احسن زيت للعربية !!!

[grinsh]

السادة الافاضل اعضاء المنتدي الكرام

يا ريت نفتح الكلام شوية في موضوع زيوت العربيات وارائكم ونصائحكم من خلال التجارب حتي تعم الفائدة علي الجميع ...

ماهو افضل نوع زيت حاليا في مصر ؟؟

ايهما افضل ولماذا زيت 5000 ام 10000 ؟؟؟

اخيرا رايكم في زبت كاسترول لو حد جربه ؟؟؟؟

في انتظار ارائكم ومقترحاتكم .....

[Survival]

فى الجو الحلو بتاعنا يبقى اظن يفضل ال 5000 هيبىقى احسن خصوصا فى الصيف بالاخص لو استهلاكك قليل و جوه البلد لكن لو استهلاكك سريع و على طرق مفتوحة يبقى ال 10000 افضل. دا بفرض ان الخواص بتاعت الزيت ثابتة لكن اللى اعرفه ان ال 10000 بيبقى خواصه افضل.

[Amr Axel]

بص يا باشا خلينا نتفق ان مفيش حاجة اسمها احسن زيت للعربية لكن فيه حاجة اسمها الزيت اللي يناسب العربية و الظروف المحيطة مش بالنوع لكن بتكنولوجيا التصنيع و اللزوجة

نيجي لنقطة زيت 5000 و زيت 10000 ده كلام خاطئ تماما التقسيم الصح هو زيت معدني و زيت نصف تخليقي و زيت تخليقي
طب ليه بيتقال زيت 5000 و زيت 10000 مجرد كلام او العمر التقريبي للزيت لأن المعدني مستخلص فبيكون عمره اقل لكن انا عملت بيه قبل كده 8000 و مرة مكملش معايا 4000 طب ليه بيقولوا التخليقي 10000 نظرا لأنه مصنع بالكامل حسب مواصفات معينة فبيستحمل اكتر من المعدني فعمره ممكن يدخل في 10000 لكن طبعا ممكن يوصل لأكتر و ممكن ميكملش و طبعا مع مراعاة الوقت يعني لا يفضل انك تسيب الزيت في الموتور اكتر من 8 شهور في الموتور للتخليقي و المعدني كبيره 4 - 6 شهور نظرا للأكسده و حفاظا ع الموتور و خلافه
نيجي للنقطة المترتبة ع الكلام اللي فات ازاي الزيت يكمل و ميكملش المدة ديه بقي تعتمد ع كذا حاجة طريقة السواقة و الجو او ظروف المحيطة يعني لو واحد ماشي بيحرق طول الوقت و الجو حر الزيت مش هيكمل معاه عكس واحد سواقته هادية ناقص يوق فوق الرصيف
طب التيجة اللي هترتبع اللي فات او اعرف ازاي ان الزيت يتغير ده عن طريق لزوجة الزيت و ريحته بناءا عليه يتغير او لو عايز تمشي ع جدول صيانة و تغيره كل فترة للمحافظة ع الموتور براحتك بس انا افضل دايما متابعته لكن ميقعدش كتيير و فيه كتالوجات مكتوب فيها ان المُصنع بينصح الزيت يقعد مدة معينة في الموتور و يتغير ع سبيل المثال عندي يفضل تغييره كل 5000 او 4 شهور فيه مواتير 8000 فيه مواتير 10000 حسب نصيحة المُصنع
طب هنا هتترتب نقطة تانية يجي واحد يقولي طالما هغير كل 5000 طب مانا احط الزيت اللي بيقولوا عليه 5000 او المعدني لأ طبعا ده كلام غلط انت بتحط اللزوجة اللي تناسب الموتور يعني لو مكتوب عندك 5w30 يبقي تحط 5w30 كبيرك 5w40 و ده اللي غالبا هتلاقيه في المواتير الحديثة نظرا لأن الخلوص صغير محتاج زيت يقدر يتوغل في اجزاء الموتور عكس الزيت التقيل هيكون صعب يوصل و بالتالي مكن يأثر ع الاجزاء و البلوف و غيره
طب ايه الارقام ديه رقم 5 او الرقم الاصغر دايما بيشير للزوجة الزيت في درجات الحرارة المنخفضة و كل ما قل كل ما كان أفضل و اسهل في الوصول لأجزاء الموتور في بداية التشغيل اما الرقم الاكبر بيشير لدرجات الحرارة العالية
طيب هيجي واحد يقولي المواتير اللي عدت 100 الف يتحطلها معدني ما احنا اتفقنا الكلام ده مش صحيح طالما موتورك سليم لكن اللي المفروض تعمله تحط تخليقي زي ما انت لكن تغيره ع فترات اقرب
طبعا نضيف ان التخليقي بيحافظ ع نضافة الموتور و ادائه عك المعدني هتلاقي رواسب كربونية ع جدار الموتور
طبعا فيه نقطة مهمة تغير فلتر الزيت مع كل تغييره حتي لو غيرت الزيت ع 3000 و تستخدم نوع نضيف و يفضل الاصلي من التوكيل و برده مفيش حاجة اسمها فلتر 5000 و فلتر 10000 اللي بيقولوا عليه 5000 تلاقيه خامته اقل من الي بيتقال عليه 10000 او نوعيته اي كلام و ابو 10000 خامته أفضل و غالبا هيقولك ياباني او الماني او كوري

بخصوص انواع الزيت حاليا انا بفضل شل و كاسترول و فالفولين و فيسكو

[TIM.CENRO.GS]

القواعد الذهبية لاختيار زيت العربية.... موسوعة مبسطة لأساسيات زيوت المحركات
جرب اللينك دة http://www.nilemotors.net/Nile/341680-a.html
موضوع كامل شامل علمى مغطى كل حاجة
تم رفعه بواسطة borio1704

[S O P H O S]

طب العربية ايه وموديل ايه ؟

[Formulator]

موتور جديد -زيرو:
يبقى تلتزم بزيت Fully-synthetic دى أساسيات!
- ومش لازم تغيره على 10000 على فكرة؟!! يعنى ممكن تقلبه على 5000-7000 كم؟!!
(دا لو انت عايز تدلع عربيتك يعنى)!
أو بتقرص وبتشد وتحرق كتييييييييير، وحسيت ان الزيت فقد خواصه بعد كام ألف كم؟؟!!!

أفضل أنواع فـ مصر حاليا (تجارب الـfully-synthetic) التخليقى بالكامل:

- شيل هيلكس Ultra الفيررارى 5w-40 (من بنزينات شيل الكبيرة)
- كاسترول إيدج (من بنزينات طاقة فقط -خد بالك فيه مضروب)!
- LiquiMoly الـTop-Tech 4100 والـHigh-Tech Leichtlauf تجاربهم جيدة!

أعتقد دى أفضل زيوت فـ مصر: وفـ مواتير متونة كمان مش stock

لكن تحط زيت semi-synthetic نصف تخليقى أو synthetic-blend (اللى بيقولوا عليه 5000) فـ موتور زيرو: يبقى حرام عليك!!

Rgds،