ماشي عال 90 لقيت واحد سريع قمت داخل عاليمين عشان اعديه تمام؟
رجعت انا تاني عالشمال وماشي عال 90 قام واحد جاي برضة سريع دخلت يمين تاني

يبقى اريح نفوخي وممشيش اصلا في الشمال .يبقى الحارة الشمال للي ماشي فوق ال 100

يعني كده الطريق بدل 4 حارات مثلا اصبحو 3 فقط عشان خاطر نريح اللي بيخالفو القانون ويعرضو عربيات وحياة الناس للخطر ونضيق الطريق على الملتزمين بالقانون عشان خاطر نريح المخالفين للقانون

ليه نتعبهم ونخليهم يغرزو او يلبسو في عربية ولا عمود نور

احنا نضيق الطريق ونيجي على نفسنا عشانهم

[dr.hazem]

يعني انا مثلا ماشي عال 90 لقيت واحد سريع قمت داخل عاليمين عشان اعديه تمام؟
رجعت انا تاني عالشمال وماشي عال 90 قام واحد جاي برضة سريع دخلت يمين تاني

يبقى اريح نفوخي وممشيش اصلا في الشمال .يبقى الحارة الشمال للي ماشي فوق ال 100

يعني كده الطريق بدل 4 حارات مثلا اصبحو 3 فقط عشان خاطر نريح اللي بيخالفو القانون ويعرضو عربيات وحياة الناس للخطر

وهو ده معنى انك تبعد عن الشر وتغنيله:-)

تحياتي

Sent from my SE Arc S using Forum Runner

[تامر.محمد]

يعني انا مثلا ماشي عال 90 لقيت واحد سريع قمت داخل عاليمين عشان اعديه تمام؟
رجعت انا تاني عالشمال وماشي عال 90 قام واحد جاي برضة سريع دخلت يمين تاني

يبقى اريح نفوخي وممشيش اصلا في الشمال .يبقى الحارة الشمال للي ماشي فوق ال 100

يعني كده الطريق بدل 4 حارات مثلا اصبحو 3 فقط عشان خاطر نريح اللي بيخالفو القانون ويعرضو عربيات وحياة الناس للخطر ونضيق الطريق على الملتزمين بالقانون عشان خاطر نريح المخالفين للقانون

ليه نتعبهم ونخليهم يغرزو او يلبسو في عربية ولا عمود نور

احنا نضيق الطريق ونيجي على نفسنا عشانهم

لا يا باشا , هو هايبقى 3 حارات فعلا , لكن مع الفرق , ال3 حارات فيهم ناس ماشية على مهلها كلهم فمش فارق معاهم هو حارتين ولا عشرة و مش متضررين خالص لأنهم ماشيين على مهلهم اصلا
و اللي منهم تطلب معاه جري وقتها يعمل ايه ؟
الحارة الشمال هاتبقى فاضية و مستنياه
و ده هايساهم ان ناس كتير من اللي ماشية على مهلها هاتجري و الطريق هايبقى اروق اصلا و الناس كلها هاترتاح

اقول لك حاجة ؟
بالتجربة اللي شفتها كتير جدا , معدل سريان الطريق اللي فيه حارة مفتوحة اعلى كتير جدا من طريق كل حاراته ماشية بسرعة على مهلها , و بص على الرسومات التوضيحية اللي في اول مشاركة هتلاقيها واضحة