الفرق بين توكيل و تسجيل عقد ..!!!

[Yarisawy]

السلام عليكم ,

انا عارض عربيتى للبيع وكنت عايز اعرف ايه الفرق بين التوكيل وتسجيل عقد ؟

وايه مميزات وعيوب التوكيل او التسجيل ؟

ومين المفروض يتكفل بدفع المصاريف المالك ام الشارى

[Yarisawy]

انا اهم حاجة عايز اعرف هو فى خطر على البائع فى حالة التوكيل

انا سمعت ان لو عملت توكيل واللى اخد العربية عمل بيها مصيبه هاتخد فى الرجلين ؟؟

[hesham_tawfiq]

االسلام عليكم
التوكيل مش معناه البيع فلو الراجل اللى خد منك العربيه منقلش ملكيتها- يعنى مخدش نمر جديده ورخص جديده - وعمل بيها مصيبه فالعربيه امام القانون باسمك ونت المسؤول عنها.
وفيه فرق تانى مهم .
لو المشترى ماباعش العربيه لنفسه بالتوكيل وحضرتك اشتريت عربيه جديده وجيت ترخصها هتدفع ضريبة رفاهيه زياده لانك هيكون معاك فى المرور عربيتين مش واحده .
اسلم حل انك تاخد صورة بطاقة المشترى وتسجل بيها عقد البيع فالشهر العقارىبعد ماتكون خدت معظم فلوسك ( مش لازم هو يكون معاك ) وبعد التسجيل تاخد بقية فلوسك وتديه عقد البيعوالمفاتيح ويكون معاك صوره من العقد المسجل ورخصة العربيه وتروح المرور تبلغ عن بيع العربيه.
كده انت اخيت مسؤوليتك خالص من العربيه دى

[Yarisawy]

ِشكرا اخى هشام على الافادة

الحمد لله تم البيع وتم تسجيل العقد والمشترى دفع 700ج رسوم تسجيل

شكرا