تقرير مبيعات السيارات في مصر النصف الأول 2008

[Ahmed Anwer]

فى مؤتمر صحفى عقد مساء امس باحد فنادق القاهرة الكبرى اعلنت رابطة معلومات سوق السيارات" Amic Egypt "عن مبيعات سوق السيارات فى النصف الاول من العام الحالى وعن التطورات التى بدأت خطواتها فى الحصول على المعلومات اللازمة للنهوض بقطاع السيارات.


وصلت مبيعات سوق السيارات خلال الستة شهور الاولى من العام الحالى الى 141.567 سيارة بزيادة قدرها 37% عن نفس الفترة من العام السابق .. وكالعادة حققت سيارات الركوب النصيب الاكبر من المبيعات ب 108.668 سيارة والسيارات التجارية مبيعات 23.858 سيارة والحافلات 9.042


احتلت شيفروليه مبيعات سوق السيارات بشكل عام بحصة بلغت ٢١٪ .وجاءت هيونداى فى المركز الثانى بحصة 19% من اجمالى السوق واستمرت تويوتا فى تفوقها الملحوظ واحرزت المركز الثالث بنسبة 11 %


وقفزت نسيان عدة مراكز الى الامام بتحقيقها مبيعات وصلت نسبتها الى 7% من السوق وتراجعت مبيعات سيارات دايو قليلا لتسحوذ على 6% بعد ان كانت 8% العام الماضى


وتراجعت متسوبيشى بشكل مخيف وصل الى النصف فبعد ان كانت مبيعاتها تمثل 8% من السوق اصبحت العام الحالى 4% فقط وصعدت سوزوكى بعد الطفرة الرهيبة فى مبيعات السيارات الصغيرة واستحوذت على 5 % من اجمالى مبيعات السوق


واذا تعمقنا فى التفاصيل سنجد ان الثلاث الكبار شيفروليه وهيونداى وتويوتا تربعوا على قطاعات السيارات المختلفة وبفارق كبير جدا عن منافسيهم ..



ففى سيارات الركوب استمر تفوق هيونداى للعام الرابع على التوالى بمبيعات تمثل 25% من السوق وجاءت شيفروليه فى المركز الثانى بنسبة مبيعات 12.6% وتويوتا فى المركز الثالث بنسبة 8% فى قطاع الحافلات او الاوتوبيسات احتكرت تويوتا المبيعات بنسبة 48% بميكروباص HiAce وجاءت سوزوكى فى المركز الثانى بنسبة 20.7 % اما المركز الثالث فكان من نصيب متسوبيشى بواقع 7.5 % من مبيعات هذا القطاع


اما قطاع السيارات التجارية فقد تسيدت شيفروليه المبيعات بشكل هائل وتجاوزت مبيعاتها 65 % من مبيعات السوق والفضل يرجع الى سيارتها النصف نقل الدبابة واحتلت تويوتا المركزالثانى بنسبة مبيعات 12% وثالثا نيسان بسيارتها البرنجى بنسبة 9%

منقول ،،،

المصدر ،،

http://www.elbashayeronline.com/?page=viewn&nid=10579

كالعادة سيارات الركوب ..... هيونداي

النقل ....... شيفرولية

الميكروباص ............. تويوتا

و الغريب تقدم نيسان و تراجع ميتسوبيشي

المشكلة بقه 140 الف عربية في نص سنة ،،

يعني هيقفلوا 300 الف علي اخرالسنة ،،

دول هيمشوا فين ؟؟؟؟؟؟؟؟؟؟؟

[wawoo]

عجيب قوى التقرير دة :

-مبيعات متسوبيشى نزلت الى النصف , غريبة فعلا ان المتسوبيشى مبيعتها تنزل فجائة كدة , يترى الناس بتبعد عن الانسر على حساب تويوتا ولا اية الحكاية , الموضوع دة جدير بالبحث .

[Ahmad Allawy]

عجيب قوى التقرير دة :

-مبيعات متسوبيشى نزلت الى النصف , غريبة فعلا ان المتسوبيشى مبيعتها تنزل فجائة كدة , يترى الناس بتبعد عن الانسر على حساب تويوتا ولا اية الحكاية , الموضوع دة جدير بالبحث .

لألألأ مش كده خالص..
الناس مسابتش ميتسوبيشي عشان تويوتا..
بس اللانسر القديمة بعد ما بقي سعرها مبالغ فيه بدرجة كبيرة..
و مهما كان مبالغ فيه.. فهو احسن بتكير من سعر الكورولا الجديدة..
و النيسان بصراحة انا مبسوط عشان التطور ده.. ده حقها الطبيعي.. و لسة هتعلي عن كده..

