الجماااااارك انخفضت ٢٥٪ يا رجاااااااله !!!!!!!!!!!!!!!!!!!!!!!!!!

[Vetibrahim]

بي ام ومرسيدس وجيب وهيوانداى أبرز المستفيدين من تخفيض الجمارك

دا إيه الكلام دا يا رجاااالة ولا الراجل هيرجع تاني ف كلاااامه :D

دا علي كدا ال bm والمرسيدس هينزل النص ولا أنا فاهم غلللط

[khaabas]

لا فاهم غلط

[Khaled Lanos]

يعني كل عربية هتنزل كام ألف أو كام بالمية من قيمتها؟

[S O P H O S]

ده حقيقي ؟

[Vetibrahim]

شكلي فهمت غلط

قرار تعديل التعريفة الجمركية

اقرأ ص ٤ و ٥


بس حلوا السيارات الهيبرد دي و قطع الغيار المفككة تفكيكا كاملا حلوة بردو مفيش كلام :D

[islamnasser10]

اللي فهمته ان العربية عليها ضرايب وجمارك وسيف وارد ورسم تنمية ومسميات كتير كدة
المهم هو فيه ضريبة من الضرايب دي هيتعمل عليها تخفيض 25% بس كدة
يعني العربية ال 1600 سي سي لو ب 100 الف هتنزل بتاع 3 بواكي او 4 قول 5
وهي اصلا طالعه بال 10 بواكي من شهرين بسبب فرق العملة يعني معملناش حاجة

[hossam165]

قرار جمهورى بتخفيض ضريبة استيراد السيارات بنسبة 25%


شمل قرار الرئيس محمد مرسى رقم 184 لسنة 2013 بتعديل التعريفة الجمركية، قرارا ًهاما، بتخفيض ضريبة الوارد المقررة على السيارات بنسبة 25%، وذلك بالنسبة للسيارات التى تعمل بالبنزين وكذلك بالغاز الطبيعى.

ونص القرار أيضا على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40%، وتخفيض الضريبة 115% من نسبة التصنيع المحلى إذا كانت النسبة حتى 60%، وتخفيض الضريبة 120% إذا بلغت النسبة أكثر من 60%.

كما نص القرار على إنشاء مجلس أعلى للتعريفة الجمركية برئاسة وزير المالية وعضوية الوزراء الذين يصدر بتحديدهم قرار من رئيس الوزراء، يختص ببحث واقتراح التعديلات الملائمة للتعريفة الجمركية، وتطوير النظم الخاصة بها، بما يتلاءم مع المتغيرات الاقتصادية، كما ذكرت قناة الجزيرة.

وتضمن أن يكون للمجلس أمانة فنية تابعة لوزير المالية يرأسها أحد شاغلى وظائف الإدارة العليا من الدرجة الممتازة، يصدر باختياره قرار من رئيس الوزراء بناء على ترشيح وزير المالية.



أبرز العلامات التجارية للسيارات التى سيشملها قرار الرئيس محمد مرسى قرارا جمهوريا يحمل رقم 184 لسنة 2013 بتعديل التعريفة الجمركية، حيث نص القرار على تخفيض ضريبة الوارد المقررة على السيارات بنسبة 25%، وذلك بالنسبة للسيارات التى تعمل بالبنزين، وكذلك بالغاز الطبيعى وهى: "كيا" و"رينو" و"هيوانداى"، شيفرولية واوبل وفولكس فاجن، بالإضافة إلى أكثر من 20 توكيلا رسميا منها توكيلات خاصة بالسيارات الصينية فقط، وبعض المستوردين من التجار عن طريق "الاستيراد الرمادى"، وهو ما يعنى الاستيراد من غير بلد المنشأ.

كما نص القرار أيضاً على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40% وبالفعل السيارات الملاكى المجمعة محليا تكون نسبة المكون المحلى بها 45% مثل بى اد دبيلو " ومرسيدس" وهيواندى " وجيب " ولادا"، بالإضافة إلى تخفيض الضريبة 115% من نسبة التصنيع المحلى إذا كانت النسبة حتى 60%، وتخفيض الضريبة 120% إذا بلغت النسبة أكثر من 60% مثل الأتوبيسات واللوارى التى تجمع بالفعل فى مصر، حيث تصل نسبة المكون المحلى بها حوالى 65%.

