إعـــــــلان

Collapse

.

,
See more
See less

طريق جديد للناس الي شغالين في القرية الذكية و أبورواش عموماً

Collapse
X
 
  • Filter
  • الوقت
  • Show
Clear All
new posts

  • طريق جديد للناس الي شغالين في القرية الذكية و أبورواش عموماً

    النهضة تأتي ثمارها

    طريق جديد للبعد عن زحمة المحور و الصحراوي
    يعرف بطريق الصليبة
    الطريق تم تطويره كلياً ( بقى زي طريق العين السخنة كدة )
    في منطقة ما زال العمل جاري فيها مسافتها حوالي 100 متر فقط و لكن في هذه المنطقة يوجد تحويلة
    اي ان الأتجاهين بيكزنزا في حارة واحدة في هذه المنطقة فقط

    الطريق ده بيوصل لحد الرماية في زمن تقريباً 20 دقيقة
    المناطق الزحمة بتبقى تحت المحور فقط و لكن زحمة عادية يعني الطريق بيبقى ماشي عادي بس بطئ

    و في شارع تاني بيوصل لكوبري صفط اللبن أسمه شارع ناشد ( المجزر الألي )
    هو الشارع ده متسفلت بس مكسر شوية و فيه مطبات و هو داخل منطقة سكنية و طولة حوالي كيلو تقريباً

    انا بوصل من أبو رواش لفيصل من الطريق ده في 40 دقيقة

    الطريق فعلاً تطور تماماً

    منطقة الصليبة غالباً بيبقى عندها كمين غلس شوية
    لدرجة اني بقيت اهرب منه لان الامين فعلاً كان بيوقفني كل يوم يشوف الرخص و أخر مرة سألته هو حضرتك لسة محفظتنيش

    توصله ازاي بقى

    من القرية الذكية
    تاخد الطريق لحد أخره و بعد كدة شمال و تمشي مع العربيات لحد ما توصل الصليبة و بعد كدة يمين على طول لحد ما توصل الرماية

    طريق ناشد لمحور صفط ممكن تتوهو فيه
    بس هتعدي المحور و تفضل ماشي على طول
    و بعد كدة هيقابلك جامع كبير جديد على ايديك اليمين تسيبه بردو و تكمل على طول حوالي 200 او 300 متر
    هتلاقي تريلات كتير واقفة و الناحية التانية تكاتك كتير واقفة على ناصية شارع على ايديك الشمال
    تاخد اول يوتيرن و تدخل الشارع ده
    تمشي فيه لحد اخره خالص و بعد كدة تخش يمين و تفضل ماشي على طول لحد ما تقابلك بنزينة التعاون على ايدي اليمين
    أول داخلة شمال بعد البنزينة ادخلها و كمل على طول هتلاقي محور صفط في وشك

    على فكرة لو ما دخلتش الدخلة الي بعد بنزينة التعاون دي و كملت على طول هتطلع عند النفق الي هو بين الهرم و فيصل في منطقة مشعل تقريباً اسمه البيني


    في بقى اختصارات و انا مجربها كلها

    زي مثلاً الي جاي من اكتوبر و رايح المهندسين عن طريق المحور و الدنيا زحمة
    في اول المحور كدة بعد طلعة الصحراوي و قبل النفق في دخلة كدة يمين شكلها مش عاطفي
    الدخلة دي بتوصلك بطريق كرداسة ده و بيبقى بينك و بين شارع ناشد حوالي 300 متر
    بتطلعك عن الجامع الي انا قولت عليه ده بس الطريق ده اعتقد انه بالليل متأخر مش هيبقى أمان قوي
    لكن في الأوقات الي انات بمشي فيها بيقى كويس جداً
    هما اهل كرداسة اصلاً محترمين جداً و الي بيعمل مشاكل دايما بيبقى العرب بتوع ليبيا
    [SIGPIC][/SIGPIC]

  • #2
    مشكور للمعلومات دي بس لو فيها حبت رخامه انا واحد مش عايش في القاهرة ومش قادر اتخيل بالظبط وصفك يا سلام لو في خرائط جوجل وتوضح عليها كلامك يكون 100 100 وشاكرين ليك مجهودك
    الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

    Comment


    • #3
      كويس ربنا يسهل ..

