وش الردرياتير اتشرخ

[aldesha989]

السلام عليكم ورحمة الله وبركاتة

النهارده ماشى بالعربيه شامم ريحة شياط جامده وعمال اعمل نفسى مش واخد بالى لحد ما ركب واحد صاحبى بيقولى ايه الريحه دى قولتله مش عارف
قالى العربيه فيها مايه

وانا امبارح كنت ببص على الردرياتير لقيت المايه ناقصه واخدت ربع جركن مايه خضرا وانا كنت مستغرب بس كنت فى مشوار 100 كيلو رايح جاى قولت يمكن من المشوار

فشكيت لما قالى كده ولما شكيت ببص على الحراراه لقيتها بتعلى ونزلت ابص ما لقيتش الردرياتير فيه مايه للاخر قولت ازود
قعدت ازود اخدت الجركن كله ولسه ما طلعتش للزور
اتجنيت بقى وكنت هرجع وبعدين قولت خلينى اكمل وبعدين ابص تانى

ببص تانى بعديها بنص ساعه ما لقيتش مايه وبعدين زودت مايه عاديه علشان ما يبقاش خراب بيوت لقيت بقى جنب الغطاء بتاع الردرياتير بحاجه بسيطه شرح بالطول الله اعلم جه منين بتاع 3 سم وبيطلع منه مايه وبيبخر كمان

طبعآ قبل ما امشى تانى زودت مايه وقولت الصبح اشوف فى ايه

انا دلوقتى مش عارف هل لازم الوش الفيبر اللى فوق ده يتغير ولا ينفع يتلحم ؟
ولا الردرياتير يتغير ؟

انا معايا للحام مادتين الانبوبتين اللى بيلحمو البلاستين والازاز والكاوتش ينفع احط على الحته دى منه ولا مش هتعمل حاجه وهتسيح بعد كده ؟

[aldesha989]

حطيت فى الشرخ المادتين ولسه ما زودتش مايه سايبها لحد ما انزل اروح مشوار علشان تكون نشفت وابقى اشوف هعمل ايه ايه ومستنى رائيكم

[abokoko]

الرداتير من الاشياء المهمه التى يجب عدم اهمالها
المادتين - حل مؤقت - حتى لو اتمنع البخر -
الرداتير الالومنيوم غالبا بيتغيير وبيكون الاصلاح معاه صعب
الرداتير النحاس غالبا بيتصلح مهما كان مكان الشرخ او الخرم
الردتاير الالومنيوم كفائته اعلى فى التبريد من النحاس

[aldesha989]

الرداتير من الاشياء المهمه التى يجب عدم اهمالها
المادتين - حل مؤقت - حتى لو اتمنع البخر -
الرداتير الالومنيوم غالبا بيتغيير وبيكون الاصلاح معاه صعب
الرداتير النحاس غالبا بيتصلح مهما كان مكان الشرخ او الخرم
الردتاير الالومنيوم كفائته اعلى فى التبريد من النحاس

بس اللى اتشرخ ده الوش االفايبر مش الالومنيوم هل برضه هيكون حل مؤقت

طب الحل العملى ايه فى الوش الفايبر يتغير ولا الرادرياتير كله يتغير ؟

[abokoko]

العلبه الفيبر بتتغيير بالكامل
مش عارف سعرها ممكن تكون فى حدود 60/80 جنيه جديده
لو الرداتير سليم غير وان شاء الله تنتهى المشكله

[aldesha989]

طب دلوقتى فى مايه بتسقط من تحت الماتور وبعيده عن الردرياتير المايه دى جايه منين :(

انا تعبت

وكمان خليت واحد بتاع ردرياتير يبص عليه بيقولى نغيره وانا مش حمل حاجه دلوقتى
وبيقولى مش هتلاقى جديد هات كيا برياد سيدان بس هيبقى اصغر مش اكبر مش عارف اعمل ايه

وتفتكرو المايه دى ايه اللى بيخليها تسقط من الماتور جوان وش سلندر ده ولا ايه ؟

[aldesha989]

يا رجاله ؟

[aldesha989]

:S ٍ

[Elawany13]

التسريب ممكن يكون من حلجات كتير
زى افيز مش مربوط كويس
ماسورة مصديه ومخرومة
عندك طبتين ميه فى الماتور ممكن يكونوا بايظين
الموضوع محتاج انك تنزل تحت العربيه الصبح قبل ما تدور وتشوف التسريب

[aldesha989]

التسريب ممكن يكون من حلجات كتير
زى افيز مش مربوط كويس
ماسورة مصديه ومخرومة
عندك طبتين ميه فى الماتور ممكن يكونوا بايظين
الموضوع محتاج انك تنزل تحت العربيه الصبح قبل ما تدور وتشوف التسريب

انا النهارده كنت نازل قولت ازود الردرياتير قبل ما ادور لحسن ما يكنش فيه مايه

ببص لقيته مليانه على اخره

قولت يبقى اكيد هو الشرح اللى كان بيهوى المايه
وخليت الميكانيكى يبص قالى مافيش حاجه بس هو ما نزلش من تحت بس معنى انى سايبها من امبارح الساعه 8 لحد دلوقتى الساعه 1 يعنى مافيش تسقيط مايه من تحت ولا حاجه وهى المروحه اللى كانت بتنطر المايه على قاعدة الفتيس

موال جديد علشان اغير الردرياتير حسبى الله ونعم الوكيل فى اللى باعلى العربيه اللى ينتقم منه

[Dr.A.Nabil]

غيره وريح دماغك