[wawoo]

لألألأ مش كده خالص..
الناس مسابتش ميتسوبيشي عشان تويوتا..
بس اللانسر القديمة بعد ما بقي سعرها مبالغ فيه بدرجة كبيرة..
.

مهو زى ما انت شايف اهة يا احمد المبيعات نزلت النص , و دة فى سيارات الركوب , انا بصراحة مش شايف اى خطوة عملتها الشركة لتعويض هذا النقص , الاسعار هى هى و كان شىء لم يكن , لو شركة تانية بتهتم بحصتها فى السوق كانت عملت اللالى عشان تحفظ على مكنها , و خصوصا ان عندها سيارات نجحة , يترى اية سر التراجع الخطير دة فى المبيعات , و هل السيارات الخليجى دخلة فى التقرير دة ولا لاء , يمكن تكون هى السبب فى التراجع دة و الله اعلم , محتاجين متخصص متسوبيشى يقولنا اية الموضوع , فينك يا بشمهندس طارق .

[mohamed ibiza]

و انا اقول الزحمه الرهيييييييبة دي جايه منين :)

[hazem_khidr]

ولسه
طول ما القسط شغال
حتلاقي المبيعات حتزيد اكتر و اكتر
انا عندي معرض بلاقيه منزل 15 عربيه
اجي الاسبوع اللي بعده الاقيه منزل 15 غيرهم و هكذا!!!!!!!

[wawoo]

ولسه
طول ما القسط شغال
حتلاقي المبيعات حتزيد اكتر و اكتر
انا عندي معرض بلاقيه منزل 15 عربيه
اجي الاسبوع اللي بعده الاقيه منزل 15 غيرهم و هكذا!!!!!!!

عربية اية دى اللى بتبيع 15 فى الاسبوع , موديل واحد ولا مودلات مختلفة

[Yarisawy]

بس كويس ان تويوتا فى الترتيب الثالث لسيارات الركوب مع ان لديها الياريس فقط والكورولا يعنى تقريبا عربيتين فقط دون الاخذ فى الاعتبار العربية افانزا

هيونداى لديها عربيات اكثر تنوعا ثم شيفروليه ثم تويوتا

بس فعلا دول اكثر 3 انواع سيارات منتشر الآن

[yasermohameds]

