الولاعه شغاله بس الشاحن وال mp3 ابدآ

[aldesha989]

السلام عليكم

امبارح يا شباب غيرت الولاعه بسبب الموضوع ده

اشغل الام بى ثرى ابدآ ما ينورش حتى اجرب الولاعه شغاله
جبت شاحن ايفون للعربيه وبرضه ما شحنهوش
غيرت الولاعه نفس النظام مع انى جربت الام بى ثرى على عربيه تانيه ونور عادى

انا مش فاهم ايه المشكلة بقى مع ان الولاعه شغاله على طول مافيهاش مشكلة

[SAMEH_FOUAD]

الكهرباء عندك بتاعة الولاعة مش قوية , لازم تقوى الاسلاك

[ehabahmedie]

الكهرباء عندك بتاعة الولاعة مش قوية , لازم تقوى الاسلاك

السلام عليكم

أنا مفهمتش المشكلة: إذا كانت الولاعة نفسها (اللي هو السخان) شغالة فلست أظن ان في مشكلة في تقوية الأسلاك، يعني الحمل الكهربائي (سحب الكهرباء) للولاعة أكبر بكتير جدا من سحب الإم بي ثري أو الشاحن

في بعض العربيات بيقوللك ان قدرة الولاعة ممكن توصل لحوالي 120 واط وممنوع توصل حمل أكبر من كده، لكن بالنسبة للـ الإم بي ثري أو الشاحن

الشاحن بيطلع 5 فولت مضروبة في 0.8 أمبير كحد أقصى لمعظم الشواحن يبقى السحب 4 واط
وأظن الmp3 مش هتعدي كده كمان

أعتقد ان المشكلة ان ممكن الولاعة بتلمس كويس بين الموجب والسالب في مكانها وبالتالي بتشتغل بس ممكن الشاحن وام بي ثري لأ

[Elawany13]

كان عندى نفسى المشكلة مع الـ Mp3
كانت بتشتغل وبتفصل لما تتهز
تهزها تشتغل تانى
الكهربائى عملها قدامى قبل كده
فتح مكان الولاعة
ولعب فى الريش اللى جوه
وبقت تمام
بس فترة بسيطة وعملت نفس الحركة تانى
فكبرت دماغى ورميت الـ mp3
وجبت كاسيت صينى بكارت ميمورى

[aw2100]

حقولك تحليل للغز دة !!! المشكلة عندك ان اطراف السالب والموجب مقلوبين مكان بعض طبعا الولاعة حتشتغل دى مقاومة سلكية لكن اى جهاز الكترونى يتوصل بيبقى فية دوائر حماية ضد قلب اطراف التوصيل وبيفصل فى الحالة ميرضاش يشتغل غير لما تعدل الأطراف و ده ممكن تخلى الكهربائى يعدلك الأطراف لك تحياتى؟؟؟؟

[aldesha989]

الكهرباء عندك بتاعة الولاعة مش قوية , لازم تقوى الاسلاك

والله احتمال لانى شوفت سلكهم رفيع اوى وشكله مش محمل نهائى زى سلك السمااعات كده

السلام عليكم

أنا مفهمتش المشكلة: إذا كانت الولاعة نفسها (اللي هو السخان) شغالة فلست أظن ان في مشكلة في تقوية الأسلاك، يعني الحمل الكهربائي (سحب الكهرباء) للولاعة أكبر بكتير جدا من سحب الإم بي ثري أو الشاحن

في بعض العربيات بيقوللك ان قدرة الولاعة ممكن توصل لحوالي 120 واط وممنوع توصل حمل أكبر من كده، لكن بالنسبة للـ الإم بي ثري أو الشاحن

الشاحن بيطلع 5 فولت مضروبة في 0.8 أمبير كحد أقصى لمعظم الشواحن يبقى السحب 4 واط
وأظن الmp3 مش هتعدي كده كمان

أعتقد ان المشكلة ان ممكن الولاعة بتلمس كويس بين الموجب والسالب في مكانها وبالتالي بتشتغل بس ممكن الشاحن وام بي ثري لأ

ممكن برضه انها تكون مش بتلمس بس معقوله الولاعتين نفس المشكلة انا مستغرب علشان كده

كان عندى نفسى المشكلة مع الـ Mp3
كانت بتشتغل وبتفصل لما تتهز
تهزها تشتغل تانى
الكهربائى عملها قدامى قبل كده
فتح مكان الولاعة
ولعب فى الريش اللى جوه
وبقت تمام
بس فترة بسيطة وعملت نفس الحركة تانى
فكبرت دماغى ورميت الـ mp3
وجبت كاسيت صينى بكارت ميمورى

بس انتا عارف هى المشكلة مش فى كده انا عندى الكاسيت وعندى الاكوليزر واصلآ اغلب الوقت بشغل كله من الموبيل على سلك السماعات وحتى الكاسيت معفن كل ما كنت احط فيه فلاشه الاقيها عايزه تتفرط لو حد خبط فيها فقولت ملهاش لزمه

