فكره مجنونه بفكر فيها من زمان

[mtema99]

ازيك يا استاذ فادي

انا كان نفسي في شركه النصر للاسباب اللي ذكرتها

و اما الحكومه فهنعمل مجلس اداره و رئيس مجلس الاداره هو المتحدث مع الحكومه و مع تاسيس

شركه مساهمه ممكن كله يحط الفلوس اللي عايز يدفعها في حساب بام الشركه في اي بنك

و الحكومه مش هتطلب حاجه غير الفلوس

[Chicco]

فكرة هايلة ...مش مجنونة و لا حاجة :)....و لكنها صعبة التنفيذ لاسباب كتيرة ....فكرة فادي باشا ممكن تبقي Plan B لو الفكرة الأساسية لم تتحقق ....ربنا يوفق الجميع للخير إن شاء الله

نشترك فى تأسيس شركة صغيرة لصناعة السيارات و ندفع فلوس تصميم سيارة صغيرة, و مصنع صغير و نحاول نستورد محرك من أى صانع شهير, و عندنا الخبرات الى ممكن يعملوا موضوع زى ده, و الموضوع ده مش بعيد فكل الشركات العالمية الضخمة بدأت كشركات صغيرة و مصانع صغيرة و اتطورت بعد كده لتصبح شركات كبيرة متعددة الطرازات.
.

[casper2010]

و الله بيل جيتس بدا من مكان زي الجراج .. و بقي بيل جيتس
احنا بس غاويين نحلم و خلاص
طبعا الصعوبات الحكومية و راس المال الضخم و قلة الخبرة الشديدة كل دا يعني احنا بنتكلم في الخيال
ابدؤا صغيرين بس بجدية و هتكبروا

[د.أحمد سمير]

لو بتتكلموا بجد حقيقي ..
فالحل هو إنشاء كيان جديد وليس الاعتماد على كيان قديم ومترهل ..

الحل من وجهة نظري أن يتم إعداد دراسات فنية وهندسية ، واتصالات مع شركات عالمية ، وتأسيس شركة لتجميع السيارات ..

وعند الاستقرار على الموديل وضمان قانونية التصنيع . يتم تأجير أي خط إنتاج من أي مصنع قائم ..
وأنا عن نفسي أرشح خط إنتاج من خطوط الهيئة العربية للتصنيع التي كانت تصنع الشيروكي ..
وقتها لو الموضوع فشل .. يبقى الخسارة محدودة .. يعني دراسات واتصالات .
ولو نجح والعربية اتباعت كويس .. يبقى نفكر في تأسيس خط إنتاج مستقل ، يكون نواة لمصنع سيارات مصرية ..

تقبلوا خالص مودتي

[mtema99]

فكره جميله بردك يا دكتور

بس هتفضل مشكله انها شركه جديده خالص على شعب متعود على شراء الحاجه المعروفه

[فادى]

لو بتتكلموا بجد حقيقي ..
فالحل هو إنشاء كيان جديد وليس الاعتماد على كيان قديم ومترهل ..

الحل من وجهة نظري أن يتم إعداد دراسات فنية وهندسية ، واتصالات مع شركات عالمية ، وتأسيس شركة لتجميع السيارات ..

وعند الاستقرار على الموديل وضمان قانونية التصنيع . يتم تأجير أي خط إنتاج من أي مصنع قائم ..
وأنا عن نفسي أرشح خط إنتاج من خطوط الهيئة العربية للتصنيع التي كانت تصنع الشيروكي ..
وقتها لو الموضوع فشل .. يبقى الخسارة محدودة .. يعني دراسات واتصالات .
ولو نجح والعربية اتباعت كويس .. يبقى نفكر في تأسيس خط إنتاج مستقل ، يكون نواة لمصنع سيارات مصرية ..

تقبلوا خالص مودتي

لو جمعنا عربية أخرى يبقى عملنا نفس الغلطة الى عملتها نصر من 50 سنة, و هنفضل طول عمرنا نجمع,
لا لازم تبقى سيارة و ماركة مصرية تماما, لا بأس من الاعتماد على بعض القطع المصنعة بالخارج لكن المهم انو تصميم السيارة ككل تكون مصرية باسم مصرى, و ربما يمكننا الاستعانة باسم رمسيس عشان يبقى السيارة ليها أصل, و ساعتها لو صدرنا بره مصر ممكن نقول رمسيس Since 1960 مثلا, الايحاء انو الماركة قديمة هيعطى شعور أكبر بالثقة للمستهلك.

[mahamedaraby]

شركة النصر عليها ديون كتير و الموضوع متشعب و معقد, و كمان معتقدش اننا ممكن نكمل المبلغ اللازم لشرائها, كما أن عرضنا هيكون غير مغرى للحكومة لأنهم هيفضلوا المستثمرين ذوى الخبرة فى ادارة مصانع السيارات حتى لو هيدفعوا أقل.

