دوست قطه وانا مش قصدى

[aldesha989]

السلام عليكم ورحمة الله وبركاتة

وانا ماشى على البحر دلوقتى قبل الملف بتاع سان ستيفنو لقيت قطه صغيره بتجرى قدامى عايزه تروح على الجزيره وضربت فرمله دخلت تحت العجله وللاسف شوفتها فى المرايه ماتت
انا والله العظيم ما اقصد انا مخنوق اوى من ساعتها والفرامل ما وقفتش العربيه لان البحر كان فاضى وانا كنت 60 ومش هلحق اقف فى 10 متر او اقل كمان

مش عارف اعمل ايه انا مخنوق اوى

[wael30003]

هناك فرق كبير لما تدوس عن قصد ولما تدوس عن غير قصد

لا تقلق انها ارادة الله وليس عليك ذنب بإذن الله

[Mostafa.Mahran]

الموضوع ممكن يكون صعب عليك فعلا لانها روح بس طالما حاولت تقف و تفاديها يبقى نيتك خير و مش قصدك

[houras1010]

مره كلب بعد ما عدى من قدام العربيه لف ورجع تانى و بينى وبينه مفيش اتنين تلاته متر كسرت يمين ودوست فرامل عشان ميتعجنش تحتها خد اخر الأكصدام وقام مذعور يجرى من غير ما يطلع صوت سبحان الله شكله فاهم انى مش قصدى وانه غلطان وكان الصبح بدرى -----وعرفت بعديها انى مديش الأمان للبنى ادميين وهما بيعدوا عشان ممكن يعملوا نفس الحركه ------ممكن يكون تنبيه ليك

[MARTINDALE]

طالما ماتقصدش يبقى قدر الله وماشاء فعل .

مش هتلاقي واحد راكب عربيه غير وداس قطه او كلب .

[drmagieed]

طيب لو لا قدر الله كان إنسان كان هيبقي الشعور أية .... يا جماعة السرعة كارثة 60 كم/ساعة و10 متر الفرامل ما وقفتش العربية .... أرجوكم في التأني السلامة وخلوا بالكم ... وإنت يا أخي العزيز عملت إللي عليك وكفاية شعورك الطيب وإحساسك بالمسئولية إللي بيعكس شخصية راقية متحضرة عندها ضمير ... ودة إللي بنفتقده اليومين دول!!!

[graffittiii]

المشكلة أن القطط مش بتحب تعدي إلا لو بينك وبينها 2 متر ...
أصلا نسبة نجاح القطة في عبور شوارع الكورنيش معتقدش تعدي 30 % .
.

[drmagieed]

طيب لو لا قدر الله كان إنسان كان هيبقي الشعور أية .... يا جماعة السرعة كارثة 60 كم/ساعة و10 متر الفرامل ما وقفتش العربية .... أرجوكم في التأني السلامة وخلوا بالكم ... وإنت يا أخي العزيز عملت إللي عليك وكفاية شعورك الطيب وإحساسك بالمسئولية إللي بيعكس شخصية راقية متحضرة عندها ضمير ... ودة إللي بنفتقده اليومين دول!!!

[aldesha989]

هناك فرق كبير لما تدوس عن قصد ولما تدوس عن غير قصد

لا تقلق انها ارادة الله وليس عليك ذنب بإذن الله

الحمد لله

الموضوع ممكن يكون صعب عليك فعلا لانها روح بس طالما حاولت تقف و تفاديها يبقى نيتك خير و مش قصدك

صعب والله لسه مخنوق لحد دلوقتى

مره كلب بعد ما عدى من قدام العربيه لف ورجع تانى و بينى وبينه مفيش اتنين تلاته متر كسرت يمين ودوست فرامل عشان ميتعجنش تحتها خد اخر الأكصدام وقام مذعور يجرى من غير ما يطلع صوت سبحان الله شكله فاهم انى مش قصدى وانه غلطان وكان الصبح بدرى -----وعرفت بعديها انى مديش الأمان للبنى ادميين وهما بيعدوا عشان ممكن يعملوا نفس الحركه ------ممكن يكون تنبيه ليك

ايوه بس دى جت تحت العجل وماكنش فى مجال انى اعمل اى حاجه هى كانت بتجرى من قدام العربيه وجت فى نص العربيه وماكنش فى اى مجال غير انى ادوس فرامل لدرجه ان العجل زحف على الارض مع الفرامل وبرضه جت تحت العجله الشمال

طالما ماتقصدش يبقى قدر الله وماشاء فعل .

