هو انا ينفع اغير فلتر بدون ما اغير زيت ؟؟

[joseph661]

سرال هل ينفع اغير فلتر الزيت منغير ما اغير زييت ولا لما افتح الفلتر علشان اغيره الزيت كله هيتكب ؟؟

[Sehsss]

طيب وحضرتك عاوز تعمل كده ليه ؟؟

[Elawany13]

الزيت هيتكب طبعا

[joseph661]

لانى لسة مغير زيت امبارح واخويا نسى يغير الفلتر فا انا عايز اغير الفلتر دلوقتى حتى لو شوية زيت نقصوا مش مشكلة بس طبعاً مش الزيت كله يتكب
زشكرا لرد حضرتك

[ahmedhilmy]

ينفع بس هتزود شويه زيت اللي بيشلهم الفلتر

[joseph661]

الزيت هيتكب طبعا

الف شكر لرد حضرتك

انا فعلاً فكرت لقيت ان اكييد الزيت هيتكب

بس لما فكرت تانى قولت ما الزيت بيبقى موجود فى الكارتيرة تحت والفلتر فوق يبقى هيتكب ازاى ؟؟

[joseph661]

ينفع بس هتزود شويه زيت اللي بيشلهم الفلتر

الف شكر لرد حضرتك

وشكرا على المعلومة

[aldesha989]

بص لضمان انك ما تفقدش الزيت ممكن تنزل الزيت تانى فى جركن وتغير الفلتر وترجع تحط الزيت تانى

وزى ما انتا قولت الكرتيره تحت والفلتر فوق مش هتخسر غير الزيت اللى جول الفلتر وهتجيب كيلو من نفس نوع الزيت اللى انتا حطيته وتزود

بس الفكره الاولى احسن علشان تبقى عارف انتا هتحط قد ايه ومش هيروح منك زيت لكن لما تزود انتا مش عارف اصلآ اللى اتفقدو قد ايه علشان تزود على اساسه فا الافضل انك تنزل الزيت كله وتغير الفلتر وتحط الزيت تانى

[abokoko]

فى عربيتى اللادا
الفلتر طلع نوعه وحش ولقيته بيسرب زيت على خفيف
ربطنا عليه
وتانى يوم لقيته لسه بيسرب الزيت
الراجل غير الفلتر بحرص
يعنى كان مجهز الجديد وبمجرد ما فك القديم - ركب الجديد مباشره
وعلى فكره ما كنشي فى اندفاع للزيت بالصوره اللى كنت متصورها
يعنى الزيت اللى وقع على الارض شويه قليلين
وزودت زيت ( بدلا من الزيت اللى اتسرب من الفلتر + الزيت اللى وقع على الارض عند تغيير الفلتر ))
كل اللى زودته - نص كيلو