لو عندك حلم تصنيع سيارة مصرية يبقى الأوقع اننا نشترك فى تأسيس شركة صغيرة لصناعة السيارات و ندفع فلوس تصميم سيارة صغيرة, و مصنع صغير و نحاول نستورد محرك من أى صانع شهير, و عندنا الخبرات الى ممكن يعملوا موضوع زى ده, و الموضوع ده مش بعيد فكل الشركات العالمية الضخمة بدأت كشركات صغيرة و مصانع صغيرة و اتطورت بعد كده لتصبح شركات كبيرة متعددة الطرازات.
احنا ممكن نصنع الشاسيه و أجزاء السيارة الاخرى, أما المحرك و علبة التروس ففى البداية يفضل ناخدهم من أى صانع شهير, مع اننا نقدر نصنعهم هنا لكن عشان ثقة المستهلك فى السيارة, و بعديها ممكن نبدأ فى تصنيع المحرك و غير ذلك من الأجزاء المعقدة.

والله نفسى اشوف اليوم ده بجد نفسى ياريت يتحقق

[PRO-DRIVE]

بحلم بفكره زي دي من سنيييييييييين بس مافيش في اليد حيله ابدااا

فكره اننا نبدأ بشركه صغيره تقريبا هي دي الاوقع

لأن اننا نشتري من الحكومه


صعببب جداااا

[mtema99]

شكرا جدا على كم المقترحات و على ان الناس اخدت كلامي بجديه

بس احب اقول للاستاذ فادي

ان الفكره بالنسبالي كانت مش في اسم قديمم و خلاص

الفكره اسم معروف و متجرد في وقتنا الحالي و فيه حاجه كمان

كم الاراضي التابعه للشركه و الورش الجاهزه

ديه كانت فكرتي

[aif]

جميع المشروعات العملاقة بدأت بافكار واحلام .... ثم تحققت .... وليه لأ...حتى لو ما نجحناش لاقدر الله يكفينا اننا اجتهدنا وحاولنا .... وربنا الموفق

[mtema99]

ربنا يسعدكم و يباركلكم
زي ما انتم اسعدتموني بالكلام ده

[Ahmed Anwer]

فكرة د / أحمد سمير أكثر واحدة متماشية مع فكر السوق ،،

تقليل المخاطرة لأقصي حد ،،

و فكرة ماتيما برده مالهاش مخاطره تقريبا لأن يوم ماهتخسر هتبيع شركة النصر تاني

بس محتاجة فلوس اكتر بكتير و اصعب في التنفيذ

عموما انا شايف المخاطرة ضعيفة في كل الأحوال لأن السوق المصري مش بيكبر ده بينفجر

و لو نجحتم انكم تعملوا عربية معقولة بسعر معقول اكيد السوق عايزها لأقصي درجة

فيه تجربتين ممكن نقتدي بيها ،،

1- التجرية التركية و الهندية و غيرهم كتير ،، نكون مركز تصنيع للمنطقة لشركة كبيرة

صعوبتها اقناع الشركة الكبيرة بان مصر افضل من تركيا و المغرب و اوربا الشرقية

غير ان غالبا ليها توكيل في مصر

2- التجربة الكورية و الماليزية ،، نشتري التكنولوجيا و الإحلال واحدة واحدة

و شركة زي ميتسوبيشي بتعز الحكاية دي اوي

و اساسا عاملين شركة للخدمات دي من اول خط الإنتاج و التصميم لحد الإدارة

http://www.mae.co.jp/en/index.html

و نستفيد بعمل اسم و سياسة تسعير مستقله

و ليا عودة ،، الموضوع شيق جدا

[فادى]

شكرا جدا على كم المقترحات و على ان الناس اخدت كلامي بجديه

بس احب اقول للاستاذ فادي

ان الفكره بالنسبالي كانت مش في اسم قديمم و خلاص

الفكره اسم معروف و متجرد في وقتنا الحالي و فيه حاجه كمان

كم الاراضي التابعه للشركه و الورش الجاهزه

ديه كانت فكرتي

بداية يا أستاذ محمد انا احييك على هذه الفكرة الرائعة,
أنا فكرتى فى تأسيس شركة جديدة كانت مبنية على تقليل المبلغ الى هندفعه من جانب, و من جانب أخر تجاوز المشاكل الهيكلية الموجودة فى شركة النصر و اللى هنورثها فى حالة شرائها زى العمالة الزائدة و الديون و غير ذلك, بالاضافة الى أن بناء الورش ربما يكلفنا أقل من شراء الورش الجاهزة. و فى النهاية أنا معاكو فى اى حاجة و لو الموضوع مشى هشارك باللى أقدر عليه.

[Nile_Storm]

اتمني ييجي اليوم و يبقي الحلم حقيقه

[MoToRiZeR]

متابع بإهتمام