انضف لمض للسيارة ؟ و اجيبها منين ؟

[Dr'AhmZZong]

عندي كشاف من الكشافين اللمبة فيه اتحرقت ..

عايز اجيب طقم للاتنين !

اجيبهم منين و ياريت يكون مكان موثوق فيه !

للعلم أنا عندي العربية نيسان صني 2010 الكشاف اللي فيه لمبة واحدة للعالي و للواطي !!

تحياتي ..

[Sehsss]

أوسرام نايت بريكر (طبعا لو مش هاتركب كتاوت) من محل أمام البنزينة بشارع دمشق (مش عاوز أقول اسمه علشان ما يبقاش إعلان) بس هو مشهور.. إنما لو هاتركب كتاوت إديها فيلبس رالي

[Dr'AhmZZong]

أوسرام نايت بريكر (طبعا لو مش هاتركب كتاوت) من محل أمام البنزينة بشارع دمشق (مش عاوز أقول اسمه علشان ما يبقاش إعلان) بس هو مشهور.. إنما لو هاتركب كتاوت إديها فيلبس رالي

الله يخليك يا حج ..

بس فيلبس رالي تتجاب منين ؟؟

[MohammedAladel]

انا اشتريت نايت بريكر ب 160 اللمبتين h7 نور واطى راكبين على عدسات فانوس الميجان إضائتهم كويسة والكشاف عندى مشبر من برا

نفسى أعرف هو مفيش غير المحل أياه اللى فى شارع دمشق اللى عند بنزينة التعاون مش هقول أسمه ( قال يعنى كدا الناس معرفتهوش ) اللى بيبيع أوزرام أكيد فيه ناس تانية غيره

اللمبتين الأوزرام العادية الاتنين ب 50

[AlGazar2]

لو هاتجيب لمض عاديه يبقى تجيب اوزرام من محل المدينه ( الى الناس مقالتش اسمه - مفيش غيره اساسا ) امام بنزينه التعاون فى دمشق

لو عايز تعدل و تركب كتاوت و تحسن الاضاءه يبقى لمبات تونجسرام 100/140 من محل الابيارى فى التوفيقيه - ممكن يكونوا خلصوا من عنده الاتنين من دول عاملين 70 جنيه و نورها قوى جدا جدا جدا

[Dr'AhmZZong]

لو هاتجيب لمض عاديه يبقى تجيب اوزرام من محل المدينه ( الى الناس مقالتش اسمه - مفيش غيره اساسا ) امام بنزينه التعاون فى دمشق

لو عايز تعدل و تركب كتاوت و تحسن الاضاءه يبقى لمبات تونجسرام 100/140 من محل الابيارى فى التوفيقيه - ممكن يكونوا خلصوا من عنده الاتنين من دول عاملين 70 جنيه و نورها قوى جدا جدا جدا

تسلم ايدك يا باشا ..

و محل الابياري ده مضمون ! مش هيضحك علي يعني :)

[AlGazar2]

تسلم ايدك يا باشا ..

و محل الابياري ده مضمون ! مش هيضحك علي يعني :)

انا جبت منه لمبه واحده بقالها فتره و شغاله كويس مفيهاش مشاكل و المحل بيتعامل فى اكسسوارات الاضاءه و الكهرباء فقط و فى الغالب مضمون لانه توكيل تونجسرام و حاجة تانيه تقريبا او موزع معتمد ليهم

و نصيحه لو هاتروح يبقى تروح بالمترو و تنزل جمال عبد الناصر او احمد عرابى و تتمشى حبه لان الجو هناك قلق على العربيه جدا

[Dr'AhmZZong]

انا جبت منه لمبه واحده بقالها فتره و شغاله كويس مفيهاش مشاكل و المحل بيتعامل فى اكسسوارات الاضاءه و الكهرباء فقط و فى الغالب مضمون لانه توكيل تونجسرام و حاجة تانيه تقريبا او موزع معتمد ليهم

و نصيحه لو هاتروح يبقى تروح بالمترو و تنزل جمال عبد الناصر او احمد عرابى و تتمشى حبه لان الجو هناك قلق على العربيه جدا

متشكر قوي على تعبك يا باشا ..

[MohammedAladel]

بس خلى بالك غالبا اللمبات العادية دى معليهاش ضمان بس انت تاخدها تقول له على التجربة متضمنش الظروف

[Sehsss]

الله يخليك يا حج ..

بس فيلبس رالي تتجاب منين ؟؟

شوف توكيل فيلبس

[Formulator]

يعنى يارجالة الأوسرام Night-breaker دى.. أجمد من الفيليبس Xtreme-vision؟!!
أصل عم مصطفى بتاع محل المدينة -مش أنا اللى قولت الأول :))
بيقوللى الأوسرام نورها أقوى حاجة بسيطة، بس بتتحرق بسرعة!
الفيليبس تقريبا نفس الشدة.. بس بتعيـــــــــــــــــــــــش؟!!

- مع العلم ان طقم الـH1 الفيليبس بـ160 والأوسرام بـ110 (قبل الواجب)!

وأنا هركبهم فـ العالى -عشان الواطى فيه زينون عـ العدسة.

أيه رأيكم؟؟

[MohammedAladel]

يعنى يارجالة الأوسرام Night-breaker دى.. أجمد من الفيليبس Xtreme-vision؟!!
أصل عم مصطفى بتاع محل المدينة -مش أنا اللى قولت الأول :))
بيقوللى الأوسرام نورها أقوى حاجة بسيطة، بس بتتحرق بسرعة!
الفيليبس تقريبا نفس الشدة.. بس بتعيـــــــــــــــــــــــش؟!!

- مع العلم ان طقم الـH1 الفيليبس بـ160 والأوسرام بـ110 (قبل الواجب)!

وأنا هركبهم فـ العالى -عشان الواطى فيه زينون عـ العدسة.

أيه رأيكم؟؟

أنا اشتريت النايت بريكر ب 160 بس h7 نور واطى وركبتها على عدسات ( من غير أى واجب )
معرفش بقى هل سعرها بيختلف من مقاس لمقاس أو زبون لزبون ولا أيه .... مهو مش معقولة محل صغير زى دا يبقى هو الوحيد اللى عنده لمبات أوزرام أكيد فيه ناس تانية !!!

[Sehsss]

يعنى يارجالة الأوسرام night-breaker دى.. أجمد من الفيليبس xtreme-vision؟!!
أصل عم مصطفى بتاع محل المدينة -مش أنا اللى قولت الأول :))
بيقوللى الأوسرام نورها أقوى حاجة بسيطة، بس بتتحرق بسرعة!
الفيليبس تقريبا نفس الشدة.. بس بتعيـــــــــــــــــــــــش؟!!

- مع العلم ان طقم الـh1 الفيليبس بـ160 والأوسرام بـ110 (قبل الواجب)!

وأنا هركبهم فـ العالى -عشان الواطى فيه زينون عـ العدسة.

أيه رأيكم؟؟

أنا مركب الأوسرام نايت بريكر من أكثر من سنة وزي الفل وما اتحرقتش ولا حاجة