"LaFerrari" الاسطورة الجديدة لفيراري ...!!!

[abogogo]

اعلنت شركة "فيراري" الإيطالية عن توافر أكثر من ألف طلب شراء لأسطورتها الجديدة "LaFerrari" بديلة "انزو" التي كشفت عنها مؤخراً خلال فعاليات معرض جنيف للسيارات.

واكدت الشركة الإيطالية المتخصصة بصناعة السيارات الفائقة أنها ستنتج 499 نسخة من السيارة الجديدة وسيتم إختيار الزبون المتواجد ضمن لائحة الإنتظار بالإعتماد على بعض السيارات التي يمتلكها وعليه أن يكون من عملاء فيراري الدائمين.

ولم تكشف فيراري حتى الآن عن السعر الرسمي لسيارتها الأسطورية الجديدة ولكن ثمنها التوقعي 1.2 مليون دولار أمريكي.

يجدر الإشارة أن LaFerrari مزودة بمحركين الأول مكون من اثنتي عشرة إسطوانة على شكل حرف (V) سعة 6.3 لتر يولد قوة تصل إلى 800 حصان و 700 نيوتن لكل متر من عزم الدوران، والمحرك الثاني الكهربائي يولد قوة 163 حصان و 270 نيوتن لكل متر من عزم الدوران لتصبح مجموعة قوة السيارة بالكامل 963 حصان ومجموع عزم الدوران يبلغ 970 نيوتن لكل متر.

تتسارع السيارة الفائقة من السكون إلى سرعة 100 كم في الساعة بأقل من ثلاث ثواني وتصل إلى سرعة 300 كم في الساعة خلال 15 ثانية وتبلغ سرعتها القصوى 350 كم في الساعة.
وده الفيديو بتاعها حاجه كدة تجري الريق

http://www.youtube.com/watch?v=iRsV6YpLsKA
LaFerrari - focus Architettura - YouTube


ثمنها مليون ومأتان ألف دولار معايا منهم 1700 دولار ...
يلا في جنة الخلد بقى وعلينا خير
بس بصراحة عيني مش هتطلع عليها ...!!!

[Ahmed_Adham]

واحنا أخرنا نقول أجيب لانسر بومه ولا نيسان صني الجديده.

[MohammedAladel]

بوجاتى فيرون تحط عليها ( مش حلوة )

[horas3000]

بديييييييع
مستني اشوف دراج بينها و بين الافنتدور

[horas3000]

بديييييييع
مستني اشوف دراج بينها و بين الافنتدور

افنتدور ايه بقي
اتاري لامبو مجهزه الرد بالفعل

اقدم لكم لامبو فينو

[abogogo]

افنتدور ايه بقي
اتاري لامبو مجهزه الرد بالفعل

اقدم لكم لامبو فينو

وحش لامبورجيني Veneno دي حاجة تالته خالص انت بتتكلم عن 3 عربيات بس هيتم تصنيعهم من العربية دي بمناسبة 50 عام على لمبورجيني ... انت بتتكلم عن موتور V12 سعته 6.5 لتر يولد 740 حصان وسرعة قصوى 350 كم/س يعني تعتبر اقوى سيارة في تاريخ لمبورجيني ... أنت بتتكلم 4.5 مليون دولار سعر او 3.1 مليون يورو عارف يعني كام بالمصري ..!!
Lamborghini Veneno Unveiled at Geneva Motor Show $4 million super car 3/4/2013 - YouTube

[Ahmed Amin]

واكدت الشركة الإيطالية المتخصصة بصناعة السيارات الفائقة أنها ستنتج 499 نسخة من السيارة الجديدة وسيتم إختيار الزبون المتواجد ضمن لائحة الإنتظار بالإعتماد على بعض السيارات التي يمتلكها وعليه أن يكون من عملاء فيراري الدائمين.

شوفت التناكة يا أخي.
برضه مش أي حد كدا يركب أي فيراري,
لازم يكون ليه تاريخ مع عربيات الشركة عشان يقدر يحافظ علي العربية الجديدة خصوصاً أنها هتبقا Limited Edition.

أنا فاكر ان ال Enzo أول ما نزلت مكنش ينفع تشتريها برضه عادي كدا, لانها كانت ليميتد جداً.
كان لايزم يبقي عندك F50 الأول وموديل تاني مش فاكرة وأصلا ال F50 نادرة جداً
عشان تقدر تعمل لها للأنزو أوردر.

[Ahmed_Adham]

شوفت التناكة يا أخي. :e_braces[1]:
برضه مش أي حد كدا يركب أي فيراري,
لازم يكون ليه تاريخ مع عربيات الشركة عشان يقدر يحافظ علي العربية الجديدة خصوصاً أنها هتبقا limited edition.

أنا فاكر ان ال enzo أول ما نزلت مكنش ينفع تشتريها برضه عادي كدا, لانها كانت ليميتد جداً.
كان لايزم يبقي عندك f50 الأول وموديل تاني مش فاكرة وأصلا ال f50 نادرة جداً
عشان تقدر تعمل لها للأنزو أوردر.

واللهي ليهم حق اذا كان فيه حضانات في مصر لو عايز تقدم لابنك فيها لازم يعملو معاك انت ومراتك انترفيو وبعدين اختبار انجليزي واختبار هيئه وتقول ياسلام ابني هيتعلم تعليم عالمي وفي الأخر تلاقي في الحضانه ولاد تجار وكاله البلح مع ابنك.

[Ahmed Amin]

واللهي ليهم حق اذا كان فيه حضانات في مصر لو عايز تقدم لابنك فيها لازم يعملو معاك انت ومراتك انترفيو وبعدين اختبار انجليزي واختبار هيئه وتقول ياسلام ابني هيتعلم تعليم عالمي وفي الأخر تلاقي في الحضانه ولاد تجار وكاله البلح مع ابنك.

كله بيخلص بالفلوس انهارده يا أحمد بيه.
والغريب انك فعلاً بعد ما تدور علي احسن حضانة لولادك وتدفع فيها دم قلبك وعشر اضعاف حضانات تانية برة ممكن تدي نفس الاداء ومستوي التعليم. وتلاقي ولادك داخلين عليك بسلوك غريب ومصطلحات انت مكنتش عايزهم يوصلولها عشان كدا دخلتهم حاجة غالية ونضيفة.
ويبقي السؤال هنا. كان لازمته أيه الأنترفيو طالما ولاد اي حد دون المستوي بتاع الحضانة ممكن يدخل بالفلوس.

اما بالنسبة علي كلامنا للعربيات. العربية ال Limited دي بتبقي نادرة جداً جداً. وأكيد بيبقي متعوب علي تصميمها وأنتاجها. وعشان مش هتبقي بProduction Car ولا هيبقي في منها أنتاج كتير.
فالازم يتأكدو أنك عميل بتقدر جودة وعربية فيراري عن طريق الكشف عنك اشتريت قبل كدا وهل امتلكت موديل نادر قبل كدا وحافظت عليه ولا لأ عشان يبقو ضامنين انك هتحافظ عليها وانها هتعيش أطول فترة ممكنة شايلة أسم وتصميم وهندسة فيراري.
زي الكلاسيك كارز اللي احنا بنشوفها انهاردة. لولا ان في ناس حافظت عليها. كانت زمانها اتسكربت ولا ادغدغت في حوادث.