كما نص القرار على إنشاء مجلس أعلى للتعريفة الجمركية برئاسة وزير المالية وعضوية الوزراء الذين يصدر بتحديدهم قرارا من رئيس الوزراء، يختص ببحث واقتراح التعديلات الملائمة للتعريفة الجمركية، وتطوير النظم الخاصة بها، بما يتلاءم مع المتغيرات الاقتصادية.

وينتظر قطاع السيارات قرارا لحل أزمة السيارات الدبل كابينة والتى تنظر التعريفة الجديدة والتى تصدر من قبل وزارة المالية.

[wella3330]

الموضوع غريب فعلا !!!

ازاي طلبنا من الاتحاد الاوروبي استثناء العام 2013 من التخفيض الجمركي للسيارات الاوروبية علشان وضع الاقتصاد المصري و بعدين بيخفض الاجمارك علي ضريبة كل السيارات تقريبا .

اكيد هو خبر جيد بس ايه التناقض في القرارات بالشكل ده ؟؟

[DR_3TRAWEY]

الموضوع غريب فعلا !!!

ازاي طلبنا من الاتحاد الاوروبي استثناء العام 2013 من التخفيض الجمركي للسيارات الاوروبية علشان وضع الاقتصاد المصري و بعدين بيخفض الاجمارك علي ضريبة كل السيارات تقريبا .

اكيد هو خبر جيد بس ايه التناقض في القرارات بالشكل ده ؟؟
فعلا انا قرست نفس الخبر ده من يومين ومش فاهم حاجه من القرار الجديد ده ولا اعرف نزل امتى شكلى كدا هستنى شويه ومش هشترى اى حاجه دلوقتى لغايه الدنيا ما تهدى

[heldin_67]

أهم شئ ان الشعب مش فاهم حاجه

بلد التناقضات حتي القرار غامض و محتاج درس خصوصي علشان نفهمه و أكيد كل شركه حتفسره علي مزاجها و كأن شيئا" لم يكن-------

تحياتي لاعضاء المنتدي المحترمين

[fa_hashem]

انا اللي فهمته ان قيمة الوارد هتنخفض حوالي 25 %
قيمة العربية سيف = سعر العربية بالعملة الاجنبية مضروب سعر الصرف( تسليم بلد المشتري )
قيمة ضريبة الوارد = قيمة العربية سيف مضروب في 40 % ( هي ديه بيت القصيد اللي هيتم تخفيضة بنسبة 25 % )
قيمة الضرائب المبيعات = (قيمة العربية سيف + ضريبة الوارد ) مضروب في 15%
رسم التنمية = (القيمة سيف + ضرائب المبيعات + ضريبة الوارد ) مضروب في نسبة رسم التنمية
قيمة العربية = قيمة العربية سيف + ضريبة الوارد + رسم التنمية +ضرائب المبيعات
سيبقي كده التاثير هيبقي في قيمة ضريبة الوارد و ضرائب المبيعات و رسم التنمية هينخفضوا

[fghahkj]

ياجماعه انتم فاهمين غلط القرار على السيارات المستورده التى تعمل بالغاز والكهربا بسسسسسسسسسسسسسس

[aldesha989]

اتوقع ان مصنع النصر لو اشتغل وعمل عربيات تليق بالانتاج المصرى سعر العربيات التانيه هينزل لوحده

[hugan]

ياجماعه انتم فاهمين غلط القرار على السيارات المستورده التى تعمل بالغاز والكهربا بسسسسسسسسسسسسسس

+111111111111111

[aboomar22]

ياجماعه انتم فاهمين غلط القرار على السيارات المستورده التى تعمل بالغاز والكهربا بسسسسسسسسسسسسسس

وبعدين الخصم مش على الجمارك ياجماعة الخصم على الضريبة يعنى مثلا لو العربية عليها 10 % من اجمالى السعر ضريبة يبقى هنكون 7.5 % فقط يعنى الخصم هيكون حوالى 2.5 % من قيمة السيارة