سلسلة فنيات القيادة - الحلقة الثالثة

[SYD]

الحلقة الثالثة : أزاي تتجاوز المطبات الغير مألوفة

السلام عليكم ورحمة الله وبركاته

النهاردة هنتكلم عن موضوع كلنا بنشوفه ونعاني منه وهي المطبات العشوائية سواء بغرض انها تكون مطب او بسبب حفر او ردم او اي شئ بارز عن الطريق

اولا هنبتدي بالمطبات العجيبة اللي بتصنعها الأهالي امام بيوتها في الشوارع الجانبية وليست طبعا في الشوارع الرئيسية

اول شكل منها
وهي المطبات المقسومة نصين - يعني المطب مش من الرصيف للرصيف - المطب فيه حتة ناقصة في النص
ودة شكله



المطب دة لما تشوفه هتلاقي انك ممكن تعديه بالعجلتين -
وممكن تعديه بالعجلة اليمين والعجلة الشمال في النص -
وممكن تعديه بالعجلة الشمال والعجلة اليمين في النص
طب اختار انهي اختيار ؟؟؟
طبعا الأختيار الصحيح - انك تعديه بالعجلة اليمين والعجلة الشمال في العدل او في النص
ودي انا اطلقت عليها مبدأ "أقل الضررين"
يعني لو عندك فرصة للأختيار بين العجلة اليمين والعجلة الشمال - هتؤثر العجلة الشمال عن العجلة اليمين -
في بعض العربيات اللي مش باور - بيكون العجلة اليمين علي مناول وليه فبرة بتتغير - لكن العجلة الشمال مالهاش مناول ولا فبرة وبالتالي الهلك كله في علبة الدريكسيون
نفس الشئ في الباور - بردو الشغل كله في الشمال عشان التوجيه
يبقي نضحي بالعجلة اليمين علشان الشمال تعيش

الشكل التاني
المطبط العشوائي اللي معمول قدام البيت وبيهد العربية
دة هتحاول قدر المستطاع تاخده علي الهادي - يعني ماتوقفش وتطلعه - لاء، تاخده والعربية ماشية
والأحسن كمان اول لما تيجي عنده تحود الدريكسيون سنة صغيرة وتحاول تاخده بالورب
لما تطلع مطب بجنب العجل بيبقي تأثيره اقل بكتير من لما تاخده بوش العجل - كذلك النزول من علي المطب - لما بيكون بجنب العجل - اخف بكتير من النزول بوش العجل

الشكل الثالث
بلاعة مرتفعة عن الأرض وواكله نص الشارع
لو بلاعة ارتفاعها انت متأكد انه مش عالي قوي وهيتاخد تحت العربية بتنصصها
لكن لو مرتفعة ؟؟؟
اما تطبق مبدأ اقل الضررين - او تحاول تتجنبها قدر المستطاع

الشكل الرابع
حفر نتيجة تصليح او ماشابه
ودة بيبقي اصعب 100 مرة من المطب المرتفع عن الأرض
بردو هتعمل فيه زي المطب الشكل الثاني
هتهدي وتكسر كسرة صغيرة قبله مباشرة فتنزل فيه بجنب العجل مش بوش العجل

اتمني تكون المعلومة مفيدة وسهلة والشرح واضح

تحياتي والي لقاء جديد ان شاء الله

والله المستعان
،
،

أقرأ ايضاً
الحلقة الأولي
الحلقة الثانية

[fares_311]

عارف أنا اي موضوع ليك بشوفه على طول.

بالمطبات العجيبة اللي بتصنعها الأهالي امام بيوتها في الشوارع الجانبية وليست طبعا في الشوارع الرئيسية

بئت في كل الشوارع الجانبيه والرئيسيه والصحراوي واي حته

[S O P H O S]

فعلا ربنا يستر علي عفشة اي عربية فمصر

[SYD]

عارف أنا اي موضوع ليك بشوفه على طول.



بئت في كل الشوارع الجانبيه والرئيسيه والصحراوي واي حته

متابعتك لموضوعاتي شئ يشرفني
لقراءة المزيد من موضوعاتي

http://www.nilemotors.net/Nile/242683-a.html#post3873767656

فعلا ربنا يستر علي عفشة اي عربية فمصر

يارب

شكرا علي مروركما الطيب

[2CODE]

طيب في نوع مطبات تاني متكلمناش عنه وعايز اخد رأيكم فيه

المطبات يا جماعة اللي مش بتبقى مستقيمة يعني ايه ؟ يعني واخده زاوية ميل مش خط مستقيم تلاقيها معووجه في كأنه خط بس مش مستقيم

طيب ده يتاخد متالته ولا يتاخذ مستقيم لانه معووج ومش مستقيم ولا ايه ؟

ارائكم ,,

[mem]

تسلم ايدك
وجزاك الله خيرا على المعلومات القيمه
ويارب الشوارع تتصلح لان الواحد بقى بيمشى على مطبات مش على شارع

[SYD]

طيب في نوع مطبات تاني متكلمناش عنه وعايز اخد رأيكم فيه

المطبات يا جماعة اللي مش بتبقى مستقيمة يعني ايه ؟ يعني واخده زاوية ميل مش خط مستقيم تلاقيها معووجه في كأنه خط بس مش مستقيم

طيب ده يتاخد متالته ولا يتاخذ مستقيم لانه معووج ومش مستقيم ولا ايه ؟

ارائكم ,,

دة عز الطلب
هتاخد المطب زي مانت عدل - هتلاقي كل عجلة بتطلع وتنزل بشكل مستقل عن الباقيين
بس اهم حاجة بردو تاخده علي الهادي وانت ماشي - ماتوقفش وترجع تطلع المطب

شكرا علي مرورك وأضافتك

[SYD]

تسلم ايدك
وجزاك الله خيرا على المعلومات القيمه
ويارب الشوارع تتصلح لان الواحد بقى بيمشى على مطبات مش على شارع

الله يسلمك
وتسلم علي مرورك الطيب