بس هى المشكلة بالنسبالى فى خاصيه ملغيه وكمان انا عايز اشغل الشاحن حتى مش شغال

حقولك تحليل للغز دة !!! المشكلة عندك ان اطراف السالب والموجب مقلوبين مكان بعض طبعا الولاعة حتشتغل دى مقاومة سلكية لكن اى جهاز الكترونى يتوصل بيبقى فية دوائر حماية ضد قلب اطراف التوصيل وبيفصل فى الحالة ميرضاش يشتغل غير لما تعدل الأطراف و ده ممكن تخلى الكهربائى يعدلك الأطراف لك تحياتى؟؟؟؟

انا معاك ممكن بس مش متأكد اوى لانى جربت تجربه قلبت السلك وانا بركب الولاعه الجديده انى اعرف انهى السلك بتاعها حطيت الولاعه والمفروض انها تنطر ما نطرتش بس انا حاسس انى ما استنتش الوقت المناسب بتاعها علشان تنطر برا هجرب تانى ان شاء الله وعلى الله خير وخصوصآ انى مش بحب اتعامل مع كهربائيه ولا اى صنايعى الا لما افشل فى كل حاجه

[aw2100]

انا معاك ممكن بس مش متأكد اوى لانى جربت تجربه قلبت السلك وانا بركب الولاعه الجديده انى اعرف انهى السلك بتاعها حطيت الولاعه والمفروض انها تنطر ما نطرتش بس انا حاسس انى ما استنتش الوقت المناسب بتاعها علشان تنطر برا هجرب تانى ان شاء الله وعلى الله خير وخصوصآ انى مش بحب اتعامل مع كهربائيه ولا اى صنايعى الا لما افشل فى كل حاجه

بس كده تبقى المشكلة زى ماتوقعت انك قلبت الأسلاك مكان بعضها وانت بتركب الولاعة عموما سلك الأرضى بيركب فى الداير المعدن والكهرباء فى الطرف اللى فى النص !!!

[aldesha989]

بس كده تبقى المشكلة زى ماتوقعت انك قلبت الأسلاك مكان بعضها وانت بتركب الولاعة عموما سلك الأرضى بيركب فى الداير المعدن والكهرباء فى الطرف اللى فى النص !!!

عكستهم والامب بى ثرى اشتغل دقيقه وفصل تانى
وجربت الشاحن لمبة نورت بس ما شحنش التليفون واخدت الكبل معايا دلوقتى ولقيته شغال
بس الولاعه ما قدرتش تحمل وتشحن التليفون

يبقى كده ايه الاسلاك عايزه تتقوى فعلآ ؟

[aw2100]

بص علشان تتاكد من قوة الكهرباء فى الأسلاك هات لمبه بتاعة الكشاف الرئيسى الزئبق وركبها لو اديتك اضائة قوية زى فوانيس العربية يبقى الكهرباء تمام وده يبقى فية مشكلة فى جراب الولاعة ممكن يكون مصدى لو نورها ضعيف يبقى ده عيب ارضى او فيوز ضعيف عندك وبسيطة ان شاء الله!!

[aldesha989]

بص علشان تتاكد من قوة الكهرباء فى الأسلاك هات لمبه بتاعة الكشاف الرئيسى الزئبق وركبها لو اديتك اضائة قوية زى فوانيس العربية يبقى الكهرباء تمام وده يبقى فية مشكلة فى جراب الولاعة ممكن يكون مصدى لو نورها ضعيف يبقى ده عيب ارضى او فيوز ضعيف عندك وبسيطة ان شاء الله!!

هو تقريبآ عيب ارضى لان لما كانت الكهرباء والارضى مقلوبين لاحظ ان الولاعه بتنور من كتر الناس ولما حطيتهم فى مكانهم الصح لقيت الولاعه مش منوره بالكامل ومولعه فى النص والاطراف لا الاول كانت كل الاطراف شغال

طب لو فيوز ضعيف لازم اجيب فيوز نفس الفولت ولا ممكن اعلى حاجه بسيطه ؟

[ehabahmedie]

السلام عليكم ورحمة الله جميعا

أنا حبيت أقول اني معجب جدا بالتفكير الجماعي اللي أنا شايفه في المنتدى، وبصراحة بلاقي المشاركات من الأعضاء مفيدة جدا والمشكلة بنشوفها من أكتر من زاوية، وكل واحد بيقول كلام مفيد سواءا للمشكلة دي أو ممكن يفيد في حل مشاكل تانية بعد كده وبيضيف معلوماته وخبراته لباقي الزملاء

ربنا يجازي الجميع كل خير

[aldesha989]

السلام عليكم ورحمة الله جميعا

أنا حبيت أقول اني معجب جدا بالتفكير الجماعي اللي أنا شايفه في المنتدى، وبصراحة بلاقي المشاركات من الأعضاء مفيدة جدا والمشكلة بنشوفها من أكتر من زاوية، وكل واحد بيقول كلام مفيد سواءا للمشكلة دي أو ممكن يفيد في حل مشاكل تانية بعد كده وبيضيف معلوماته وخبراته لباقي الزملاء

ربنا يجازي الجميع كل خير

والله الواحد بيعمل اللى يقدر عليه سواء بيحاول يساعد باللى يقدر عليه او يستفيد باللى يقدر عليه
وده هو اللى مخلينا متمسكين بالمنتدى علشان كله بيستفيد واللى عنده مشكلة بيحاول ما يخليش الصنايعيه يضحكو عليه وكلنا نبقى فاهمين العيب فين علشان ماحدش يضحك علينا

وجزاك الله كل خير وان شاء الله تستفيد معانا