شفت سرقة معتقدش حد يقدر يمنعها

[mohammed dodda]

يوم الجمعة اللى فات رحت بالعربية انا واخويا لمسجد فى منطقة راقية عندنا ومعظم رواد المسجد من سكان المنطقة وطبعا بيجوا بعربياتهم ويركنوها قصاد المسجد...المهم بعد الصلاة خرجنا مع المصلين لقينا موقف مؤسف : أكتر من 5 عربيات مرفوعين على طوب وكاوتش او اتنين متشالين بجنوطهم !! مابين كارينز ونوبيرا ومرسيدس واوكتافيا لا تقولى بقى انذار ولامفتاح فصل ولا حركات...غير تلت اربع عربيات تانية مكسور البربريز الخلفى ومسروق الكاسيت بالسماعات..اللى يشلك بقى ان كان فيه كشك مرور عند اشارة بعد اقل من 20 متر من المسجد ومرزوع فيها اتنين عساكر !!...طبعا اصحاب العربيات قعدوا على الرصيف متحسرين كل واحد عمال يحسب خسارته اللى 3000 واللى5000 ولا حول ولا قوة الا بالله....طب دلوقتى ازاى نأمن كوتشاتنا من السرقة ؟؟!!

[misoalex]

اللى خايف على كوتشه يروح :)

قصدى يبيع العربيه

[S O P H O S]

في مسامير خاصة بمفتاح معين
بحيث انه ميعرفش يفك الجنط بالمفتاح العادي

[aldesha989]

في مسامير خاصة بمفتاح معين
بحيث انه ميعرفش يفك الجنط بالمفتاح العادي

ازاى ياريت تقولنا بحيث ان الواحد يأمن نفسه فعلآ حسبى الله ونعم الوكيل الناس تصلى تطلع تلاقى نفسها على الارض

[mohammed dodda]

في مسامير خاصة بمفتاح معين
بحيث انه ميعرفش يفك الجنط بالمفتاح العادي

.....انا اول مرة اسمع عنها دى! طيب ليها ماركة أواسم معين؟ وتمنها بيبقى فى حدود كام ونجيبها منين؟ وحضرتك جربتها شخصيا؟

[omar-saad]

طيب تعمل ايه بقى لو طلعت مالقيتش العربية كلها
فى العشر دقايق دول !

[Mostafa.Mahran]

الحمد لله ان العربيات موجودة اصلا

[mohammed dodda]

طيب تعمل ايه بقى لو طلعت مالقيتش العربية كلها
فى العشر دقايق دول !

....ربنا يكفينا شر خلقه ويحفظ عربياتنا..انا قصدى ان دلوقتى بقى فيه انذار ومفتاح فصل واجهزة تتبع وكمان سمعت عن نظام الكترونى يفصل كهربة العربية بمجرد تجاوزها نطاق معين بعيدا عن جهاز خاص بيكون مع السائق دايما...لكن ايه اللى يمنع فك اربع او خمس مسامير وفى لحظة تلاقى اربع خمس تلاف جنيه فى الباى باى !!

[طارق _عبد السلام]

.....انا اول مرة اسمع عنها دى! طيب ليها ماركة أواسم معين؟ وتمنها بيبقى فى حدود كام ونجيبها منين؟ وحضرتك جربتها شخصيا؟

ده موجود فى الفانتازيا اسئل على مسمار الأمان فى الفانتازيا
ولو لقيته انت محتاج اربع مسامير فقط فى كل فرده هتركب مسمار منهم

[MohaMed_Refaat]

حسبى الله ونعم الوكيل هي مصر خربت للدرجة دى

[SYD]

اعتقد المسامير الخاصة دي مش هيقل الواحد منها عن رينج 50 - 75 جنيه
قول 50 × 16 = 800 جنيه
لاء انا عندي اركب جنوط اسبور بغطاء علي المسامير بمفتاح الانكيه مخصوص - طالما كدة كدة هدفع

ولو راكب عربية غالية تستحق المبلغ - هتضطر ادفع
لكن هخاف علي جنوط حديد الطقم ب 400 جنيه ؟؟؟؟

بس انا سؤالي :: جاب منين طوب يكفي العربيات في المسجد وجابهم بأيه ؟؟؟
وخد الجنوط بتاعة العربيات دي كلها ازاي ؟؟ وبأيه ؟؟؟

دوول اكيد تشكيل عصابي يمكن 30 واحد ولا حاجة ومعاهم تريلا عليها طوب وحملوا مكان الطوب جنوط ؟؟؟

ربنا يصلح الحال

[abdo7000]

لا حول ولا قوة الا بالله العلي العظيم

[محمد طايع]

ربنا ينتقم منهم بعدله فى الدنيا والآخره

[Land_Cruiser]

لا حول و لا قوه الا بالله .اسأل فعلا علي مسامير منع سرقه الجنط و دي المفك الصليبه ما ينفعش يفكها و ليها مفك مخصوص بييجي معاها . في كمان الكلبش بتاع العجل بس. المشكله انه بيربط عجله واحده و اعتقد هيبقي صعب تقعد تركب و تفك ٤ منه كل ما تيجي تركن العربيه و عامه حاول تركن بين عربيتين بحيث ما يبقاش في مكان لحد يقعد براحته مرتاح علشان يفك العجل

[Khaled Lanos]

الواحد زهق والله هيأمن ايه ولا ايه بس العربية نفسها ولا الشنطة ولا العلامات اللي برا..حتى الجنوط بقو يسرقوهم