الاعضاء ساكنى المقطم

[malta]

السلام عليكم
انا عايز اسال سؤال كان فى واحد قريبى قالى ان معظم الناس الساكنة فى المقطم خصوصا الهضبة العليا عربياتهم بتتهلك بدرى عشان المطلع و فى النزول تيل الفرامل هل الكلام ده حقيقى انا نفسى انقل هناك و عندى تجربة مش عارف ان كانت بسبب الكلام ده ولا ايه كان معايا فيات 125 وكانت ماشية زى الفل و جالى شغل فى المقطم كنت تقريبا بروح كل يوم من ناحية المودرن اكاديمى المطلع ناحية قصر الفخرانى و بعدين العربية زعلت و فتحت بقها و اديها مرمية من ساعتها و صحابى قالولى دى من طلعة المقطم لان المطلع ده صعب اوى ياريت الاخوة الفاهمين ميكانيكا يقولولنا الكلام ده علمى ولا

[jankiez]

ده حقيقي
المقطم سيئ للغاية في طرقه وخاصة المطالع اللي من الهضبة الوسطى

السكان هناك كل واحد حافر مطب قصاد بيته عشان ياخد بيه مرافق وخدمات والحي مش مهتم بالطريق

يعني اجدع عربية عفشتها هتروح في داهية لو واظبت على المشوار ده لمدة شهر واحد


بالنسبة للطلعة اللي حضرتك بتقول عليها فهي مائلة ومنحدرة جداً .. فعلاً هي بتحمل على موتور العربية وخاصة لو كانت العربية محملة وفيها ناس او حاجات تقيلة

[AMIR FAROUK]

ده يعتمد على اسلوب سواقتك ومعاملتك مع المطالع ومعاملتك عموما مع الطرق والمطبات
انا فى المقطم من 2001 وحتى الان وشغلى بره المقطم وبستخدم كل مطالع المقطم يوميا
ولله الحمد فى الفترة دى محصلش معايا مشاكل لا فى الموتور ولا العفشة بسبب الطرق
الخلاصة اسلوب سواقتك واعتنائك بعربيتك واستيعابك لامكانياتها وتعاملك معها على هذا الاساس هو اللى يحافظ او يهلك العربية

[malta]

ياريت حضرتك توضح اكتر كيفية التعامل الصحيح مع المطالع للحفاظ على العربية و لك جزيل الشكر و قلبى معاكم على ما يحدث فى المقطم الان

[Sehsss]

أنا بقالي 5 سنوات في المقطم وطالع نازل بدون أي مشاكل الحمد لله، ولا موتور ولا عفشة، بالعكس المقطم دلوقتي تقريبا كله اتسفلت من أول وجديد

[mostafa3000]

أنا في المقطم من ١٩٩٨ ومفيش اي مشكلة في المطلع

[malta]

الف شكر على الردود ربنا يطمنكم

[Eng_hatemfathy]

مشكلة المقطم هي الهضبة الوسطى والحفر الرهيبه فلو حضرتك زى حالاتى بتجري هتحتاج تربك عفشه باستمرار وطبعا هتققل عمرها لكن بالنسبه للمطالع والمنازل مفيش منها مشاكل والمهم انك تدى الغيار المناسب ولو اتوماتيك هيا هتظبط نفسها
الهضبه العليا بعد الغاز بتتظبط كلها وشارع 9 بيتحسن وقرب يخلص

[Sehsss]

مشكلة المقطم هي الهضبة الوسطى والحفر الرهيبه فلو حضرتك زى حالاتى بتجري هتحتاج تربك عفشه باستمرار وطبعا هتققل عمرها لكن بالنسبه للمطالع والمنازل مفيش منها مشاكل والمهم انك تدى الغيار المناسب ولو اتوماتيك هيا هتظبط نفسها
الهضبه العليا بعد الغاز بتتظبط كلها وشارع 9 بيتحسن وقرب يخلص

الهضبة العليا خلصت يا باشا خلاص المشكلة في شارع 9 مش الهضبة الوسطى، يعني بعد المفارق لحد آخر الشارع أنضف حاليا من شارع 9، واضح إن بقالك كتير ما روحتش

[Nistelrooy]

قبل كدا كنت نازل من منزل في المقطم مش عارف اسمة اية .. جنب سور جنينة او حديقة كدا
منزل ابن لذذيين اوي فجاة لف بيا لفة العربية عومت وكنت هلبس في الرصيف بس الحمدلله

كنت نازل بسرعة وفجاة زادت حدة الملف وحصل الي حصل ..

[D . a .\ AYMAN]

المطالع والمنازل غير مؤثرة على العربية نهائيا ... لأن الى انت هاتصرفه مجهود على العربية وانت طالع هاتريحها بيه وانت نازل المهم تدي الغيار المناسب سواء وانت طالع أو وانت نازل عشان ماتفضلش حاطط رجلك على الفرامل

وعلى فكرة التجمع الخامس أعلى من المقطم بحوالي 150 - 200 متر في أماكن كتير وبتوصل لـ 400 متر جوة خالص

لكن المشكلة في السفلتة البايظة اللى بنهلك عفشة أي عربية .,.. ودي المشكلة اللى مصر كلها بتعاني منها ... مش التجمع ولا المقطم بس

[adham_gouda]

انا فى المقطم من 1994 وعملى فى المعادى وعربيتى كويسة والحمد اللة كلة بيتوقف على التعامل والمحافظة على العربية بالنسبة للمنزل من العليا الى الوسطى ناحية الفخرانى حلو فى المنزل ولكن عند الصعود لااستخدمة وباستخدم طريق النافورة من ناحية مدارس الواحة للمحافظة والحمد اللة لم اشتكى من حاجة يعن لو الانحدار قوى لاداعى لاستخدامة اول استخدامى لسيارة فى المقطم كانت بولونيز ويليها لانوس 2000 زيرو حتى الان والحمد اللة .

[AHMED MOHSEN]

ههههههههههههههه , ضحكتني يا جدع
ما البلد كلها طرقها كده , دي مش طرق دي دحنا كأننا خارجين من حررب
حسبنا الله ونعم الوكيل

[al_manara]

المطالع والمنازل غير مؤثرة على العربية نهائيا ... لأن الى انت هاتصرفه مجهود على العربية وانت طالع هاتريحها بيه وانت نازل المهم تدي الغيار المناسب سواء وانت طالع أو وانت نازل عشان ماتفضلش حاطط رجلك على الفرامل

وعلى فكرة التجمع الخامس أعلى من المقطم بحوالي 150 - 200 متر في أماكن كتير وبتوصل لـ 400 متر جوة خالص

لكن المشكلة في السفلتة البايظة اللى بنهلك عفشة أي عربية .,.. ودي المشكلة اللى مصر كلها بتعاني منها ... مش التجمع ولا المقطم بس

هو في مكان في القاهرة اعلي من جبل المقطم !!

[Sehsss]

هو في مكان في القاهرة اعلي من جبل المقطم !!

السادس من أكتوبر أعلى من المقطم