فيه جزء مهم انا تاجر سيارات وكل يوم بيكلمنى ناس كتير وبيسال ناس اكتر الكل بيسال عن اشياء معينه لما نرجع للزمن لمده سنه واحده يس كانت الاسئله مختلفه يعنى اليوم مش فارق السعر لانه بيدفع قسط ولو زادت السياره 5000 جنيه معنى كده ان القسط حيزيد 83 ج فى الشهر بس وده بالنسبه لناس كتير مش مهم
من سنه كانت دى مشكله والزبون بيهرب علشان سيارة فيها زياده 1000 ج مش 5000ج
من شهر كان العميل لا يسال عن البنك الممول الان العميل بيطلب بنك معين للتعامل معه
يعنى كل يوم فيه تغيير لكن بعض الوكلاء غير مهتمين بذلك وبالتالى نجد تغير فى الخريطه من توكيل الى توكيل
النقطه التانيه ان البنوك علشان تاخد حصه من التورته اللى هيه السيارات بدات تدى لمندوب البيع عموله علشان تحفزه ولازم التوكيلات تدخل تحفز مندوب الشركة لان 90% من الزبائن مشتتين ومن تنوع المعروض مش عارف يشترى ايه انا عندى ناس بتشترى منى كل يوم برأى بل كل ساعه بقرار واول ما بيوصل اى معرض بيكون غير قراره وكمان نصهم بعد ما بيدفع المقدم بيغير تانى رايه وبيحاول يغير العربيه
كدهتبقى البنوك اللى مش فنيه فى السيارات دخلت السوق بدراسات واثرت على الزبون فى قرار التمويل والعكس بالنسبه للوكلاء لم يكن لهم وجود يذكر فى قرار العميل القرار فى يد مندوب البيع وتوجهات صاحب المعرض بمعنى ان فيه سياره معينه سعرها جميل وشكلها اجمل وقطع غيارها متوفره ولكن العميل مش راغب فيها للاسباب التى ذكرت بعض منها والمفروض ان العميل قبل ما ياخد قرار الشراء يكون له راى 80% فى السيارة اللى حياخدها والبنك اللى حيموله وبعد ذلك ياتى اقناع المندوب فى المعرض بالسيارة ولكن الان العكس هوه الموجود وده لان الوكيل بيعمل دعايه مش ما بيعملش لكن مش بتاثر فى العميل بدرجه كبيره والدليل انه بيغير رايه كذا مره بعد ما بيكون اتخذ قرار شبه نهائى
النقطه التالته بدات مشاكل الاستيراد من الخارج تظهرولم تتكيف بعض التوكيلات مع التغير اللى حصل فى السوق بمعنى ان الاستيراد مربوط بتاجر وهوه وشطارته انه يجيب السيارة من الخارج ويدخلها فى مصر فى وقت معين وتكون النوعيه دى مطلوبه او يخزنها الى ان تتاح له الفرصه ببيعها بالسعر المناسب له ودى مشكلة التوكيلات ان سعرها مغالى فيه وكمان السياره مش موجوده طول الوقت يعنى بالحجز ومرات الحجز بيطول الى 6 اشهر لان الوكيل غالبا لا توجدعنده السياره ولا توجد عنده دراسه لاحتياجات السوق او الدراسه موجوده بس مش دقيقه
النقطه الرابعه وهى خاصه بالسيارة لانسر من متسوبيشى ان الشكل الجديد لم تعلن عنه الشركة بالشكل الكافى وبالتالى الزبون لا يرغب فيه لانه شكل غريب شويه بخلاف التيوتا الكرولا اعلن عنها الوكيل بشكل جيد والشكل الجديد اكثر قابليه على المدى القصير من الشكل القديم وبالتالى ذادت مبيعاته من الوكيل ومن الاستيراديعنى لو العكس حصل من شركة متسوبشى كان اتغير الميزان لصالحها بس مش كتير وزى ما قلت قبل كده ان فرق ال 5000ج بالنسبه للعميل لا يمثل مشكله وبالتالى حتى لو الفرق بين تويوتا وبين لانسر 10000ج حيبقى القرار لصالح تويوتا لان شكلها احسن واسمها اقوى عالميا
اما السيارات الصغيرة فبدون منافس الى الان السياره الماروتى تتربع على القمه لعدم وجود المنافس فى السعر او قابلية الشكل او القرارات الجديدة المدعمه لها من الدوله
مع اقتراب السياره البيكانتو رغم فرق السعر ولكن مع وكيل قوى يرغب فى تعديل الخريطه لصالحه وبدون ضجيج وبمساعده من الشركه الام فى كوريا بالنسبه للدعايه والاسعار
النقطه الاخيره وهى السياره الصينيه وهى تتقدم بخطوات متعثرة فى السوق بعيدا عن الاسبرانزا بوكيلها الشاب التى تتقدم بخطوات كبيره نظرا لتنوع الموديلات مع التحميل على السيارات الدايو والتى توقف نموها منذ اكثر من سنتين
اما السيارات الفاخره فانقلب الحال الى صالح بى ام دبليو وفولكس فاجن خصما من المرسيدس وذلك لفروق السعر الواضحه وتقبل الشكل الجديد بالنسبه للمشترين
واتمنى ان اكون اختصرت المداخله بما يخدم مستخدمى المنتدى وامنيتى هى اعداد دراسه بسيطه لنشرها على المنتدى لنناقشها سويا ونستفيد منها بائعين ومشترين فى القريب العاجل باذن الله

[wawoo]

النقطه الرابعه وهى خاصه بالسيارة لانسر من متسوبيشى ان الشكل الجديد لم تعلن عنه الشركة بالشكل الكافى وبالتالى الزبون لا يرغب فيه لانه شكل غريب شويه بخلاف التيوتا الكرولا اعلن عنها الوكيل بشكل جيد والشكل الجديد اكثر قابليه على المدى القصير من الشكل القديم وبالتالى ذادت مبيعاته من الوكيل ومن الاستيراديعنى لو العكس حصل من شركة متسوبشى كان اتغير الميزان لصالحها بس مش كتير وزى ما قلت قبل كده ان فرق ال 5000ج بالنسبه للعميل لا يمثل مشكله وبالتالى حتى لو الفرق بين تويوتا وبين لانسر 10000ج حيبقى القرار لصالح تويوتا لان شكلها احسن واسمها اقوى عالمياله

غريبة فعلا ان مافيش اى دعاية عن الانسر الجديدة , يبدو ان بعض الشركات السيارات قررت تستغنى عن الدعاية على اساس انها فلوس على الفاضى , اهة جات فوق دماغهم و لو ملحقوش يتصرفو بسرعة حصتهم حتقل اكتر و اكتر , و تختفى سمعة اللانسر فى مصر مع الوقت , شكرا يا ياسر على توضيحك دة , و هى الشركات لية مش بتعمل تخفيضات او عروض زى اى سلعة , و خصوصا ان مودلات 2009 على الابواب , غريب فعلا السوق فى مصر

[Ahmed Anwer]

معلومة عرفتها ان التقرير ده يشمل السيارات المباعة بواسطة الوكلاء فقط

يعني حطوا كام الف كمان سيارات خليجي

و مش هيكونوا نسبة صغيرة