      Comment


      • #4
        انا عايز اوضحها بالخرايط بس للأسف مش بعرف
        لو تقولي الطريقة , انا اوضحهالك
        [SIGPIC][/SIGPIC]

        Comment


        • #5
          شكراًَ على المجهود فى الشرح ياباشا
          بس بصراحة انا تهت منك
          ممكن تبسطلنا الموضوع شوية
          يعنى بالنسبة لو انا جاى من اكتوبر رايح المهندسين
          انت بتقول قبل النفق
          نفق ايه؟؟ فودافون ولا قصدك على نفق تانى

          Comment


          • #6
            بعد طلعة الصحراوي في اتجاه المهندسين
            في كوبيركدة قاطع المحور من فوق صح
            قل الكوبري ده في داخلة يمين كدة مكسرة شوية
            هي دي الي انا قصدي عليها
            [SIGPIC][/SIGPIC]

            Comment


            • #7
              لو حد بس يقولي الخهرايط دي بتتعمل ازاي و انا اريحكوا خالص
              اصلاً الموضوع مش يتوه قوي
              [SIGPIC][/SIGPIC]

              Comment


              • #8
                ممكن تفتح wikimapia وتسيف الصور وتحدد عليها الطريق ببرنامج paint

                Comment


                • #9
                  ماشي هجرب اعملها دلوقتي
                  [SIGPIC][/SIGPIC]

                  Comment


                  • #10
                    نصيحة بجد و الامانة الطريق دا خطير جدا و انا ساكن هناك لو تعرف مدخل فيلا غبور او مدخل الحاجر الطريق دا مليان عرب بليل و التسبيت هناك شغال على ودنة عشان كدا كمين الصليبة على طول هناك دى نصيحة لوجة اللة بس واللة

                    Comment


                    • #11
                      شكرا جزيلا على المعلومات

                      Comment


                      • #12
                        انا للأسف مش عارف اعمل الخريطة

                        للأمانة و الله بدون مبالغة
                        اانا شايفه أمن
                        انا ساعات بستعمل المدق الي عند شركة موبيكا الي هو بيدخلني منطقة القصور
                        و ساعات بستعمل الطريق الي بين الزراعات الي هو في وش طريق القرية الذكية الي في مخزن غبور
                        بس لو متأخر قوي بعد الساعة 10 انا مجربتوش
                        بس في الوقت من 5 إلى 8 انا شايفه عادي جداً مافيش منه خوف اصلاً
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة أشرف العدوي مشاهدة المشاركة
                          انا للأسف مش عارف اعمل الخريطة

                          للأمانة و الله بدون مبالغة
                          اانا شايفه أمن
                          انا ساعات بستعمل المدق الي عند شركة موبيكا الي هو بيدخلني منطقة القصور
                          و ساعات بستعمل الطريق الي بين الزراعات الي هو في وش طريق القرية الذكية الي في مخزن غبور
                          بس لو متأخر قوي بعد الساعة 10 انا مجربتوش
                          بس في الوقت من 5 إلى 8 انا شايفه عادي جداً مافيش منه خوف اصلاً
                          صدقنى الطريق دا بليل بيبقا شبة مهجور و التسبيت هناك فظييييع و العرب هناك شوية حرامية واللة العظيم انا من سكان المنطقة و منصحش بى الطريق دا دا فية كمية عربيات اتسرقت من الطريق دا ربنا يستر طريقكم

                          Comment


                          • #14
                            على العموم طالما انت من سكان المنطقة يبقى انت أدرى مني
                            ربنا يجعله في ميزان حسناتك
                            انا كنت عايز اساعد بس علشان نخفف عن الناس زحمة المحور و الصحراوي
                            و خصوصاً الطريق بعد ما اتطور بقى ولا طريق العين السخنة
                            [SIGPIC][/SIGPIC]

                            Comment


                            • #15
                              المشاركة الأصلية كتبت بواسطة أشرف العدوي مشاهدة المشاركة
                              على العموم طالما انت من سكان المنطقة يبقى انت أدرى مني
                              ربنا يجعله في ميزان حسناتك
                              انا كنت عايز اساعد بس علشان نخفف عن الناس زحمة المحور و الصحراوي
                              و خصوصاً الطريق بعد ما اتطور بقى ولا طريق العين السخنة
                              انا عارف واللة الطريق بقا فل اوووووووى اسفلت نضيف مفيش غير حتة بس هية الى مكسرة تعرف الحتة دى انا ساكن فى المدخل الى عند الحتة الى لسة مترصفتش

                              Comment

                              Working...
                              X