مش هتلاقي واحد راكب عربيه غير وداس قطه او كلب .

ربنا يسترها معانا احساس وحش اوى والله العظيم

طيب لو لا قدر الله كان إنسان كان هيبقي الشعور أية .... يا جماعة السرعة كارثة 60 كم/ساعة و10 متر الفرامل ما وقفتش العربية .... أرجوكم في التأني السلامة وخلوا بالكم ... وإنت يا أخي العزيز عملت إللي عليك وكفاية شعورك الطيب وإحساسك بالمسئولية إللي بيعكس شخصية راقية متحضرة عندها ضمير ... ودة إللي بنفتقده اليومين دول!!!

60 على البحر عندنا دى اقل حاجه ممكن تمشى بيها والمشكلة انه لو بنى ادم هتشوفه من بعيد وتهدى او تقف لحد ما يعدى لكن دى ظهرت فجأه وجرت تحت العربيه ما عرفتش اعمل حاجه

المشكلة أن القطط مش بتحب تعدي إلا لو بينك وبينها 2 متر ...
أصلا نسبة نجاح القطة في عبور شوارع الكورنيش معتقدش تعدي 30 % .
.

والله انا مخنوق لحد دلوقتى بسبب الموضوع ده وقافلنى قافله وحشه اوى

[amr.elsayed]

القطط فى اسكندرية اشقية جدا وماتعرفش ايه اللى بيدور فى دماغها ومرة واحدة تطلع بفكرة سودة توديها فى داهية وتعكنن عليك المفروض يكون عندهم نباهة شوية عن كدة لانهم على الاقل مش بيكلوا فول ههههههه
و مرة لاقيت قطة صغيرة جدا فى حوض الماتور وفضحتنى عقبال ما البوابين بتوع الشارع عرفوا يطلعوها
ونو نو نو نو ومش لاقين الاستاذة اللى بتنونو وفين وفين بقى عقبال ما حنت علينا وظهرت
.................
وانت ماتحطش فى دماغك يا باشا ويومين وحتنسى ودة قدرها وانت مالكش ذنب

[Raul_7]

حصلت معايا برضو من سنة بس انا كنت علي 100 و هديت ا 70 كده كانت عدت الشارع بالفعل و مفيش عربيات تانية غيري و بعدين فجأة لقيتها رجعت تاني بسرعة جداً و جت تحت العجل في ثانية! أنا ملاحظ ان القطط بقالهم فترة غبائهم زايد.

[Elawany13]

مرة حصلت معايا
وانا ماشى بالموتسيكل وورايا واحد كبير كمان
ياعنى الحمولة القصوى
وقطه على جنب الرصيف ولما كان بينى وبينها قل من 1 متر قررت تنتحر تحت عجلات الموتوسيكل
وجريت قدامى قاطعه الطريق
الموتوسيكل داس عليها بالعجلة الأمامية ثم الخلفية
وطلعت تجرى بعدها بتكمل مشوارها زى العفريته

[طاهر]

تسطيع أن تساعد قطط اخرى ليزول عنك الشعور بالذنب

[ahmedhilmy]

يا باشا مفيش حد فينا مدسشي علي قطه بس انت عملت اللي عليك و ده عمرها فكرتني لما ابني كان صغير و كنت رايح لولدتي و دست علي قطه و ساعتها طلع جري علي جدته بابا موت وحده بابا موت وحده و كان الموضوع مضايقه جدا ساعتها

[egyptiandiver]

قدر الله وماشاء فعل...