سيارة فى حدود 25-28 الف جنيه

[ياسين محمد]

أنا معايا من 25 ل 28 ألف وعايز أشترى سياره مستعمله بس تكون نضيفه لأنى ما فياش حيل أزق وما عنديش وقت أروح للميكانيكى كل شويه

الآختيار هيكون بين السيارات دى :
فيات ريجاتا
هيونداى اكسيل
فيات أونو
كيا برايد
سوزوكى سويفت
فيات بونتو

أيه أفضل سياره فيهم من ناحية:
المتانه وقوة التحمل
تكون موفره فى البنزين
قطع غيار متوفره مش مهم غاليه ولا رخيصه لأن الغالى تمنه فيه
النعومه والراحه أثناء القياده
من حيث الكماليات
صيانتها تكون سهله

وأرجوكم تردوا وما تطنشوش لأن ده تالت موضوع أكتبه وما طلعتش باجابه واحده توحد ربنا
عايز اجابات تساعدنى انى آخد قرار وأنا متطمن بعد استخارة ربنا طبعا

[فادى محمد]

بلاش الريجاتا لانها قدمت من التمانينات وهي شغاله
الاكسيل حلوه وعمليه جدا بس استهلاك الابنزين اعلي من المتوسط شويه ويعيبها صاجها ضعيف جدددددا
الاونو قطع غيار متوفره ورخيصه مش كلها بس معظمها بس العربيه ضيقه ومن الاخر تحس انها برده 128
البرايد اوسع شويه من الاونو وموفره في البنزين ومفيش لها مشاكل مشهوره غير انها عمليه بس مش عارف مدي توفر قطع غيارها ايه؟
السويفت افضل موتور في فئه 1300 سي سي -صاج متوسط - قطع غيار ببلاش-استهلاك بنزين مثالي بس الحلو مايكملش ,عفشتها ضعيفه شويتين
البونتو اكيد حضرتك تقصد الشكل القديم مو 94 مثلا..العربيه كانت مع جاري والحقيقه انا شايف ان عيبها انها عربيه سابقه سنها وشايله اكتر من طاقتها بمعني انها 1300 سي سي وصغيره ومع ذلك فيها مالتي بوينت انجكتورز -كونترول يونت طبعا -جميع الحساسات اللي في العربيات الجديده (ماف -كرنك-تي بي اس-ايدل..)
وعيش حياتك بقي معاهم ..من الاخر متعبه دون مقابل او مزايا
++شايف ان السويفت او البرايد هما افضل اختيار لك وربنا يوفقك,تحياتي

[mhf_77]

العصفوره طبعا
بس حاول تجنب الطنابير اى مياه تيجى عليها وهى سخنه عشان بتعمل ريجه وقتى ( دا اشهر عيوبها وكان معظم الكورى كده فى الفتره دى) غير كده سبرتاية بنزين - قطع غيار متوفره ورخيصه نوعا بالمقارنه بمثيلاتها - كل الميكانيكيه حفظوها - اعتماديه واعطالها تكاد تكون نادره - موتورها وثباتها بالنسبه لحجمها وفئتها كويسين جدا - وانتاجها حديث نوعا ما - وسعر اعادة بيعها افضل من مثيلاتها

[ياسين محمد]

العصفوره طبعا
بس حاول تجنب الطنابير اى مياه تيجى عليها وهى سخنه عشان بتعمل ريجه وقتى ( دا اشهر عيوبها وكان معظم الكورى كده فى الفتره دى) غير كده سبرتاية بنزين - قطع غيار متوفره ورخيصه نوعا بالمقارنه بمثيلاتها - كل الميكانيكيه حفظوها - اعتماديه واعطالها تكاد تكون نادره - موتورها وثباتها بالنسبه لحجمها وفئتها كويسين جدا - وانتاجها حديث نوعا ما - وسعر اعادة بيعها افضل من مثيلاتها

ألف شكر لحضرتك
طيب لو تعرف السياره البرايد النضيفه تعملها كام يبقى كتر خيرك
يعنى ال28 ألف يجيبوا عربيه كويسه ولا هتبقى تعبانه

[ahmedsamy90]

