استيكر نايل موتورز مين حيدفع مخالفته؟؟؟؟؟؟؟

[مصراوي جدا]

خلاص يا جماعة .. وجدتها

احنا نشيل الاستيكرات لغاية الشدة بتاعة الغربال الجديد ما تخلص وكلها شهر ولا اتنين بالكتير وتعود المياه الى مجاريها وريما الى عادتها القديمة ووقتها نلزق الاستيكرات تاني براحتنا

ونستأذن ادارة المنتدى ان الاستيكر البديل يكون برضه بـ 5 جنيه زي قبل كده وأهو أهون من المخالفة

والمثل بيقول : امشي عدل يحتار المرور فيك

ايه رأيك يا كريم ..

انما انت عملت ايه في القزاز الفيميه عندك !!

[دموع الثلج]

انا مش هشيل الاستيكر

ومقرره انى هعمـــــــــــــل عبيطه جدا لو لا قدر الله اتوقفت بسببه

هعترف انى معرفش عن الاستيكر ده حاجه ولا شفته

وسامحنى يارب هقول ان معرض السيارات اللى لازقه عشان عربيتى قسط انا مليش دعوه ولو رخموا اكثر هديهم بيانات كريم منير يتصرفوا معاه لانه المروج الوحيد لهذه النوعيه من الملصقات فى مصر سامحنى يارب قبل ما اعمل كده

[Dr Ahmed]

انا مليش دعوه ولو رخموا اكثر هديهم بيانات كريم منير يتصرفوا معاه لانه المروج الوحيد لهذه النوعيه من الملصقات فى مصر

تانى كريم منير
الله يرحمه تانى
كان راجل طيب جدا جدا



غيّر نمرتك بسرعة يا كريم - حوّل

[Powert]

ما نيجي نعمل صندوق ويكون اسمه صندوق نايل موتورز لمخلفات الاستيكر

وكل عضو يدفع 3 تلاف جنية رسم اشتراك وياخدهم حين ميسرة وكل واحد يتاخد مخالفة

على الاستيكر يجيب بيها وصل وندفعله 50 % من المخالفة بطريقة دي تكون رضينا جميع الاعضاء

وانا مستعد اني اكون امين الصندوق واحتفظ بالفلوس معايا

[NaderNabil]

ما نيجي نعمل صندوق ويكون اسمه صندوق نايل موتورز لمخلفات الاستيكر

وكل عضو يدفع 3 تلاف جنية رسم اشتراك وياخدهم حين ميسرة وكل واحد يتاخد مخالفة

على الاستيكر يجيب بيها وصل وندفعله 50 % من المخالفة بطريقة دي تكون رضينا جميع الاعضاء

وانا مستعد اني اكون امين الصندوق واحتفظ بالفلوس معايا

و علطول علي عز العرب و تحجز الحتة الجين2:)

[SHNORY]

تانى كريم منير
الله يرحمه تانى
كان راجل طيب جدا جدا



غيّر نمرتك بسرعة يا كريم - حوّل

يا دكتور وصلتني دلوقتي اخبار بتقول ان فيه عربيه شيروكي سوداء متفيمه بالكامل
وعلي ها حرفين k m (كريم منير) وماشيه من غير لوحات ومليانه فلوس
وتجوب الاراضي المصريه وليل ونهار لاغاثه منكوبي المخالفات وتعويضهم تعوض مادي فوري
وسمعت برضه ان كريم منير كان في شركه موتورولا بيتعاقد علي صفقه اجهزه لاسلكي بعدد اعضاء المنتدي (بس يا ريت ييجوا متشفرين علشان افكلكم الشفره ونسترزق )
يا جماعه الراجل مش ساكت محدش يظلمه هو اختفي علشان بيجهز المفاجئه
محدش يظلمه ارجوكم يا جماعه
واكيد في المقابله يوم 15-8 حيقولنا علي الخطه ويوزع علينا نصيب بلد كل واحد مننا من الفلوس ومن الاجهزه وكل ده مجاني وببلاش ببلاااااااااااااااااااااااااااااااااااااااااش
ادعوله في صلاه الجمعه وفي كل وقت
الواحد مش عارف يرد جمايله ازاي
خدوا بالكم انه مش بيحب الظهور وحينكر كلامي بس بشويه ضغط واذا كان ولا بد منه شويه تعذيب حيقولكم كل حاجه
وسمعت انه حيجيب لامبورجيني لاغاثه الطرق السريعه وهامر علشان منكوبي الجبال واحتمال هليكوبتر بس لسه عليها مفاوضات وكلام

[Powert]

و علطول علي عز العرب و تحجز الحتة الجين2:)

يافهمني