عيب غريب جدا

[rompo10]

معايا عربيه بي ام 523 موديل 1999 فيها عيب غريب جدا اول ما عداد البنزين يوصل ل 15 لتر العربيه تقطع وماتسحبش لو زودت 5 لتر مثلا تمشي عادي جدا مع العلم ان سحب العربيه كويس والتجميع ومفيش اي مشاكل طول ما فيها اكتر من 15 لتر وكشفت علي طرمبه البنزين سليمه وغيرت فلتر البنزين ومؤشر البنزين سليم والقراءه سليمه ياتري حد يعرف ايه العيب الغريب دا العربيه 6 سلندر 2500 سي سي

[EngAhmedSayed]

راجعت على العوامه لانه ممكن تكون بتعمل ماس عن حد معين من البنزين
وده كلام منطقى لان موضوع عدد لترات معين مرتبط بالعوامه
شوف كده و انتا متابع معاك
ربك المستعان

[sno7y]

راجعت على العوامه لانه ممكن تكون بتعمل ماس عن حد معين من البنزين
وده كلام منطقى لان موضوع عدد لترات معين مرتبط بالعوامه
شوف كده و انتا متابع معاك
ربك المستعان

دى فعلا اكتر حاجه منطقيه هى المشكله فى العوامه ممكن تكون برده بتدى قراه غلط وبيكون التنك فاضى

[mshmshm3]

فعلا عوامة

[khaabas]

وليه متكونش طرمبة البنزين موتورها ضعف لان العوامة مالها ان العربية تقطع

[haissam24h]

فول العربيه لاالاخر

وصفر العداد
وشوف الكلام ده هيحصل على كم كيلو بعد ما تمشى
وبعدها هتقدر تحدد ان شاء الله العيب من العوامة ولالا

[omaroof]

اعتقد ان التانك فية رواسب كتير والفلتر موش بيحجز الرواسب كلها

[hugan]

اظن العوامه
هي سبب المشكله

[Sehsss]

طرمبة بنزين

[Land_Cruiser]

عوامه البنزين معلقه و هى اللى بتعمل كده و فى الاغلب بتفضل معلقه عند ١٥ لتر لسبب ما فى حين ان التنك فى الحقيقه فاضى او فيه بنزين قليل قوى

[rompo10]

شكرا ليكم يا جماعه علي الردود بس طرمبه البنزين لو ضعيفه هاتبقي ضعيفه علي طول سواء البنزين قليل او كتير وبعدين لما مؤشر البنزين يبقي علي 15لتر وفول العربيه بتاخد 50 لتر كده القراءه صحيحه

[rompo10]

تم تصليح العيب الحمد الله طرمبه البنزين كانت سايبه من القاعده بتاعتها وعايمه مع نفسها في التانك

[hugan]

تم تصليح العيب الحمد الله طرمبه البنزين كانت سايبه من القاعده بتاعتها وعايمه مع نفسها في التانك

تمام
عندي تقريبا نفس المشكله وتوصلت في الاخر الي ان موتور طلمبه البنزين محتاج تغير