بلاش الريجاتا لانها قدمت من التمانينات وهي شغاله
الاكسيل حلوه وعمليه جدا بس استهلاك الابنزين اعلي من المتوسط شويه ويعيبها صاجها ضعيف جدددددا
الاونو قطع غيار متوفره ورخيصه مش كلها بس معظمها بس العربيه ضيقه ومن الاخر تحس انها برده 128
البرايد اوسع شويه من الاونو وموفره في البنزين ومفيش لها مشاكل مشهوره غير انها عمليه بس مش عارف مدي توفر قطع غيارها ايه؟
السويفت افضل موتور في فئه 1300 سي سي -صاج متوسط - قطع غيار ببلاش-استهلاك بنزين مثالي بس الحلو مايكملش ,عفشتها ضعيفه شويتين
البونتو اكيد حضرتك تقصد الشكل القديم مو 94 مثلا..العربيه كانت مع جاري والحقيقه انا شايف ان عيبها انها عربيه سابقه سنها وشايله اكتر من طاقتها بمعني انها 1300 سي سي وصغيره ومع ذلك فيها مالتي بوينت انجكتورز -كونترول يونت طبعا -جميع الحساسات اللي في العربيات الجديده (ماف -كرنك-تي بي اس-ايدل..)
وعيش حياتك بقي معاهم ..من الاخر متعبه دون مقابل او مزايا
++شايف ان السويفت او البرايد هما افضل اختيار لك وربنا يوفقك,تحياتي

++++11111111111111111
سوزوكى سويفت



وربنا يوفقك

[AlGazar2]

فى عربيه اعضاء فيات بيشكروا فيها و هيه داتشا نوفا تقريبا و فى متوسط السعر ده بس الفرق انها عربيه فى فخامه البى ام على حسب كلام ملاكها و قطع غيارها موجوده عند الكيلانى و موجوده استيراد و رخيصه مش غاليه شوفها مش هاتخسر حاجة

فى الى انت حاططتهم
افضل السوزوكى سويفت على الرغم من انها ثباتها بعد 120 مراجيح
بعدها فيات بونتو عشان بحب الهاتش باك بصراحه و شغل الحساسات و الكلام ده الميكانيكيه بقوا عارفينه و متعودين عليه مش غريب عليهم حاليا يعنى

و ممكن تشوف تمبرا بس معرفش تمنها كام بس عربيه ممتازه و سابقه زمانها و حلوه جدا

[mhf_77]

ألف شكر لحضرتك
طيب لو تعرف السياره البرايد النضيفه تعملها كام يبقى كتر خيرك
يعنى ال28 ألف يجيبوا عربيه كويسه ولا هتبقى تعبانه

والله مسألة الاسعار دى مش عايز افتى فيها وتوقع ان بعد زيادة اسعار الجديد هتلاقى المستعمل شد وراه برضه و28 الف كانو ممكن يجيبو حاجه كويسه نوعا قبل موضوع الزياده بس بعد كده بصراحه مش متابع سوق المستعمل - ممكن حضرتك تخش على مواقع زى كونتاكت كار اوعربيتى اوايجيبت كار وتدور على المستعمل هناك بالعبيط وبالصور وارقام الموبايلات وبكل تفاصيل العربيه المعروضه ولو استقريت مع حد على التليفون خد معاك سمكرى يكشف على دواخلها من ناحية راشه او باروما وميكانيكى يحط ودنه على ماتورها ومن صوته هيقولك جواه ايه ( اومساعد صبى شاطر عشان ممكن الاسطوات ميكنوش فاضيين) واتفق معاهم انك هتظبطهم وحلاوتهم موجوده ايا كان رأيهم لانهم ساعات بيشوفو عيوب ويقولولك مشى البيعه لحسن لو مشترتش ممكن متدهمش حاجه وربنا يوفقك

[ashourashour]

مفيش ريجاتا فردتين الشاسيه سلام (او علبتين الشاسيه )

انا مع الكيا برايد

[ma8rabye]

سوزوكي سويفت او كيا برايد. بس كده. :)

[ياسين محمد]

طيب هو صحيح ان السوزوكى سويفت اليابانى لحد موديل 97 بس
طيب واللى بعد كده أيه؟؟؟

[aw2100]

انا برشحلك عربية المانى سكودا فليشيا او ممكن جولف1 عربيات متينه وثبات على الارض فى حدود 30000 النظيف منها !!!

[ahmedsamy90]

طيب ليه مافكرتش في دايو رايسر او دايو اسبيرو وفي منهم اتوماتيك