الواير بتاع الفتيس اتقطع - ماتريكس 2002

[أبو يوسف]

امبارح رايح اركب العربية لاقيت الفيس سايب وكأنه مكسور
جبت الميكانيكى بص عليه , راح شادد الواير من الكبوت لاقه مقطوع
المهم سألت على الواير دة لاقيته ب 100 جنيه صينى
والميكانيكى قالى أن الواير بيتغير كله بالجراب ( واير الفتيس + واير السوستة )
حد عنده فكرة عن الموضوع دة , ومش عارف أحاسب الميكانيكى اديله كام على تغيير الواير دة
أبو يوسف
01110336039

[أبو يوسف]

هو لية محدش بيرد عليا ؟

[abokoko]

اصبر
وان شاء الله هييرد الاخوه على حضرتك
بس سؤال
انا عندى لادا ومعرفش يعنى ايه واير الفتيس؟؟
اللى اعرفه واير فرامل اليد
؟؟
فممكن التوضيح

[أبو يوسف]

هو عبارة عن 2 واير متوصلين بالفتيس الى الماتور
واحد لونة أحمر والتانى لونة أسود

[MohssenRashed]

كان اتقطع عندي في الاكسنت 99 و غيرتة في التوكيل ب 600 جنية من 5 سنين كده

نصيحة هاتو اصلي بلاش صيني عشان لو عملها معاك تاني و اتقطع في حتة بعيده هيبهدلك (اصل انا اتقطع مني في الساحل وكان بهدلة).

[aldesha989]

الواير مش صعب تغيره سهل يعنى الميكانيكى اخره 20 او 30 جنيه بالكتير بس هى الفكره فى الاسعار وهات الاصلى فعلآ بلاش اللى فى السوق علشان كل اللى فى السوق مضروب

[أبو يوسف]

هى دى الصورة

[IMG] Uploaded with ImageShack.us[/IMG]

[abokoko]

هى دى الصورة

[img] uploaded with imageshack.us[/img]

هل واير الفتيس موجود فى كل العربيات
ولو ممكن فكرة مبسطه عن عمله

[أبو يوسف]

الحمد لله تم إصلاح الواير أمس - كالتالى :
لفت لف التنين على الواير فى شارع شبرا , التوفيقية , الحرفيين , عزبة شلبى , وأخيراً لاقيته فى التوكيل , وياريتنى ما لاقيته
لاقيتة بـ 935 جنيه
المهم واحد وصفلى واحد بيعمل حاجة أسمها ( يكبس الواير ) وخد منى 100 جنيه , وروحت ركبته عند الميكانيكى ب 50 جنية
الحمد لله