حسبى الله ونعم الوكيل فى الغش والغشاشين

[aldesha989]

حسبى الله ونعم الوكيل فى الغش والغشاشين

يعنى ايه اللى احنا وصلنا ليه ده

حسبى الله ونعم الوكيل والله بجد

حاجه متعبه تشترى قطعه غيار يا تطلع مش هيا يا تطلع مضروبه بالنار ومش نافعه

يا تجيب حاجه جديده وتطلع مضروبه وبتشتغل نص عمر وكانك جيبها هالك مش مستعمله حتى مع انك دافع تمنها جديد

تشترى حاجه من حد يقعد يشكر ليك وكانك هتأخد الحاجه وتكسب من وراها

ايه قمه الانحطاط اللى احنا وصلنا ليه ده ؟

وتمشى فى الشارع الناس بتعاكس دبان وشها
تكلم حد تحس انك عملت جريمه وكانك غلط فيه وهيتعارك معاك

تروح تسئل واحد صاحب محل على حاجه مش عنده يتنفخ عليه ويتعوج عليك وكانك بتقوله لله

إنا لله وإنا اليه راجعون

[speed_magnum]

انحطاط اخلاقي وانعدام ضمير يدفع ضريبته كل شخص محترم
وربنا يعدينا من الايام دي علي خير ويا رب يكون القادم افضل

[Land_Cruiser]

مع الاسف و لا اي اندهاش لان ده بقي الطبيعي و ربنا يهدي الناس و يرجعوا لطبيعتهم. بالنسبه لقطع الغيار حاول يا فندم تشتري من موزع معتمد بيخاف علي اسمه و سمعته لانه مش هيغامر بيهم علشان الفلوس حتي لو كانت الاسعار أغلي قليلا و لو حاجه فيها فن في التركيب اشتريها و ركبها في التوكيل للتأكد من انها اصليه و ان التركيب يبقي مضبوط

[S O P H O S]

ربنا يهدي الناس

[miceg]

ربنا لا تسلط علينا بذنوبنا من لا يخافك فينا ولا يرحمنا

[Amr Axel]

للاسف الغش و الطمع ملي ناس كتييير
و انا قررت ان هخف في شراء اي حاجة ده حتي لما جيت اشتري موبايل مفيش فايدة برده بالرغم اني اشتريته من موزع للتوكيلات مشهور جداااا في مصر و ادوني جهاز مفتوح ع انه جديد و طلع كمان فيه عيوب صناعة
و بقي في كل مكان ده الواحد بقي خايف يشتري علبة كبريت

[el diesel]

يا سيدى الفاضل ماذا تنتظر من عدم وجود النظام !!!!!!!!

[mohammed dodda]

ربنا يكفينا شر خلقه ويعدينا منها على خير

[lanos2004]

لا حول ولا قوة الا بالله
كدة احنا بقينا عايشين فى مصر بجد

[hugan]

طبيعي المصريون ملوك الفهلوه والحداقه

[Survival]

عادى هو دا التاجر المصرى الناصح.....

[hossamalsadik]

اشترى من حد معروف حتى لو غالى شويه او التوكيل
الناس نسيت ان الله هو الرقيب عشان كده امانهم قل وأخلقهم باظت بس لسى باردو فى ناس كويسه وبخير وربنا يوقفلك ولاد الحلال
ومن غشنا ليس منا

[Khaled Lanos]

يارب انتقم من كل نصاب وغشاش وحرامي معندوش ضمير ولا بيخاف الله

[Amr Axel]

اشترى من حد معروف حتى لو غالى شويه او التوكيل
الناس نسيت ان الله هو الرقيب عشان كده امانهم قل وأخلقهم باظت بس لسى باردو فى ناس كويسه وبخير وربنا يوقفلك ولاد الحلال
ومن غشنا ليس منا

راجع مشاركتي في الصفحة الأولي لأن للأسف التوكيل ملوش منفذ بيع غير الموزع ده و اغلي كمان عشان قولت لنفسي الكلمتين اللي فوق دول و ديه اخرتها
يعني حتي ديه كمان مبقتش تضمن خلاص الواحد مبقاش عنده استعداد يشتري اي حاجة

[aldesha989]

ربنا يتوب علينا والله ويرحمنا الموضوع كل شويه بيزيد وبيكتر وكله بيتعلم من التانى واحنا الضحيه
الموضوع مش معمول علشان اعرف اشترى الحاجه منين الموضوع معمول علشان نفسى الناس تراجع نفسها وتفكر ان فى اخره وربنا هيساحبهم على العذاب اللى احنا فيه احنا مش حاسين اننا هنتحاسب اللى بيقدر يسرق ولا يخطف ولا يغش ولا يضحك على حد بيعمل من غير تفكير

ربنا يهدينا كلنا ويتوب علينا ويرحمنا ويسترها علينا