سؤال محيرنى بخصوص الردرياتير السربانتينه

[aldesha989]

السلام عليكم ورحمة الله وبركاتة

دلوقتى يا شباب انا ان شاء الله هغير الردرياتير قريب جدآ
ومش عارف عندى السرباتينه حالتها ايه بس مصديه ومعوجه ومش واثق فيها

العربيه مازدا 121 موديل 98

فكنت بفكر لو جبت سربانتينه جديده زى بتاعت العربيات الجديده اللى بتبقى ردرياتير وسربانتينه فى نفس الوقت هل تمشى معايا ؟
واعمل لها قربه زى العربيات الجديده ازود منها المايه ؟

ايه رائيكم والموضوع ده يمشى ازاى انا شوفت حوض العربيه بتاعت ابن خالتى بس هو السربانتينه بتاعته كبيره وراكب عليها مروحتين هى شيفورليه لانوس

بس الموضوع ده طق فى دماغى دلوقتى ايه انس حاجه تركب عندى بحيث انى اشيل السربانتينه والردرياتير وبدل ما هما واخدين مكانين يبقى مكان وااحد واركب مروحه كبيره بسرعتين تشتغل على التكيف والردرياتير

بس هل هينفع اعدل وتبقى زى العربيات الجديده وبلا ردرياتير بلا قرف ؟

[aldesha989]

؟؟؟

[م.محمد علاء]

معلش.انا عايز افهم.؟
هو ايه السربنتينه و ايه الرادياتير؟؟
المفترض إن الراياتيرر عباره عن سربنتينه
السربنتينه هي كل مبادل حراري غير مختلط و عليه الريش او الزعانف

[aldesha989]

معلش.انا عايز افهم.؟
هو ايه السربنتينه و ايه الرادياتير؟؟
المفترض إن الراياتيرر عباره عن سربنتينه
السربنتينه هي كل مبادل حراري غير مختلط و عليه الريش او الزعانف

في القديم السربانتينه بتاعت المايه اسمها ريدرياتير وبيكون فيها غطاء بيتزود منها المايه للردرياتير والتكيف له سربنتينه منفصله

فعلشان كده بفكر لو ينفع اجيب واحده من بتاعت العربيات الجديده وادمج الاتنين فى بعض واريح دماغى واركب مروحه سرعتين او مروحتين وش وضهر او اى حاجه بس المهم ان الفكره الاساسيه تنفع والمراوح نتصرف فيها

[michohat]

يعنى عاوز تستخدم سرنتينه واحده
وتحط فيها مياه للردياتير و فريون للتكيف؟

ازاى كده
هيكون مفيش فصل بين المياه والفريون

[aldesha989]

يعنى عاوز تستخدم سرنتينه واحده
وتحط فيها مياه للردياتير و فريون للتكيف؟

ازاى كده
هيكون مفيش فصل بين المياه والفريون

امال العربيات الجديده مش بتبرد فى السربانتينه ولا بتبرد ازاى ؟

[besso]

الردياتير هو هو السربنتينه اختلاف الاسم فقط لكن التطبيق واحد اللى هو عباره عن مبادل حرارى

فى العربيات الجديده بيبقى فى ردياتير(سربنتينه) للعربيه وقدامه او تحته سربنتينه التكييف
وبيبقى فيه اتنين مراوح علشان تسحب كميه هواء اكبر

دى كل الحكايه

[aldesha989]

الردياتير هو هو السربنتينه اختلاف الاسم فقط لكن التطبيق واحد اللى هو عباره عن مبادل حرارى

فى العربيات الجديده بيبقى فى ردياتير(سربنتينه) للعربيه وقدامه او تحته سربنتينه التكييف
وبيبقى فيه اتنين مراوح علشان تسحب كميه هواء اكبر

دى كل الحكايه

انا فاهم يا جماعه ان الردرياتير هو اسمه سربانتينه بس معلش لما يكون عندى واحد بغطى هسميه ردرياتير ولما يكون عندى واحد من غير غطى هسميه سربانتينه

انا مش مشكلتى المسميات دلوقتى يا جماعه انا مش بسئل عن الاسماء

انا دلوقتى بسئل لو عايز اعمل التبريد زي العربيات الجديده
بتبقى سربانتينه واحده بس وبتبرد التكيف والمايه بتاعت الماتور اعمل ايه ؟؟؟؟

[aldesha989]

؟؟؟

[aldesha989]

ايه يا شباب

[michohat]

المعلومه اللي عندي
ان العربيات الجديده فيها 2 سربنتينه
واحده فيها مياه ودي لتبريد الموتور
والتانية فيها الفريون ودي لعمل جهاز التكييف

معرفتش ان فيه عربيه فيها سربنتينه واحده بتجمع بين الاتنين

[aldesha989]

المعلومه اللي عندي
ان العربيات الجديده فيها 2 سربنتينه
واحده فيها مياه ودي لتبريد الموتور
والتانية فيها الفريون ودي لعمل جهاز التكييف

معرفتش ان فيه عربيه فيها سربنتينه واحده بتجمع بين الاتنين

انا للاسف ما لقيتش صور الشيفورليه لانوس من نحيه السربانتينه بس انا شوفتها عن ابن خالتى سربانتينه طويله وفيها بيحصل التبريد والفريون

طب ما علينا هل ينفع اجيب سربانتينه تبريد واعملها قربه زى الجديد ؟

وايه انسب حاجه لعربيتى ممكن اجيب سربانتينه تبريد ماتور زى الدايو واجيبلها قربه بخرطوم ؟

[aldesha989]

يا رجاله

[aldesha989]

انا اللى عايز افهمه دلوقتى بس هل ينفع اجيب سربانتينه تبريد زى اللى فى العربيات الجديده اللى مش بتتملى بشكل مباشر بتتملى من القربه واجيب قربه واحطه فى مكان وبس ؟

وايه انس حاجه عندى
انا عندى الردرياتير اتنين ماسورد واحد فوق يمين والتانيه تحت شمال دول بس اللى فيه ايه انسب حاجه من الجديد ممكن يركب عندى بحيث انى اعدل وتبقى زى العربيات الجديده وكده كده انا مضطر اغير الردرياتير لانه ملغى منه مواسير كتير والخزنه كمان مشروخه من فوق وعاملها بمادتين

[A.Saad]

العربيات التانية فيها سربتينة للتكييف للفريون
دى قدام الردياتير بينه وبين الحوض
ممكن متبنش من الكبوت علشان بتبقى اصغر
لكن لو بصيت من الشبكة هتشوفها

الردياتير
ده للمياه
فيه نوعين
دورة تبريد مغلقة ودورة تبريد مفتوحة
نوع فيهم بيتزود مياه من القربة والردياتير مالوش غطا
النوع التانى له غطا فى الاتنين